07-Aug-2026

(ମନୋରଞ୍ଜନ ତ୍ରିପାଠୀ )
 ସୋନପୁର କଲେଜର  "ଇନୋଭେସନ୍ ଓ ଷ୍ଟାର୍ଟଅପ୍ ପ୍ରତିଯୋଗିତା–୨୦୨୬" ଶୁକ୍ରବାର କଲେଜର ହଲ୍ ନଂ–୧୦୩ ରେ ସଫଳତାର ସହ ଆୟୋଜିତ ହୋଇଥିଲା। ଛାତ୍ରଛାତ୍ରୀଙ୍କ ମଧ୍ୟରେ ନବସୃଜନ, ଉଦ୍ୟୋଗିତା ମନୋଭାବ ଏବଂ ସମସ୍ୟାର ଅଭିନବ ସମାଧାନ ପ୍ରତି ଆଗ୍ରହ ସୃଷ୍ଟି କରିବା ଏହି ପ୍ରତିଯୋଗିତାର ମୁଖ୍ୟ ଉଦ୍ଦେଶ୍ୟ ଥିଲା।ଏହି କାର୍ଯ୍ୟକ୍ରମରେ କଲେଜର ଅଧ୍ୟକ୍ଷ ପ୍ରଫେସର ରାଧାକାନ୍ତ ନାୟକ ଯୋଗଦେଇ ଛାତ୍ରଛାତ୍ରୀଙ୍କ ଅଭିନବ ଚିନ୍ତାଧାରାକୁ ପ୍ରଶଂସା କରିଥିଲେ। ଏଥିରେ ଡ଼ଃ ସୌରଭ ରଞ୍ଜନ ଖମାରୀ (ମୁଖ୍ୟ, ଓଡ଼ିଆ ବିଭାଗ), ଶ୍ରୀ ଉମାକାନ୍ତ ନାଗ (ମୁଖ୍ୟ, ପ୍ରାଣୀ ବିଜ୍ଞାନ ବିଭାଗ), ଡ଼ଃ ନରେନ୍ଦ୍ର କୁମାର ପ୍ରଧାନ (ଅଧ୍ୟାପକ, ସଂସ୍କୃତ), ଶ୍ରୀମତୀ ବିଥିକା ଦେହୁରୀ (ଅଧ୍ୟାପିକା, ଆଇଟି) ଏବଂ ଶ୍ରୀମତୀ ନିରୋଜା ଗୁରୁ (ଅଧ୍ୟାପିକା, କମ୍ପ୍ୟୁଟର ସାଇନ୍ସ) ଉପସ୍ଥିତ ରହି ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ।ବିଭିନ୍ନ ବିଭାଗର ଛାତ୍ରଛାତ୍ରୀମାନେ ନିଜ ନିଜ ଅଭିନବ ପ୍ରକଳ୍ପ ଓ ଷ୍ଟାର୍ଟଅପ୍ ଆଇଡିଆ ଉପସ୍ଥାପନ କରିଥିଲେ। ବିଚାରକମାନେ ନୂତନତ୍ୱ, ବ୍ୟବହାରିକତା, ସାମାଜିକ ପ୍ରଭାବ, ବ୍ୟବସାୟିକ ସମ୍ଭାବନା ଓ ଉପସ୍ଥାପନାକୁ ଆଧାର କରି ବିଜେତା ଚୟନ କରିଥିଲେ।ପ୍ରତିଯୋଗିତାରେ ସୌମ୍ୟ ରଞ୍ଜନ ଦନ୍ତା ପ୍ରଥମ ସ୍ଥାନ, ଓମକାର ଦାଶ ଓ ମନୋରଞ୍ଜନ ସାହୁ ଦ୍ୱିତୀୟ ସ୍ଥାନ ଏବଂ ଚମ୍ପେଶ୍ୱର ମହାକୁଡ଼, ପ୍ରଦୀପ ଡାଙ୍ଗ ଓ ଶୁଭମ ପ୍ରଧାନ ତୃତୀୟ ସ୍ଥାନ ଅଧିକାର କରିଥିଲେ। ବିଜେତାମାନଙ୍କୁ ପ୍ରମାଣପତ୍ର ଓ ସ୍ମାରକ ପ୍ରଦାନ କରାଯାଇଥିଲା। ଏହି ବିଜେତାମାନେ ବର୍ତ୍ତମାନ ବିଶ୍ୱବିଦ୍ୟାଳୟ ସ୍ତରୀୟ ଇନୋଭେସନ୍ ଓ ଷ୍ଟାର୍ଟଅପ୍ ପ୍ରତିଯୋଗିତାରେ ସୋନପୁର କଲେଜର ପ୍ରତିନିଧିତ୍ୱ କରିବେ।ସମଗ୍ର କାର୍ଯ୍ୟକ୍ରମକୁ କ୍ୟାପ୍ଟେନ୍ ଆଶିଷ କୁମାର ଅଗ୍ରୱାଲ, ମୁଖ୍ୟ, କମ୍ପ୍ୟୁଟର ସାଇନ୍ସ ବିଭାଗ ତଥା ଏନ୍‌ସିସି ଅଧିକାରୀ ସଫଳତାର ସହ ସଂଯୋଜନା କରିଥିଲେ। ଶେଷରେ ସମସ୍ତ ଅତିଥି, ବିଚାରକ, ଅଧ୍ୟାପକ, କର୍ମଚାରୀ ଓ ଅଂଶଗ୍ରହଣକାରୀ ଛାତ୍ରଛାତ୍ରୀଙ୍କୁ ଧନ୍ୟବାଦ ଜଣାଇ କାର୍ଯ୍ୟକ୍ରମର ସମାପନ କରାଯାଇଥିଲା। ଏହି ପ୍ରତିଯୋଗିତା ଛାତ୍ରଛାତ୍ରୀଙ୍କ ମଧ୍ୟରେ ଉଦ୍ୟୋଗିତା, ନବସୃଜନ ଓ ଗବେଷଣାମୂଳକ ଚିନ୍ତାଧାରାର ବିକାଶରେ ଏକ ମାଇଲଖୁଣ୍ଟ ସାବ୍ୟସ୍ତ ହୋଇଛି।