18-Jul-2026

ଆଗଲପୁର, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ସ୍ବର୍ଗତ ଲଳିତମୋହନ ମେହେର ସ୍ମୁତି ସଭା ଗୃହ ରେ ସମିତି ବୈଠକ ଅନୁଷ୍ଠିତ ହୋଇଯାଇଅଛି l ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ମହାପାତ୍ର କୁଲଦୀପ ମହାନ୍ତି ଙ୍କ ତତ୍ୱାବଧାନ ରେ ଅନୁଷ୍ଠିତ ସଭାରେ ଜିଲ୍ଲା ପରିଷଦ ଅଧ୍ୟକ୍ଷ। ଦେବକୀ ସାହୁ , ବ୍ଲକ ଅଧ୍ୟକ୍ଷା ଗୀତାଞ୍ଜଳି ଦାସ, ଜିଲ୍ଲା ପରିଷଦ ଜୋନ 2 ସମିତି ସଭ୍ୟା ବୀଣାପାଣି ଦାସ , ବ୍ଲକ ଉପାଧ୍ୟକ୍ଷା ନିରୁପମା ପଧାନ , ସାଂସଦ ଙ୍କ ଆଗଲପୁର ପ୍ରତିନିଧି ଉମେଶ ପଟେଲ୍, ବିଧାୟକ ଙ୍କ ଆଗଲପୁର ପ୍ରତିନିଧି ପିତାମ୍ବର କଣ୍ଟା ମଂଚାସୀନ ଅତିଥି ଭାବେ ଯୋଗଦେଇ ଥିଲେ ।ଏହି ସଭାରେ 20 ଟି ଗ୍ରାମ ପଞ୍ଚାୟତ ର ସମିତି ,ସରପଞ୍ଚ , ପି ଇ ଓ , ବ୍ଲକ ପ୍ରଶାସନ ର ପ୍ରତ୍ୟକ ବିଭାଗ ର ମୁଖ୍ୟ ଅଧିକାରୀ ମାନେ ଅଂଶ ଗ୍ରହଣ କରିବା ସହିତ ସହଯୋଗ କରିଥିଲେ । ଏଥିରେ ବନ୍ୟା ,ବାତ୍ୟା, କୃଷି , ଉଦ୍ୟାନ ,ମତ୍ସ୍ୟ, ଜଳ ଓ ପରିମଳ, ଶିକ୍ଷା , ସ୍ବାସ୍ଥ୍ୟ, ମହିଳା ଓ ଶିଶୁ ବିକାଶ ଓ ଉନ୍ନୟନ କାର୍ଯ୍ୟ ଉପରେ ଆଲୋଚନା ହୋଇ ଆଗାମୀ ଦିନରେ କିପରି କାର୍ଯ୍ୟକାରୀ ତାହା ପ୍ରସ୍ତାବ ନିଆ ଯାଇଥିଲା । ଏହିପରି ଲୋକ ପ୍ରତିନିଧି ଓ ପ୍ରଶାସନ ବିଗତ ଦିନରେ କିଛି ନିଶ୍ଚିତ କର୍ମ ନିଯୁକ୍ତି ଯୋଜନା , ପି ଡି ଏସ ବଣ୍ଟନ ରେ ଅନିୟମିତତା, ପ୍ରଧାନମନ୍ତ୍ରୀ ଆବାସ ଗୃହ ତଥା ଅନ୍ୟାନ୍ୟ ସମସ୍ୟା ଉପରେ ତର୍କ ବିତର୍କ ହେତୁ ଅଧା ରେ ବୈଠକ ବନ୍ଦ ହୋଇଥିବା ଲୋକ ପ୍ରତିନିଧି ମାନଙ୍କ ଠାରୁ ସୂଚନା ମିଳିଛି । ଏଣୁ ଅଶାନ୍ତ ପରିବେଶ ଭିତରେ ଆଜିର ଏହି ବୈଠକ ହୋଇଥିଲା l ବ୍ଲକ ର ମୁଖ୍ୟ ପ୍ରଶାସନ ଓ ବ୍ଲକ ରୁ ନିର୍ବାଚିତ ଲୋକ ପ୍ରତିନିଧି ର ମୁଖ୍ୟ ହୋଇ ଜିଲ୍ଲା ସ୍ତର ମୁଖ୍ୟ ହୋଇଥିବା ରୁ ବ୍ଲକ ର ବୈଠକ ରେ  ହୋ ହାଲ୍ଲା ହେବା  ବ୍ଲକ ରେ ନୂଆ ଇତିହାସ । ତେଣୁ ବ୍ଲକ ରେ ଉନ୍ନତିମୂଳକ କାର୍ଯ୍ୟ କିପରି ହେବ ତାହା ପରିହାସ ର ବିଷୟ ବୋଲି ଉପସ୍ଥିତ ଲୋକ ପ୍ରତିନିଧି ମାନଙ୍କ ଠାରୁ ସୂଚନା ମିଳିଛି l