07-Aug-2026

ବଲାଙ୍ଗୀର(ପ୍ରେରଣା ଖବର):ଲୋଇସିଂହା ବ୍ଲକ ଅନ୍ତର୍ଗତ ଯୋଗୀସର୍ଡ଼ା ଗ୍ରାମର ବରିଷ୍ଠ ଧର୍ମ ପରାୟଣା ମହିଳା କ୍ଷିତିସୂତା ମିଶ୍ର ଙ୍କର ୮୮ ବର୍ଷ ବୟସରେ ପରଲୋକ ଘଟିଛି।ସ୍ବର୍ଗତା କ୍ଷିତିସୂତା ମିଶ୍ର ଜଣେ ଧର୍ମପରାୟଣା,ସରଳ,ସ୍ନେହମୟୀ ଓ ପରୋପକାରୀ ମହିଳା ଭାବେ ସୁପରିଚିତ ଥିଲେ।ତାଙ୍କ ଜୀବନ ଧାର୍ମିକ ଆଦର୍ଶ,ମାନବିକ ମୂଲ୍ୟବୋଧ ଓ ସାମାଜିକ ସେବା ପ୍ରତି ସମର୍ପିତ ଥିଲା।ତାଙ୍କର ମଧୁର ବ୍ୟବହାର ଓ ସହୃଦୟତା ସମସ୍ତଙ୍କ ହୃଦୟରେ ସ୍ୱତନ୍ତ୍ର ସ୍ଥାନ ସୃଷ୍ଟି କରିଥିଲା।ତାଙ୍କର ସ୍ୱାମୀ ସ୍ବର୍ଗତ କ୍ଷମାନିଧି ମିଶ୍ର ଏବଂ ବଡପୁଅ ସ୍ବର୍ଗତ ପଞ୍ଚା ମିଶ୍ର ପୂର୍ବରୁ ଇହଧାମ ତ୍ୟାଗ କରିଛନ୍ତି।ସେ ତାଙ୍କର ଦୁଇ ପୁଅ ବିଜୟ ଓ ଦିଲୀପ,ତିନି ଝିଅ ଯାଜ୍ଞସିନି,ଅଞ୍ଜଳି ଓ ସୁରୁଚି,ପୁତ୍ର ବଧୂ କୁନୀ, ବାସନ୍ତୀ,ବିଷ୍ଣୁ ପ୍ରିୟା,ନାତି ସ୍ୱାଗତ, ସ୍ୱାଧୀନ, କାହ୍ନା,କୃଷ୍ଣା,ହର ପ୍ରସାଦ,ନାତୁଣୀ ସ୍ଵାଗତିକା,ଶକ୍ତି ସାଧନା (ଟ୍ୱିଙ୍କିଲ)ଙ୍କ ସମେତ ଏକ ବିରାଟ ପରିବାର ଛାଡ଼ି ଯାଇଛନ୍ତି।ଗାଁ ନିକଟସ୍ଥ ଗୌରମୁଡା ଠାରେ ତାଙ୍କର ତାଙ୍କର ଶବ ସତ୍କାର କରାଯାଇଥିଲା।ପୁଅ ବିଜୟ ମୁଖାଗ୍ନି ଦେଇଥିଲେ।ଏହି ଅବସରରେ ପରିବାର ର ସଦସ୍ୟ, ସମ୍ପର୍କୀୟ, ଶୁଭେଛୁ ଓ ଅଞ୍ଚଳର ବହୁ ଲୋକ ଉପସ୍ଥିତ ରହି ଶେଷ ଶ୍ରଦ୍ଧାଞ୍ଜଳି ଜଣାଇଥିଲେ।