12-Jun-2026

ବଲାଙ୍ଗୀର(ପ୍ରେରଣା ଖବର): ରାଜେନ୍ଦ୍ର ବିଶ୍ୱବିଦ୍ୟାଳୟ ପକ୍ଷରୁ ୨୦୨୬ ବର୍ଷର ଏଆଇସିଟିଇ ଅନୁମୋଦିତ  ବିସିଏ ଓ ବିବିଏ ପାଠ୍ୟକ୍ରମର ଫଳାଫଳ ପ୍ରକାଶ ପାଇଛି। ଏହି ଫଳାଫଳରେ ଉଭୟ ପାଠ୍ୟକ୍ରମର ବିଶ୍ୱବିଦ୍ୟାଳୟ ଟପ୍ପର ମାନେ ସାକମା ସ୍ଥିତ  ଯୁବୋଦୟ କଲେଜ ଅଫ୍ ଆଡଭାନ୍ସଡ୍ ଟେକ୍ନୋଲୋଜି (ୱାଇସିଏଟି) ରୁ ହେବା ଶିକ୍ଷାନୁଷ୍ଠାନ ପାଇଁ ଗର୍ବ ଓ ଗୌରବର ବିଷୟ ହୋଇଛି। ବିସିଏ ପାଠ୍ୟକ୍ରମରେ ବିସ୍ମୟ ପ୍ରକାଶ ଦୀକ୍ଷିତ ୯.୩୦  ସିଜିପିଏ ଅର୍ଜନ କରି ବିଶ୍ୱବିଦ୍ୟାଳୟରେ

Bismaya P Dikhit, BCA Topper 9.30

ପ୍ରଥମ ସ୍ଥାନ ଅଧିକାର କରିଛନ୍ତି। ଆଦ୍ୟା ଆଦିତି ମେହେର ୮.୮୫ ସିଜିପିଏ ସହ ଦ୍ୱିତୀୟ ସ୍ଥାନ ଏବଂ ସସ୍ମିତା ପଟେଲ ୮.୬୮ ସିଜିପିଏ ସହ ତୃତୀୟ ସ୍ଥାନ ହାସଲ କରିଛନ୍ତି। ସେହିପରି  ବିବିଏ ପାଠ୍ୟକ୍ରମରେ ଅନନ୍ୟା ମହାପାତ୍ର ୮.୨୯ ସିଜିପିଏ  ସହ ପ୍ରଥମ ସ୍ଥାନ ଅଧିକାର କରିଛନ୍ତି। ଅମନ ଗୁପ୍ତା ୭.୮୯ ସିଜିପିଏ ସହ ଦ୍ୱିତୀୟ ସ୍ଥାନରେ ରହିଥିବା ବେଳେ ସସ୍ୱତୀ ପ୍ରିୟଦର୍ଶିନୀ ନାୟକ ୭.୮୫ ସିଜିପିଏ ସହ ତୃତୀୟ ସ୍ଥାନ ହାସଲ କରିଛନ୍ତି।

ଚଳିତ ବର୍ଷ ଏଆଇସିଟିଇ ପାଠ୍ୟକ୍ରମର ଫଳାଫଳ ଗତ ବର୍ଷ ତୁଳନାରେ ଅଧିକ ଉତ୍କୃଷ୍ଟ ହୋଇଥିବା ଜଣାପଡ଼ିଛି। ଏହା ସହ ଅନେକ ଛାତ୍ରଛାତ୍ରୀ ରାଜ୍ୟସ୍ତରୀୟ ଓଯେଇଇ-୨୦୨୬ ପ୍ରବେଶିକା ପରୀକ୍ଷାରେ ସଫଳତା ଲାଭ କରି ଏମସିଏ ଓ ଏମବିଏ ପାଠ୍ୟକ୍ରମ ପାଇଁ ଯୋଗ୍ୟତା ଅର୍ଜନ କରିଛନ୍ତି।

BBA Toppers, ANanya Mahapatra 8.29

ଶିକ୍ଷାନୁଷ୍ଠାନ ଅଧ୍ୟକ୍ଷ  ସମସ୍ତ ସଫଳ ଛାତ୍ରଛାତ୍ରୀଙ୍କୁ ଅଭିନନ୍ଦନ ଜଣାଇ ସେମାନଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିଛନ୍ତି। ଅନ୍ୟପକ୍ଷରେ ସଂସ୍ଥାର ନିର୍ଦ୍ଦେଶକ ଶ୍ରୀ ଅମ୍ବରୀଶ ଦାଶ କହିଛନ୍ତି ଯେ, ବଲାଙ୍ଗୀର ଅଞ୍ଚଳର ଛାତ୍ରଛାତ୍ରୀମାନଙ୍କୁ ସୁଲଭ ଖର୍ଚ୍ଚରେ ଉଚ୍ଚମାନର ଶିକ୍ଷା, ଦକ୍ଷତା ବିକାଶ ଓ ନିଯୁକ୍ତିମୁଖୀ ପ୍ରଶିକ୍ଷଣ ପ୍ରଦାନ କରି ସ୍ଥାନୀୟ ଅଞ୍ଚଳରେ ରୋଜଗାରଯୋଗ୍ୟ ଯୁବଶକ୍ତି ଗଢ଼ି ତୋଳିବା ହିଁ ଅନୁଷ୍ଠାନର ମୂଳ ଉଦ୍ଦେଶ୍ୟ। ଏହି ସଫଳତା ସେହି ଲକ୍ଷ୍ୟ ପୂରଣ ଦିଗରେ ଏକ ଉଲ୍ଲେଖନୀୟ ପଦକ୍ଷେପ ବୋଲି ସେ ମତ ପ୍ରକାଶ କରିଛନ୍ତି।