26-Jun-2026

ବରପାଲି (ସୁଦାମ ଦୀପ )
କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ୫୭ତମ ଜନ୍ମଦିବସ ଅବସରରେ ବରପାଲି ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ଫଳ ବଣ୍ଟନ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ବିଜେପୁର ବିଧାୟକ ସନତ କୁମାର ଗଡତୀୟାଙ୍କ ତତ୍ତ୍ବାବଧାନରେ ଏବଂ ବିଜେପୁର ଏନଏସି ନଗର ମଣ୍ଡଳ ସଭାପତି ପ୍ରତାପ କେଶରୀ ସିଂ ନେତୃତ୍ୱରେ ବିଜେପି ଆଗଲପୁର ମଣ୍ଡଳ ସଭାପତି ପ୍ରଦୀପ ପଧାନ, ବନ୍ଦନା ବେହେରା, ଧୀରୋଜ ପଧାନ, ଜଟାଶଙ୍କର ଗୁପ୍ତା ଚତୁରୁ ମେହେର ଏବଂ କାର୍ଯ୍ୟକର୍ତ୍ତାମାନେ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସାଧୀନ ରୋଗୀଙ୍କୁ ବିଭିନ୍ନ ପ୍ରକାରର ଫଳ, ବିସ୍କୁଟ ବଣ୍ଟନ କରିଥିଲେ। ଏହି ଅବସରରେ କାର୍ଯ୍ୟକର୍ତ୍ତାମାନେ ରୋଗୀଙ୍କ ସହ ସାକ୍ଷାତ କରି ସେମାନଙ୍କ ସ୍ଵାସ୍ଥ୍ୟବସ୍ଥା ବିଷୟରେ ପଚାରି ବୁଝିବା ସହ ଶୀଘ୍ର ଆରୋଗ୍ୟ କାମନା କରିଥିଲେ। ଡାକ୍ତରଖାନା ପରିସରରେ ସେବା, ସହଯୋଗ ଓ ମାନବିକତାର ପରିବେଶ ଦେଖ‌ିବାକୁ ମିଳିଥିଲା। ଫଳ ବଣ୍ଟନ ପାଇଥିବା ରୋଗୀମାନେ ଧର୍ମେନ୍ଦ୍ର ପ୍ରଧାନଙ୍କ ଜନ୍ମଦିବସ ଅବସରରେ ତାଙ୍କର ସୁସ୍ବାସ୍ଥ୍ୟ, ଦୀର୍ଘାୟୁ ଓ ସଫଳ ଜନସେବାମୟ ଜୀବନ କାମନା କରିଥିଲେ।

ସେମାନେ ପ୍ରଭୁ ଜଗନ୍ନାଥଙ୍କ ନିକଟରେ ପ୍ରାର୍ଥନା କରି ଦେଶ ଓ ରାଜ୍ୟର ବିକାଶ ପାଇଁ ସେ ଆଗାମୀ ଦିନରେ ମଧ୍ୟ ନିଷ୍ଠାର ସହ କାମ କରନ୍ତୁ ବୋଲି ଆଶା ପ୍ରକାଶ କରିଥିଲେ। ଏହି ସେବାମୂଳକ କାର୍ଯ୍ୟକ୍ରମକୁ ହସ୍ପିଟାଲ କର୍ତ୍ତୃପକ୍ଷ, ରୋଗୀ ଏବଂ ଉପସ୍ଥିତ ସାଧାରଣ ଲୋକ ପ୍ରଶଂସା କରିଥିଲେ। ଜନ୍ମଦିବସକୁ ସେବା ଓ ସମାଜ କଲ୍ୟାଣ ସହ ଯୋଡ଼ି ପାଳନ କରିବାର ଏହି ପ୍ରୟାସ ସମାଜ ପାଇଁ ଏକ ସକାରାତ୍ମକ ବାର୍ତ୍ତା ଦେଇଥ‌ିବା ମତ ପ୍ରକାଶ ପାଇଛି। ବିଧାୟକ  ଗଡତୀୟାଙ୍କ ଏହି ପଦକ୍ଷେପକୁ ସମସ୍ତେ ସ୍ଵାଗତ କରିଥିବା ବେଳେ, ଏଭଳି ପ୍ରଧାନଙ୍କ ସେବାମୂଳକ କାର୍ଯ୍ୟକ୍ରମ ଆଗାମୀ ଦିନରେ ମଧ୍ୟ ଜାରି ରହୁ ଗୋଷ୍ଠୀ ବୋଲି ଆଶା ବ୍ୟକ୍ତ କରିଛନ୍ତି।