23-Jun-2026

କୁରସୁଡ (ମନୋଜ କୁମାର ଜୈନ) ବଲାଙ୍ଗିର ଜିଲ୍ଲାର ଟିଟିଲାଗଡ ବ୍ଲକ ଅନ୍ତର୍ଗତ କୁରସୁଡ ଗ୍ରାମ ପଞ୍ଚାୟତ ପରିସରରେ ବିକାଶ ଧାରା ଓଡିଶା ସାରା ସରକାରୀ ଜନ ସମ୍ପର୍କ ଏବଂ ନାଗରିକ ସହଭାଗୀତା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ସରପଞ୍ଚ ସଙ୍ଗୀତା ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ବଲାଙ୍ଗିର ସାଂସଦଙ୍କ ପ୍ରତିନିଧି ମୁକେଶ କୁମାର ଜୈନ ମୁଖ୍ଯ ଅତିଥି ଭାବେ ଯୋଗଦେଇ ସରକାରଙ୍କ ବିଭିନ୍ନ ଯୋଜନା ବିଷୟରେ ଉପସ୍ଥିତ ଲୋକଙ୍କୁ ଅବଗତ କରାଇଥିଲେ।ସମାଜସେବୀ ସଞ୍ଜୀବ ଅଗ୍ରୱାଲ, ସ୍ବାସ୍ଥ୍ୟକର୍ମୀ ରଞ୍ଜିତା ପାଣିଗ୍ରାହୀ, ସରପଞ୍ଚ ପ୍ରତିନିଧି ନିମାଇଁ ଚରଣ ବେହେରା ମଞ୍ଚାସିନ ଥିଲେ। ମୁଖ୍ଯମନ୍ତ୍ରୀ ଅନ୍ନପୂର୍ଣ୍ଣା ଯୋଜନା କାର୍ଡ ହିତାଧିକାରୀଙ୍କୁ ବଣ୍ଟନ କରାଯାଇଥିବା ବେଳେ ଖୋଳାନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପକ୍ଷରୁ ଉପସ୍ଥିତ ଲୋକଙ୍କ ସ୍ୱାସ୍ଥ୍ୟ ପରୀକ୍ଷଣ କରିବା ସହ ଔଷଧ ପ୍ରଦାନ କରାଯାଇଥିଲା।ପଞ୍ଚାୟତର ନିର୍ବାହୀ ଅଧିକାରୀ ବିଜୟ ବେହେରା, ୱାର୍ଡ ସଭ୍ଯସଭ୍ଯା ସୁଶିଳା ସାହୁ,ଭର୍ମିଲା ଶବର, ଅହଲ୍ୟା ଯାନୀ, ନାରାୟଣ ବାଗ, ପୁରୁଷୋତ୍ତମ ବାଗ ଯୋଗାଣ ସହାୟକ ସଞ୍ଜୀବ ସାହୁ, ଭରତ ବାଗ, ଦେବାନନ୍ଦ ବେହେରା, ଉମେଶ ମହାନନ୍ଦ, ହେମନ୍ତ ରଣା ପ୍ରମୁଖ ଉପସ୍ଥିତ ଥିଲେ ।