10-Jul-2026

(ମନୋରଞ୍ଜନ ତ୍ରିପାଠୀ )
ଭାରତ ବିକାଶ ପରିଷଦ, ସୋନପୁର ଶାଖା ପକ୍ଷରୁ ବିକାଶ ସେବା ପକ୍ଷ ଅବସରରେ ସୋନପୁର ମହାବିଦ୍ୟାଳୟ ପରିସରରେ ଏକ ବୃକ୍ଷରୋପଣ କାର୍ଯ୍ୟକ୍ରମ ସଫଳତାର ସହ ଆୟୋଜିତ ହୋଇଥିଲା।
ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଶ୍ରୀ ରାଧାକାନ୍ତ ନାଏକ, ଅଧ୍ୟକ୍ଷ, ସୋନପୁର ମହାବିଦ୍ୟାଳୟ ଏବଂ ସମ୍ମାନିତ ଅତିଥି ଭାବେ ବିଶିଷ୍ଟ ବ୍ୟବସାୟୀ ଡ଼. ଆଦିକନ୍ଦ ବାବୁ ଯୋଗଦେଇଥିଲେ।

  ଏହି କାର୍ଯ୍ୟକ୍ରମ ସୋନପୁର ଶାଖାର ସଭାପତି ଡ଼. ସନ୍ତୋଷ କୁମାର ପାଢ଼ୀଙ୍କ ନେତୃତ୍ୱରେ, ସମ୍ପାଦକ ଲେଫ୍ଟନାଣ୍ଟ ଅଶିଷ କୁମାର ଅଗ୍ରୱାଲ ଓ ଓଡ଼ିଶା ପଶ୍ଚିମ ପ୍ରାନ୍ତର  ମହାସଚିବ ଶ୍ରୀ ଦୁର୍ଯ୍ୟୋଧନ ସାହୁଙ୍କ ମାର୍ଗ ଦର୍ଶନରେ ସମ୍ପାଦିତ ହୋଇଛି। ଶାଖାର କାର୍ଯ୍ୟକାରିଣୀ ସଦସ୍ୟ ଶ୍ରୀ ପ୍ରମୋଦ ସାହୁ, ପର୍ବ୍ୟବରଣ ସଂଯୋଜୋକ ଶ୍ରୀ ଅରବିନ୍ଦ ସାହୁ, ଶ୍ରୀ ଦାମୋଦର ପଣ୍ଡା, ପୂର୍ବତନ ସମ୍ପାଦକ ଶ୍ରୀ ଉମାକାନ୍ତ ନାଗ, ସଦସ୍ୟ ଡ଼. ନରେନ୍ଦ୍ର ପ୍ରଧାନ, ପ୍ରାଧ୍ୟାପକ ରମାକାନ୍ତ କର, ଶ୍ରୀ ଅବିନାଶ ସାହୁ ପ୍ରମୁଖ  ସହ ସୋନପୁର ମହାବିଦ୍ୟାଳୟର ଏନ୍‌.ସି.ସି. କ୍ୟାଡେଟ୍‌ମାନେ ସକ୍ରିୟ ଭାବେ ଅଂଶଗ୍ରହଣ କରିଥିଲେ।

ଏହି ଅବସରରେ ୩୧ଟି ଫଳଜ ଓ ଅନ୍ୟାନ୍ୟ ଚାରାଗଛ ରୋପଣ କରାଯାଇଥିଲା। ଉପସ୍ଥିତ ସମସ୍ତେ ପରିବେଶ ସୁରକ୍ଷା ଓ ସବୁଜ ସମୃଦ୍ଧ ଭବିଷ୍ୟତ ଗଠନ ପାଇଁ ରୋପିତ ବୃକ୍ଷଗୁଡ଼ିକର ଯତ୍ନ ନେବାକୁ ଶପଥ ଗ୍ରହଣ କରିଥିଲେ।

କାର୍ଯ୍ୟକ୍ରମଟି ଭାରତ ବିକାଶ ପରିଷଦ, ସୋନପୁର ଶାଖାର ପର୍ଯ୍ୟାବରଣ ଟୋଲୀ ଦ୍ୱାରା ଆୟୋଜିତ ହୋଇଥିଲା ଏବଂ "ବୃକ୍ଷ ଲଗାନ୍ତୁ, ପ୍ରକୃତିକୁ ବଞ୍ଚାନ୍ତୁ, ଭବିଷ୍ୟତକୁ ସୁରକ୍ଷିତ କରନ୍ତୁ" ବାର୍ତ୍ତା ସହ କାର୍ଯ୍ୟକ୍ରମର ସମାପନ ହୋଇଥିଲା।