07-Aug-2026

ବଲାଙ୍ଗୀର(ପ୍ରେରଣା ଖବର):  ଆଜି ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂଦେଓ ସ୍ଥାନୀୟ ସର୍କିଟ ହାଉସଠାରେ ବିଭିନ୍ନ ବିଭାଗର ପ୍ରକଲ୍ପକାମ ଉପରେ ଜିଲ୍ଲାସ୍ତରୀୟ ଅଧିକାରୀ ଙ୍କୁ ନେଇ ଏକ ସମୀକ୍ଷା ବୈଠକ କରିଥିଲେ । ଏଥିରେ ଶିକ୍ଷା, କୃଷି, ପାନୀୟଜଳ, ଲୋୟରସୁକତେଲ, ଜଳସେଚନ ଓ କ୍ଷୁଦ୍ରଜଳସେଚନ ବିଭାଗର ଅଧିକାରୀଗଣ ଓ ଯନ୍ତ୍ରୀଗଣ ଯୋଗଦେଇଥିଲେ । ସମୀକ୍ଷା ବୈଠକରେ ବର୍ତ୍ତମାନ ଚାଷ ସମୟରେ ଚାଷିମାନେ ସାର ପାଉନଥିବା ଓ ଚଢାଦରରେ ସାର ବିକ୍ରି ହେଉଥିବା ପ୍ରସଙ୍ଗ ଆଲୋଚନା ହୋଇଥିଲା । ଚାଷିମାନଙ୍କୁ ତୁରନ୍ତ ଉଚିତଦରରେ ସାର ଯୋଗାଇବାକୁ କୃଷିବିଭାଗକୁ ନିର୍ଦ୍ଦେଶ କରିଥିଲେ । ସେହିପରି ଶିକ୍ଷା ବିଭାଗ ରେ ବ୍ୟାପକମାତ୍ରାରେ ଅନୀୟମିତତାକରି  ଶିକ୍ଷକମାନଙ୍କ ବଦଳି କରାଯାଇଛି । ସେଥିପାଇଁ କେଉଁ କେଉଁ ଆଧାରରେ କେଉଁ ଶିକ୍ଷକଙ୍କୁ ବଦଳି କରାଯାଇଛି ତାହାର ଏକ ସୁବିସ୍ତୃତ ରିପୋର୍ଟ ପ୍ରଦାନ କରିବାକୁ ଜିଲ୍ଲା ଶିକ୍ଷାଅଧିକାରୀଙ୍କୁ ନିର୍ଦ୍ଦେଶ କରିଥିଲେ । ଠିକ ସେହିପରି କ୍ଷୁଦ୍ରଜଳସେଚନ ବିଭାଗ ପକ୍ଷରୁ ଲକ୍ଷ୍ମୀଯୋରନାଳରେ କରାଯାଇଥିବା ଚେକଡେମ ଗୁଡିକ ତୃଟିପୂର୍ଣ୍ଣ ରହିଛି ସେହି କାରଣରୁ ଠିକରେ ଜଳନିସ୍କାସନ ହୋଇପାରୁନଥିବା ବିଷୟରେ ଆଲୋଚନା ହୋଇଥିଲା । ଏହା ସହିତ ସତ୍ୟନାରାୟଣ ପଡାଠାରେ ନିର୍ମାଣ ହୋଇଥିବା ପୋଲ କ୍ଷୁଦ୍ରଜଳସେଚନ ବିଭାଗ କରିଥିବା ବିଷୟକୁ ଏସଡିଓ ସ୍ୱୀକାର କରିଥିଲେ । ପୂର୍ବରୁ ଏହାକୁ ପୌରପାଳିକା ନିର୍ମାଣ କରିଥିଲା କିନ୍ତୁ ପରେ ଲକ୍ଷ୍ମୀଯୋରକାମ ବେଳେ ବଡହ୍ୟୁମପାଇପ ପକାଇ ଏମଆଇପି ବିଭାଗ କରାଇଥିବା ବିଷୟରେ ଏସଡିଓ ଶ୍ରୀ ମାନଭଞ୍ଜନ ଶତପଥି ସ୍ୱୀକାର କରିଥିଲେ । ତୁରନ୍ତ ତାଙ୍କର ଉପରିସ୍ଥ ଟେକ୍ନୀକାଲଟିମ ସହିତ ଆଲୋଚନା କରି ଲକ୍ଷ୍ମୀଯୋର ସମସ୍ୟାର ସମାଧାନ କରିବାକୁ ବିଧାୟକ ନିର୍ଦ୍ଦେଶ କରିଥିଲେ । ସତ୍ୟନାରାୟଣ ପଡାରେ ଏକ ଉଚ୍ଚପୋଲ ନିର୍ମାଣ ସହିତ ଗନ୍ଧରେଲଡେମର ଉନ୍ନତିକରଣ ପାଇଁ କରାଯାଇଥିବା ୧୩କୋଟି ଟଙ୍କାର ଡିପିଆରକୁ ନେଇ ଆଲୋଚନା ହୋଇଥିଲା । ସେହିପରି ଦେଓଗାଁରେ ଚାଲିଥିବା ମେଗା ପାନୀୟ ଜଳଯୋଗାଣ ପ୍ରକଲ୍ପ କାମର ମନ୍ଥରତା ନେଇ ବିଧାୟକ ଅସନ୍ତୋଷ ବ୍ୟକ୍ତ କରିଥିଲେ । ଠିକାସଂସ୍ଥାକୁ ତାଗିତ ତଥା ନୋଟିସ କରି କାମକୁ ସଂପୂର୍ଣ୍ଣ କରାଇବାକୁ ବିଧାୟକ ନିର୍ଦ୍ଦେଶ କରିଥିଲେ । ସେହିପରି ବିସ୍ଥାପିତ କଲୋନୀଗୁଡିକରେ ପାନୀୟଜଳର ସୁବିଧା କରାଇବା,ସ୍କୁଲଖୋଲିବାକୁ ପଦକ୍ଷେପ ନେବାକୁ ପ୍ରଶାସନକୁ ନିର୍ଦ୍ଦେଶ କରିଥିଲେ । ଜଳସେଚନ ବିଭାଗ ପକ୍ଷରୁ ନବନିର୍ମିତ ଛତମଖନା ଆଇଏସଏସରେ ବ୍ୟାପକ ତୃଟିଥିବା ଯୋଗୁଁ ବନ୍ୟାଜଳ ନିସ୍କାସନ ହୋଇନପାରି ପ୍ରକଲ୍ପରେ ଅନେକ ସ୍ଥାନରେ ଭାଙ୍ଗିଯାଇଥିବା ବିଷୟରେ ଯନ୍ତ୍ରୀମାନଙ୍କୁ ପଚାରିଥିଲେ ।  ଅଲ୍ପଦିନର ପ୍ରକଲ୍ପରେ କିଭଳି କଟଅପ ୱାଲ ଓ ଏମବେଙ୍କମେଣ୍ଟ ଭାଙ୍ଗିଯାଇଛି ତାହାର ସବିଶେଷ ତଥ୍ୟ ଦେବାକୁ ଯନ୍ତ୍ରୀମାନଙ୍କୁ ନିର୍ଦ୍ଦେଶ କରିଥିଲେ । ବୈଠକରେ ଉପସ୍ଥିତ ଥିବା ଅତିରିକ୍ତ ମୁଖ୍ୟନିର୍ମାଣଯନ୍ତ୍ରୀ ଛତାମଖନା ଆଇଏସଏସ ନିର୍ମାଣ ବେଳେ ଡିଜାଇନରେ ପରିବର୍ତ୍ତନ କରାଯାଇଥିବା ସ୍ୱୀକାର କରିଥିଲେ । ତେବେ ଲୋୟରସୁକତେଲ ବନ୍ୟାଜଳ ନିସ୍କାସନ ବେଳେ ଏହି ପ୍ରକଲ୍ପରେ କେମିତି ଅଧିକ ଜଳ ନିସ୍କାସନ ହୋଇପାରିବ ସେନେଇ ଡିଜାଇନରେ ଧ୍ୟାନ ଦିଆଯାଇନଥିବା ମଧ୍ୟ ସ୍ୱୀକାର କରିଥିଲେ । ତେଣୁ ଡେମର ନିର୍ମାଣଜନିତ ତୃଟି ଓ ସୁରକ୍ଷା ନେଇ ନେଇ ଏକ ଉଚ୍ଚସ୍ତରୀୟ ବୈଷୟିକ କମିଟି ଦ୍ୱାରା ତଦନ୍ତ କରିବାକୁ ବିଭାଗୀୟ  ଅତିରିକ୍ତ ମୁଖ୍ୟନିର୍ମାଣଯନ୍ତ୍ରୀଙ୍କୁ ନିର୍ଦ୍ଦେଶ କରିଥିଲେ । ଜିଲ୍ଲାରେ ସଂପ୍ରତି ହୋଇଥିବା ବନ୍ୟା କ୍ଷୟକ୍ଷତିର ତୁରନ୍ତ ଆକଳନ କରି ସରକାରଙ୍କୁ ରିପୋର୍ଟ ପଠାଇ ଚାଷୀଙ୍କୁ କ୍ଷତିପୂରଣ ଦେବାକୁ ପ୍ରଶାସନକୁ ବିଧାୟକ ଶ୍ରୀ ସିଂଦେଓ ନିର୍ଦ୍ଦେଶ କରିଥିଲେ । ବିଧାୟକ କଳିକେଶଙ୍କ ଏହି ସମୀକ୍ଷାବୈଠକରେ ଜିଲ୍ଲାପରିଷଦ ସଭାପତି ଦେବକୀ ସାହୁ, ସଦରବ୍ଲକ ଅଧ୍ୟକ୍ଷା ସରିତା ବାଗ,ଦେଓଗାଁ ବ୍ଲକର ପୂର୍ବ ଅଧ୍ୟକ୍ଷ ଲକ୍ଷ୍ମଣକୁମାର ମେହେର,ସଦରବ୍ଲକର ପୂର୍ବଅଧ୍ୟକ୍ଷ ଗୋଲାପ ବାଗ, ବିଜେଡିଦଳର ଟିମା ମହାନ୍ତି, ପ୍ରଦ୍ୟୁମ୍ନ ହୋତା, ରାଜେନ୍ଦ୍ର ହୋତା,ଛାତ୍ରବିଜେଡିର ସୁମନ ନନ୍ଦ, ଆଇଟିସେଲର ବିଭୁତିଭୂଷଣ ମିଶ୍ର,ଦେବଦତ୍ତ ବେହେରା,ଲେଙ୍କା ସାହୁ ପ୍ରମୁଖ ଉପସ୍ଥିତ ରହିଥିଲେ ।