23-Jun-2026

ଆଗଲପୁର, (ବିନୋଦ ଦୀପ) ଓଡିଶା ସରକାର ଙ୍କ ଦୁଇବର୍ଷ ପୂର୍ତ୍ତି ଅବସରରେ ବିକାଶ ଧାରା ଓଡିଶା ସାରା କାର୍ଯ୍ୟକ୍ରମ ଅବସରରେ ଆଜି ଆଗଲପୁର ବ୍ଲକ ବକଟି ପଂଚାୟତ ପରିସରରେ ପଂଚାୟତ ସ୍ତରୀୟ ସମ୍ମିଳନୀ ତଥା ସୁଭଦ୍ରା ଶକ୍ତି ସମାବେଶ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ପିଇଓ ରିକିତାରାଣୀ ପଟ୍ଟନାୟକ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମ ରେ ସରପଞ୍ଚ ସୁଶୀଲ ସେଠ, ନୋଡାଲ ଅଫିସର ଅରବିନ୍ଦ ପାଣ୍ଡେ, ଏଡିଈଓ ବିଜୟ ସାହୁ ଉପସ୍ଥିତ ଥିଲେ l

ସୁଭଦ୍ରା ଯୋଜନା 20 ଜଣ, ଲକ୍ଷପତି ଦିଦି 120 ଜଣ, ମୁଖ୍ୟମନ୍ତ୍ରୀ ଅନ୍ନପୂର୍ଣ୍ଣା ଯୋଜନା 70 ଜଣ ହିତାଧିକାରୀ ଙ୍କୁ ବଣ୍ଟନ କରାଯିବା ସହ 35 ଟି ଅଭିଯୋଗ ଗ୍ରହଣ କରାଗଲା l ଏହାସହ ସୁଭଦ୍ରା ମଁl, ଲକ୍ଷପତି ଦିଦି ଏବଂ ମମତା ମା ମାନଙ୍କ ସଫଳତା ଉପରେ ଆଲୋଚନା ହୋଇଥିଲା l ଅନ୍ୟ ମାନଙ୍କ ମଧ୍ୟରେ ଆଶା, ଅଙ୍ଗନବାଡି, ଏମ.ବିକେ, ସୁପରଭାଇଜର ସହ ବହୁ ସଂଖ୍ୟାରେ ପଂଚାୟତବାସୀ ଉପସ୍ଥିତ ରହି କାର୍ଯ୍ୟକ୍ରମ ରେ ସହଯୋଗ କରିଥିଲେ l