23-Jun-2026

ବଲାଙ୍ଗିର(ପ୍ରେରଣା ଖବର): ନୂତନ ଆୟକର ଆଇନ-୨ଠ୨୫ର ବ୍ୟବସ୍ଥା ଓ ପ୍ରଭାବ ସଂପର୍କରେ ସଚେତନତା ସୃଷ୍ଟି କରିବା ପାଇଁ ବଲାଙ୍ଗୀର ଆୟକର କାର୍ଯ୍ୟାଳୟ ପରିସରରେ ଆଜି ଏକ ବୈଠକ ଅନୁଷ୍ଠିତ ହୋଇଥିଲା । ସମ୍ବଲପୁର ଆୟକର ପ୍ରମୁଖ କମିଶନରଙ୍କ ତତ୍ତ୍ୱଧାନରେ ଆୟୋଜିତ କାର୍ଯ୍ୟକ୍ରମରେ ନୂତନ ଅଇନର ଗୁରୁତ୍ତ୍ୱପୂର୍ଣ୍ଣ ଦିଗ ଓ ପ୍ରଭାବ ତଥା ପରିବର୍ତ୍ତନ ସହ ବୃତ୍ତିଗତ ମାନଙ୍କୁ ପରିଚିତ କରାଇବା ଏହି ବୈଠକର ଲକ୍ଷ୍ୟ ବୋଲି କୁହାଯାଉଇଛି । ପରେ ଅନୁଷ୍ଠିତ ପ୍ରଶ୍ନଉତ୍ତର ଓ ଇଣ୍ଟରଏକସନ କାର୍ଯ୍ୟକ୍ରମରେ ଉପସ୍ଥିତ ବୁଦ୍ଧିଜୀଵୀ ମାନେ ତାଙ୍କର ବିଭିନ୍ନ ପ୍ରଶ୍ନ ଓ ଅନ୍ତର୍ଦୃଷ୍ଟି ସଂପର୍କରେ ପଚାରି ବୁଝିଥିଲେ । ଏହି ଆଲୋଚନାଚକ୍ର ଓ ବୈଠକରେ ବଲାଙ୍ଗୀର ୱାର୍ଡ-୧ ଆୟକର ଅଧିକାରୀ ଟୁନ୍ନା କୁମାର, ଏବଂ  ଆୟକର ଅଧିକାରୀ (ଭିୟୁ) ଅଜୟ କୁମାର  ବରେଣ୍ୟ ଅତିଥି ଭାବରେ ଯୋଗ ଦେଇ ନୂତନ ଆୟକର ଆଇନର ବିଭିନ୍ନ ଦିଗ ଓ ଏହାର ପ୍ରୟୋଗ ଉପରେ ବିସ୍ତୃତ ଭାବରେ ବୁଝାଇଥିଲେ। ଏହି ବୈଠକରେ ଜିଲ୍ଲାର ବିଭିନ୍ନ  ପ୍ରାନ୍ତରୁ ଆୟକର ବୃତ୍ତି ସହ ଜଡିତ ଶତାଧିକ ଓକିଲ, ଚାଟାର୍ଡ ଆକାଉଣ୍ଟେଣ୍ଡ୍‌, ଶିଳ୍ପପତି ଏବଂ ସର୍ବଭାରତୀୟ ବ୍ୟବସାୟୀ ସଂଘର ସଭ୍ୟ ମାନେ ସାମିଲ ହୋଇଥିଲେ ।