06-Apr-2026

(ପ୍ରିୟଦର୍ଶିନୀ ପାତ୍ର)
ନବରଙ୍ଗପୁର ଜିଲ୍ଲା ଡାବୁଗାଁ ଥାନା ଅଧିନ ବୋରିପଦର ଛକ ନିକଟ ରେ  ଦୁଇ ନାବାଳକ ଗାଡି ଚଳକଙ୍କ ଯୋଗୁଁ ବାଇକ ଦୁର୍ଘଟଣାରେ ଜଣଙ୍କ 
ଜୀବନ ଗଲା। ଦୁର୍ଘଟଣାରେ ଜଣେ ମୃତ ଓ ୨ଜଣ ଆହତ ହେଇଥିବା ଦେଖିବାକୁ ମିଳିଛି। ସୂଚନଯୋଗ୍ୟ ଉମରକୋଟ ଥାନା ଅଧିନ ଡ଼ଙ୍ଗରିଗୁଡ଼ା ଗ୍ରାମର ଜୟସିଂ ଲହରା (୩୭) ଏକ ମୋଟର ସାଇକେଲନଂ   ସିଜି  ୦୪ ସି ଜେଡ୍ ୭୭୫୭ ଯୋଗେ କୌଣସି କାମରେ ଡାବୁଗାଁ ଅଭିମୁଖେ ଆସୁଥିବା ସମୟରେ ପଛପଟରୁ ଘୋଡ଼ାଖୁଣ୍ଟା ଗ୍ରମର ବିଶାଳ ସାହୁ (୧୭) ଓ ଡାବୁଗାଁ  ବ୍ଲକ ଡଙ୍ଗରିଗୁଡ଼ା  ପଞ୍ଚାୟତ ର ଜିତ୍ ସୁନ୍ଦର (୧୭) ଏକ ମୋଟର ସାଇକେଲ ନଂ ଓଡ଼ି ୨୪ଏଲ ୨୩୯୬ ଦ୍ରୁତଗତିରେ ଆସି ପଛପଟୁ ଧକ୍କା ଦେଇଥିଲା ଫଳରେ ଉଭୟ ରାସ୍ତା କଡକୁ ଛିଟିକି ପଡ଼ିଥିଲେ। ଘଟଣା ସ୍ଥଳରେ ଜୟସିଂ ମୃତ୍ୟୁ ବରଣ କରିଥିବାବେଳେ ବିଶାଳ ଓ ଜିତ୍ ଆହତ ହୋଇଛନ୍ତି । ସମସ୍ତଙ୍କୁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର କୁ ଅଣାଯାଇଥିଲା । ସେଠାରେ ବିଶାଳଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ନବରଙ୍ଗପୁର ଜିଲ୍ଲା ମୁଖ୍ୟା ଚିକିତ୍ସାଳୟ କୁ ସ୍ଥାନାନ୍ତର କରାଯାଇଛି । ଜିତ୍ଙ୍କ ଅବସ୍ଥା ଠିକ ଥିବାରୁ ତାଙ୍କୁ ଘରକୁ ଛାଡି ଦିଆଯାଇଛି । ଉଭୟ  ଗାଡି କୁ ପୋଲିସ୍ ଜବତ କରିଥିବା ନେଇ ସୂଚନା ମିଳିଛି। କିନ୍ତୁ  *ଡାବୁଗାଁ ଥାନା ଏଫ୍ ଆଇ ଆର୍ ରେ ଗୋଟିଏ ମଟର ସାଇକେଲ ନ‌ଂ କୁ ଓଡି ୨୪ ଏଲ୍ ୨୩୯୬ ସ୍ଥାନରେ ଓଡି  ୧୦ ସି ୧୭୮୨ ନଂ ଦେଇ କି ଘଟଣା ଟି କୁ ଚାପି ଦିଆଯାଉଛି*।ଆମ ପ୍ରତିନିଧି ଥାନା ଅଧିକାରୀ ଙ୍କୁ ଘଟଣା ବିଷୟରେ ପଚାରି ବାରୁ ଏହାର ତଦନ୍ତ ଚାଲିଛି ବୋଲି ଥାନା ଅଧିକାରୀ ସୂଚନା ଦେଇଛନ୍ତି। ନାବାଳକ ଙ୍କ ବାଇକ ଧକ୍କା ରେ ଜଣ ଙ୍କ ଜୀବନ ଚାଲିଗଲା ହେଲେ ଏମାନଙ୍କ ଉପରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କରି କିପରି ଏମାନଙ୍କୁ ଛାଡ଼ି ଦିଆଯାଇଛି। ନାବାଳ ଗାଡି ଚଳାଇବା ସମୟରେ ଯଦି କଣସି ଦୁର୍ଘଟଣା ଘଟେ ତେବେ ତାଙ୍କ ବାପା ମା ଙ୍କୁ RTO ୨୫ ହଜାର ଟଙ୍କା ଜରିମାନା ପକାଇବା ନିଅମ ରହିଛି ବର୍ତ୍ତମାନ ଏହି ଜରିମାନା ଆଦାୟ ହେଉଛି କି ନାହିଁ ଦେଖିବାକୁ ବାକି ରହିଲା।ଏହି ଘଟଣା ପରେ ଡାବୁଗାଁ ପୋଲିସର କାର୍ଯ୍ୟଦକ୍ଷତା ଉପରେ  ଜନସାଧାରଣଙ୍କ ମଧ୍ୟରେ ପ୍ରଶ୍ନବାଚୀ  ସୃଷ୍ଟି କରୁଛି କାରଣ  ମିଳିଥିବା ସୂଚନା ପ୍ରକାରେ ଦୁର୍ଘଟଣା ଘଟଇଥିବା  ବାଇକ ବଦଳରେ ଆନ୍ୟ ବାଇକ ଜବତ କରାଯାଇଥିବା । ଜିଲ୍ଲା ପ୍ରଶାସନ ଏହାର ତଦନ୍ତ କରି ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜନସାଧାରଣଙ୍କ ଦାବି ହେଉଛି।