09-Jul-2026

ତରଭା:(ପ୍ରେରଣା ଖବର)- ପାଣିମୋରା ଇଥାନାଲ ଫ୍ୟାକ୍ଟ୍ରି ରେ ଏକ ଅଘଟଣ ଘଟିଯାଇଛି।୮.୭.୨୦୨୬ ପୂର୍ବାହ୍ନ ୧୧:୩୦ ମିନିଟ୍ ସମୟରେ ଜଣେ ୩୫ ବର୍ଷୀୟ ବ୍ୟକ୍ତି ଗ୍ରେନ୍ ସାଇଲୋ ଭିତରେ ପଡ଼ି ମୃତ୍ୟୁବରଣ କରିଥିଲେ।ତରଭା ଥାନା ଅଧିକାରୀ ଡୋଲାମଣି ନାଏକ,ଏସ ଆଇ ପ୍ରସଂଜିତ ବେହେରା ଏବଂ ଏସଡିପିଓ ଘଟଣାସ୍ଥଳ କୁ ଯାଇ ପରିଦର୍ଶନ କରିଥିବା ବେଳେ କେସ ନମ୍ବର ୫/୨୦୨୬ ରେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛନ୍ତି।ସୂଚନାରୁ ପ୍ରକାଶ ଯେ ଦିନ ୧୧:୩୦ ମିନିଟ୍ ସମୟରେ  କାର୍ଯ୍ୟରତ ଥିବା ବେଳେ ଉତ୍ତର ପ୍ରଦେଶ ର ଆଁଚଳ ରାଜଭର ନାମକ ବ୍ୟକ୍ତି ଗ୍ରେନ ସାଇଲୋ ଭିତରେ ପଡ଼ି ମୃତ୍ୟୁବରଣ କରିଥିଲେ।ମୃତକ ଙ୍କ ଶଳା ଶ୍ୟାମକେସ ରାଜଭର ତରଭା ଥାନାରେ କେସ ରୁଜୁ କରିଥିଲେ।ତରଭା ପୋଲିସ କେସ ରୁଜୁ କରି ତଦନ୍ତ ଆରମ୍ଭ କରିଥିଲେ।କାରଖାନା ସେଫ୍ଟି ମ୍ୟାନେଜର ଏବଂ ଏଚ ଆର୍ ଫ୍ୟାକ୍ଟ୍ରି କୁ ଯାଇ ପରିଦର୍ଶନ କରି ଆସିଛନ୍ତି।