07-May-2026

ବଲାଙ୍ଗୀର (ପ୍ରେରଣା ଖବର): ଶିଶୁ ସମୟରୁ ଶିକ୍ଷାଦାନ ସହ ନାଚଗୀତ, ଖେଳ ଆଦି ଭିନ୍ନ ପ୍ରତିଭା ଭବିଷ୍ୟତରେ ସେମାନଂକୁ ସଂସ୍କାରିତ କରି ଗଢି ତୋଳିଥାଏ।

ସଂଗୀତ ମହାବିଦ୍ୟାଳୟ " ପଞ୍ଚମ " ୩୦ତମ ବାର୍ଷିକୋତ୍ସବରେ ମୁଖ୍ୟଅତିଥି ଭାବରେ ଯୋଗଦାନ କରି  ନିଜ ପ୍ରତିକ୍ରିୟାରେ ପ୍ରକାଶ କରିଛନ୍ତି ବଲାଙ୍ଗୀର ପୌର ପରିଷଦର ଅଧକ୍ଷା ଶ୍ରୀମତୀ ଲିକା ସାହୁ। ଗତ ୫ତାରିଖ ମଙ୍ଗଳବା ଦିନ ସ୍ଥାନୀୟ କୋଶଲ କଳା ମଣ୍ଡଳ ଠାରେ ଏକ ରଙ୍ଗାରଙ୍ଗ  ପରିବେଶ ମଧ୍ୟରେ ଅନୁଷ୍ଠିତ ହୋଇଥିଲା 'ପଞ୍ଚମ' ର ବାର୍ଷିକୋତ୍ସବ।

ଏହି ଉତ୍ସବରେ ବୟୋଜ୍ୟେଷ୍ଠ କଣ୍ଠଶିଳ୍ପୀ ବୁଦ୍ଧିସାଗର ଯୋଶୀ, ସମାଜସେବୀ ଆଦିତ୍ୟ ନାରଣ ପଟ୍ଟନାୟକ, ନୃତ୍ୟଶିଳ୍ପୀ ଶ୍ରୀମତୀ ଚନ୍ଦ୍ରିକା ରାଣୀ ଖୁଆସ, କଣ୍ଠଶିଳ୍ପୀ କୁମାରୀ ଜ୍ୟୋତିକା ମିଶ୍ର ପ୍ରଭୃତି ଙ୍କୁ ଚିତ୍ତ ରଞ୍ଜନ ସାହାଣୀ, ଭଗବାନ ପତି, ମୁରଲି ଧର ବେହେରା ଓ ପ୍ରଫୁଲ୍ଲ ପ୍ରଧାନ ସ୍ମୁତି ସମ୍ମାନରେ ସମ୍ମାନିତ କରା ଯାଇଥିଲା। ସଭାପତି ମୁରଲିଧାରି ପତିଙ୍କ ସଭାପତିତ୍ୱରେ ବାର୍ଷିକ ବିବରଣୀ ପ୍ରଦାନ କରିଥିଲେ ସମ୍ପାଦକ ଦିବ୍ୟ ରଞ୍ଜନ ପଟ୍ଟନାୟକ। ଏହିକ୍ରମରେ ଅନୁଷ୍ଠାନର ଭୁବନେଶ୍ୱର ଶାଖା ସଙ୍ଗୀତ ଶିକ୍ଷୟିତ୍ରୀ ରୋଜାଲିନ ରାଉତ ବଲାଙ୍ଗୀର ନୃତ୍ୟ ବିଭାଗର କୁମାରୀ ସିରିଶା ସୁଭଦର୍ଶିନୀ ପତି, ଚିତ୍ରକଳା ବିଭାଗର ତାରାକାନ୍ତ ମହଲା, ସଂଗୀତ ସହଯୋଗୀ ସଂବିତ କୁମାର ସାହୁ, ବେସଭୂଷା ପାଇଁ ମନରଞ୍ଜନ ବେହେରା, ଅମ୍ରିତା ବେହେରା ସ୍ୱରୂପା ସିଂ ପ୍ରଭୁତିଙ୍କୁ ଉପଢୌକନ ଦେଇ ସମ୍ମାନିତ କରା ଯାଇଥିଲା।  ଚଳିତ ବର୍ଷର ଶ୍ରେଷ୍ଠ ଛାତ୍ରୀ ନୃତ୍ୟ ବିଭାଗ ର  ଅମ୍ବିକା ବହିଦାର ଓ ଶ୍ରେଷ୍ଠ ଛାତ୍ର ଭାବେ କଣ୍ଠ ସଙ୍ଗୀତ ବିଭାଗର ଆୟୁଷ୍ମାନ ପାଣିଗ୍ରାହୀଙ୍କୁ ପୁରସ୍କାର ପ୍ରଦାନ କରା ଯାଇଥିଲା। ଶେଷରେ ଗୁରୁ ଗୌର କିଶୋର ମହାପାତ୍ର ଧନ୍ୟବାଦବାଦ ଅର୍ପଣ କରିଥିଲେ। କାର୍ଯ୍ୟକ୍ରମର ପ୍ରାରମ୍ଭରେ ତାଙ୍କରି ନିର୍ଦେଶନା ରେ ୬୦ଜଣ ଶିଶୁ କଳାକାରଙ୍କ ଦ୍ୱାରା ତବଲା ବାଦନ ବେଶ ଚିତ୍ତାକାର୍ଷକ ହୋଇ ଥିଲା। ସଭାକାର୍ଯ୍ୟ ପରେ ପରେ ସୁଶ୍ରୀ ସିରିଶା ପତି ଙ୍କ ନିର୍ଦେଶନାରେ ଛାତ୍ରୀ ମାନଙ୍କ ଦ୍ୱାରା ଓଡିଶୀ ନୃତ୍ୟରେ ଦଶବତାର, ଅହେ ନୀଳ ଶଇଳ , ଆଇଗିରି ନନ୍ଦିନୀ, ରେକର୍ଡ ଡାନ୍ସ, ଗୁରୁ ମୁରଲି ପତି ଙ୍କ ନିର୍ଦେଶନା ରେ ସମବେତ ସଙ୍ଗୀତ ସରସ୍ବତୀ ବନ୍ଦନା ଓ ଦେଶାତ୍ମବୋଧକ ଗୀତ ବେଶ ମନଛୁଆଁ ହୋଇ ପାରିଥିଲା। କାର୍ଯ୍ୟକ୍ରମକୁ ସଫଳ କରି ବାରେ ସର୍ବଶ୍ରୀ

ଡି ଏସ. ଏନ ମୂର୍ତ୍ତି, ଦୀପକ ବରାଳ, ପ୍ରଭଞ୍ଜନ ରାଇଗୁରୁ, ଚୈତନ୍ୟ ମଟରୀ, କ୍ଷେତ୍ରବାସୀ ସାହୁ ଶୁଭେନ୍ଦୁ ଜାଲ, ସୁମନ ମହାପାତ୍ର,କୃଷ୍ଣରାଜ ପତି, ସଂସ୍କାର ମିଶ୍ର, ରାଜ କୁମାର ହୋତା, ସୋନୁ କୁମାର ସିଂ, ଶିବା ପରୁଆ,ବସନ୍ତ ନାୟକ, ସୁଦାମ ସେଲମା ପ୍ରଭୃତି ସହଯୋଗ କରିଥିଲେ। ଅନୁକୂଳ ପାଗ ଯୋଗୁ ବିଳମ୍ବିତ ରାତ୍ରି ପର୍ଯ୍ୟନ୍ତ ଶତାଧିକ ଦର୍ଶକ ଓ ଅଭିଭାବକ କାର୍ଯ୍ୟକ୍ରମକୁ ଉପ ଭୋଗ କରିଥିଲେ।