24-Jun-2026

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ଅନ୍ତର୍ଗତ ବଡ଼ସମରେଇ ଗ୍ରାମର ପିତା ମାତା ଛେଉଣ୍ଡ ମେଧାବୀ ଛାତ୍ର ଆକାଶ ନିନା ଚଳିତ ବର୍ଷ ମାଟ୍ରିକ ପରୀକ୍ଷାରେ ୫୦୯ ନମ୍ବର ଅଙ୍କ ରଖି ସଫଳତା ହାସଲ କରିଛନ୍ତି । ଉଚ୍ଚଶିକ୍ଷା ପାଇଁ ଆବଶ୍ୟକ ଆର୍ଥିକ ସହାୟତା ଓ ଉପଯୁକ୍ତ ସହଯୋଗର ଆବଶ୍ୟକତା ଜାଣିବା ପରେ ମାନ୍ୟବର ସ୍ୱାସ୍ଥ୍ୟ ମନ୍ତ୍ରୀ ଡ଼ ମୁକେଶ ମହାଲିଙ୍ଗ ସାମାଜିକ ଗଣମାଧ୍ୟମ 'ଏକ୍ସ' ରେ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଥିଲେ | ଉମେଶ ବିଶି ଯାଦବ ନାମକ ଜଣେ ୟୁଜର ମାନ୍ୟବର ମନ୍ତ୍ରୀଙ୍କୁ  'ଏକ୍ସ'ରେ  ଅନୁରୋଧ କରିଥିଲେ |
ଏହା ପରେ ତ୍ୱରିତ ପଦକ୍ଷେପ ସ୍ୱରୂପ  ମୁରିବାହାଲ ବ୍ଲକ ଶିକ୍ଷା ଅଧିକାରୀ (ବିଇଓ) ଆକାଶଙ୍କୁ ସମସ୍ତ ପ୍ରକାର ସହାୟତା ଯୋଗାଇ ଦିଆଯିବ ବୋଲି 'ଏକ୍ସ' ରେ ଲେଖିଛନ୍ତି ।
ସ୍ଥାନୀୟ ଅଞ୍ଚଳରେ ଆକାଶଙ୍କ ଏହି ସଫଳତା ଓ ସଂଘର୍ଷର କାହାଣୀ ଅନେକଙ୍କ ପାଇଁ ପ୍ରେରଣା ପାଲଟିଥିବା ବେଳେ, ମାନ୍ୟବର ସ୍ୱାସ୍ଥ୍ୟ ମନ୍ତ୍ରୀଙ୍କ ତ୍ୱରିତ ପଦକ୍ଷେପ ନିଶ୍ଚିତ ଭାବେ ଆକାଶଙ୍କ ସ୍ୱପ୍ନ ପୂରଣ କରିବାରେ ସାହାଯ୍ୟ ମିଳିବ ।