05-Jul-2026

ଲୋଇସିଂହା, (ପ୍ରେରଣା ଖବର) ବଲାଙ୍ଗୀର ସଦର ବ୍ଲକ ତଥା ଲୋଇସିଂହା ଥାନା ଅନ୍ତର୍ଗତ ପଂଚାୟତ ଆଦିବାସୀ ଉଚ୍ଚ ବିଦ୍ୟାଳୟ ମନହୀରାରେ ଗତ 2024 ମସିହାରୁ ପ୍ରଧାନ ଶିକ୍ଷକ ଧର୍ମରଜ ସାହୁ ଦାୟିତ୍ୱ ରେ ଅଛନ୍ତି l ଶ୍ରୀଯୁକ୍ତ ଧର୍ମରାଜ ସାହୁ ଓ ବିଦ୍ୟାଳୟ ର ବରିଷ୍ଠ ଶିକ୍ଷକ ରାମକୃଷ୍ଣ ଷଡ଼ଙ୍ଗୀ ଙ୍କ ପ୍ରତ୍ୟକ୍ଷ ତତ୍ୱାବଧାନ ଓ ସୁ ପରିଚାଳନା ଯୋଗୁଁ ବିଦ୍ୟାଳୟ ର ଶିକ୍ଷାଦାନ ତଥା ଅନ୍ୟାନ୍ୟ କ୍ଷେତ୍ରରେ ଯଥେଷ୍ଟ ଉନ୍ନତି ଘଟିଛି l 2024-25 ଶିକ୍ଷା ବର୍ଷ ରେ ବିଦ୍ୟାଳୟ ର ନବମ ଶ୍ରେଣୀ ର ଛାତ୍ର ଶ୍ରୀ ଚିନ୍ମୟ ଚନ୍ଦନ ରଣା ପଠଣି ସାମନ୍ତ ଗଣିତ ମେଧାବୃତ୍ତି ରେ ବ୍ଲକ ଟପର ହୋଇଥିବା ବେଳେ 2025-26 ଶିକ୍ଷା ବର୍ଷ ରେ ଏନ ଏମ ଏମ ଏସ ଜାତୀୟ ମେଧାବୃତ୍ତି ପରୀକ୍ଷା ରେ ବିଦ୍ୟାଳୟ ର ଛାତ୍ରୀ କୁମାରୀ ଶେଫାଳି ଶୁଚିସ୍ମିତା ରଣା ଓ କୁମାରୀ ଲିନା ସେଠ ଯୋଗ୍ୟ ବିବେଚିତ ହୋଇ ବିଦ୍ୟାଳୟ ପାଇଁ ଗୌରବ ଆଣିଦେଇଛନ୍ତି l ଏଥିପାଇଁ ଶିକ୍ଷକ ମାନଙ୍କ ପ୍ରଚେଷ୍ଟା ଯୋଗୁଁ ଅଭିଭାବକ / ଅଭିଭାବିକା ତଥା ଗ୍ରାମବାସୀ ବୃନ୍ଦ ବିଦ୍ୟାଳୟ ର ପ୍ରଧାନ ଶିକ୍ଷକ ଙ୍କ ସମେତ ଅନ୍ୟ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ସାଧୁବାଦ ଜଣାଇଛନ୍ତି l