05-Jul-2026

ବିନିକା(ହିମାଂଶୁ ଶେଖର ପୁଟେଲ): ବିନିକା ସିଦ୍ଧାର୍ଥ କନିଷ୍ଠ ମହାବିଦ୍ୟାଳୟ ପରିସରରେ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ, ସୋନପୁର ଶାଖା ଓ ଜାତୀୟ କୃଷି ଓ ଉନ୍ନୟନ ବ୍ୟାଙ୍କ (ନାବାର୍ଡ)  ତରଫରୁ ଆର୍ଥିକ ସାକ୍ଷରତା ଶିବିର ଶନିବାର ଅନୁଷ୍ଠିତ ହୋଇଯାଇଅଛି । ବିନିକା ସିଦ୍ଧାର୍ଥ କନିଷ୍ଠ ମହାବିଦ୍ୟାଳୟ ଅଧ୍ୟକ୍ଷା ଶ୍ରୀମତୀ ରେଖା ପ୍ରଧାନଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମରେ ପୂର୍ବତନ ବ୍ୟାଙ୍କ ମ୍ୟାନେଜର ଶ୍ରୀଯୁକ୍ତ ଘନଶ୍ୟାମ ମେହେର ଯୋଗଦେଇ ଛାତ୍ରଛାତ୍ରୀମାନଙ୍କୁ ବ୍ୟାଙ୍କର ବିଭିନ୍ନ ଆର୍ଥିକ ସୁବିଧା ଓ ଯୋଜନା ବିଷୟରେ ଆଲୋଚନା କରିଥିଲେ । ଏହି କାର୍ଯ୍ୟକ୍ରମରେ ଅଧ୍ୟାପକ   ଧନେଶ୍ବର ସାହୁ ମଞ୍ଚ ପରିଚାଳନା କରିଥିବା ବେଳେ ସମ୍ମାନିତ ଅତିଥି ଭାବରେ ଗ୍ରନ୍ଥାଗାରିକ ଶ୍ରୀଯୁକ୍ତ ଗରିବ ସେଲମା,  ଆକାଶ ପ୍ରଧାନୀ, ରୋହିତ ଧାରୁଆ, ଝଲକ କୁମାର ମିଶ୍ର, ମାନୀଶ ଆଚାର୍ଯ୍ୟ ମଞ୍ଚାସିନ ଥିଲେ l ଶେଷରେ ଖେଳ ଅଧ୍ୟାପକ ଶ୍ରୀଯୁକ୍ତ ନାରାୟଣ ଚୌଧୁରୀ ଧନ୍ୟବାଦ ଅର୍ପଣ କରିଥିଲେ । ମହାବିଦ୍ୟାଳୟର ଅନ୍ୟାନ୍ୟ ଅଧ୍ୟାପକ ଦେବେଶ ଗଡ଼ନାୟକ, ଆଶୀର୍ବାଦ ପ୍ରଧାନ, ବିଶ୍ୱମୟ ଗୁରୁ, ଦିପ୍ତୀମୟୀ ଭୋଇ,   ସମସ୍ତ ଛାତ୍ର ଛାତ୍ରୀ ଓ କର୍ମଚାରୀବୃନ୍ଦ ସହଯୋଗ କରିଥିଲେ ।