23-Jun-2026

କଟକ(ତପନ ମହାନ୍ତି )ନୂଆବଜାର  ମହାବୀର ଫୁଡ୍ ମାର୍କେଟ ପୌର ନିଗମର ୫୪ ନମ୍ବର ୱାର୍ଡର ନୂଆବଜାର ହନୁମାନ ମନ୍ଦିର ପ୍ରାଙ୍ଗଣକୁ ଲାଗି ଏକ ବେଆଇନ ଫୁଡ୍ ମାର୍କେଟ ନିର୍ମାଣ ହୋଇଥିବା ନେଇ ନିଗମ କମିସନରଙ୍କ ନିକଟରେ ଅଭିଯୋଗ ହୋଇଛି। ଓଏମ୍‌ପିରୁ ପାରାଦୀପ ଓ ଜଗତସିଂହପୁରକୁ ଯାଇଥିବା ଜାତୀୟ ରାଜପଥକୁ ଲାଗି ରହିଛି ଏହି ମାର୍କେଟ ଉକ୍ତ ରାସ୍ତା ଦେଇ ପ୍ରତିଦିନ ହଜାର ହଜାର ସଂଖ୍ୟାରେ ଗାଡି ଯାତାୟାତ କରିଥାନ୍ତି | ଉକ୍ତ ରାସ୍ତାର ଉଭୟ ପାର୍ଶ୍ବରେ ବ୍ୟବସାୟ ପ୍ରତିଷ୍ଠାନ ଓ ଘର ଥିବା ବେଳେ ପ୍ରତିଦିନ ଦୁର୍ଘଟଣା ଘଟୁଛି।

ରାସ୍ତାଟି ପ୍ରଶସ୍ତ ନଥିବାରୁ ଏହାର ବିକଳ୍ପ ଭାବେ ତାଳଦଣ୍ଡା କେନାଲର ଉଭୟ ପାର୍ଶ୍ଵ ରାସ୍ତାକୁ ଚଉଡା କରାଯାଉଛି। ହେଲେ ଏହି ରାସ୍ତା ପାର୍ଶ୍ବରେ ସରକାରୀ ଜମିରେ ସୂଚନା ଫଳକ ନଲଗାଇ ବେଆଇନ ଭାବେ ଲକ୍ଷାଧିକ ଟଙ୍କାରେ ଫୁଡ୍ ମାର୍କେଟ ତିଆରି ହୋଇଛି। ଏପରିକି ରାସ୍ତା କଡରେ ପାଚେରି ଉଠାଇ ପେବର ବ୍ଲକ୍ ଇଟା ପକାଇ ରାସ୍ତାକୁ ଅଧିକ ସଙ୍କୁଚିତ କରାଯାଇଛି। ଅନ୍ୟପଟେ କିଛି ମୁଷ୍ଟିମେୟ ଲୋକ ଏହି ଫୁଡ୍ ମାର୍କେଟକୁ ନିଜ କବଜାରେ ରଖି ଟଙ୍କା ଆଦାୟ କରୁଥିବା ସ୍ଥାନୀୟ ବାସିନ୍ଦା ଗଣେଶ କୁମାର ସାହୁ କମିସନରଙ୍କ ନିକଟରେ ଅଭିଯୋଗ କରିଛନ୍ତି। ଜାତୀୟ ରାଜପଥକୁ ଲାଗି ନିର୍ମାଣ ହୋଇଥିବା ଏହି ମାର୍କେଟ ପାଇଁ ଏଠାରେ ଟ୍ରାଫିକ ସମସ୍ୟା ଗୁରୁତର ହେଉଥିବା ଶ୍ରୀ ସାହୁ ଅଭିଯୋଗ କରିବା ସହ ବେଆଇନ ଭାବେ ନିର୍ମାଣ ହୋଇଥିବା ଫୁଡ୍ ମାର୍କେଟକୁ ତୁରନ୍ତ ଉଚ୍ଛେଦ କରିବାକୁ କମିସନରଙ୍କ ନିକଟରେ ଦାବି କରିଛନ୍ତି 

ବେଆଇନ ମହାବୀର ଫୁଡ଼ ମାର୍କେଟକୁ  ଏସିପିଙ୍କ ସମେତ ଦୁଇ ଥାନା ଅଧିକାରୀ କେମିତି ଉଦଘାଟନ କଲେ ତାହା ସମଗ୍ର ଅଂଚଳରେ ଆଲୋଚନା ସୃଷ୍ଟି କରିଛି । ଆହୁରି ଏକ ଅଭିଯୋଗ ଶୁଣିବାକୁ ମିଳୁଛି  ସିଏମସି କମିଶନର ,ଜିଲ୍ଲାପାଳ କିମ୍ବା ମେୟରକୁ ନ ଜଣାଇ ଉଠାଦୋକାନୀ ମାନଙ୍କ ଠାରୁ ମୋଟା ଅଙ୍କର ଅର୍ଥ ନେଇ ଆମର ଏଇଟା ବ୍ୟକ୍ତିଗତ ଜାଗା କହି ସରକାରୀ ଜାଗାରେ ବସାଇଥିବା କୁହାଯାଉଛି । ମହାବୀର ଫୁଡ଼ ଦୋକାନ ହେବା ଦିନଠାରୁ ଦୁର୍ଘଟଣା ବଢ଼ିବାରେ ଲାଗିଛି ।       ଏ ସଂପର୍କରେ ଶ୍ରୀ ସାହୁ କଟକ ଡିସିପିଙ୍କୁ ମଧ୍ୟ ଅବଗତ କରିଛନ୍ତି ।ତୁରନ୍ତ ଭଙ୍ଗା ନଗଲେ ଆଗକୁ ବଡଧରଣର ଦୁର୍ଘଟଣା ଘଟିଲେ ସେଥିପାଇଁ ସିଏମସି କମିଶନର ଦାଇ ରହିବେ ବୋଲି ଅଭିଯୋଗ ହୋଇଛି ।