10-Mar-2026

ବଲାଙ୍ଗିର(ପ୍ରେରଣା ଖବର)  ଦେଓଗାଁ ବ୍ଲକ ଅନ୍ତର୍ଗତ ଡୁମେରପିଟା ଗ୍ରାମ ପଞ୍ଚାୟତ ଅଞ୍ଚଳରେ ସ୍ଥାନୀୟ କ୍ୱାକ୍ ଙ୍କ ପ୍ରାଦୁର୍ଭାବ ବଢ଼ି ଚାଲିଛି।ଡୁମେରପିଟା ଅଞ୍ଚଳରେ କୁଆଡେ ଗ୍ରାମର ଜୈନେକ ବ୍ୟକ୍ତି ନିଜକୁ ଡାକ୍ତର କହି କ୍ଲିନିକ୍ ଭଳି ବେଡ୍ ପକାଇ ରୋଗୀ ଚିକିତ୍ସା କରୁଥିବା ଅଭିଯୋଗ ହେବା ପରେ ସେ ଖୋଲିଥିବା କ୍ଲିନିକ୍ ବନ୍ଦ କରିଦେଇ ଏବେ ବାଇକ୍ ଡିକି ରେ ଡାକ୍ତରୀ ଔଷଧ ରଖି ଆଖପାଖ ଗ୍ରାମାଞ୍ଚଳରେ ରୋଗୀ ଚିକିତ୍ସା କରୁଥିବା ଚର୍ଚ୍ଚା ହୁଏ।ଏବେ ସେ ଅଞ୍ଚଳରେ ଅନେକ ବାଇକ୍ ଧାରି ଠକ ଡାକ୍ତର(କ୍ଵାକ୍)ନିଜ ବାଇକ୍ ଡିକି ରେ ବିଭିନ୍ନ ପ୍ରକାର ଔଷଧ ରଖି ଆଖପାଖ ଅଞ୍ଚଳର ଗ୍ରାମ ଗୁଡିକରେ ଡେରା ପକାଇଥିବା ବେଶ୍ ଚର୍ଚ୍ଚା ହେଉଛି।ଏହି ଠକ ଡାକ୍ତର ମାନେ ଦେଓଗାଁ ବ୍ଲକ୍ ଅନ୍ତର୍ଗତ ରାମଚନ୍ଦ୍ରପୁର, ଗୋଏଲପିଟା, କୁନ୍ଦପାଣି, ଟାଙ୍ଗୁରୁପଦର୍,ଡୁମେରପିଟା ଏବଂ ଶିବତଲା

ଗ୍ରାମପଞ୍ଚାୟତ ର କିଛି ଗ୍ରାମ ବୁଲି ରୋଗୀ ମାନଙ୍କୁ ସ୍ୱାସ୍ଥ୍ୟ ସେବାସେବା ନାମରେ ଠକୁ ଥିବା ବେଳେ ଜ୍ୱର ହେଲେ ସାଲାଇନ ଏବଂ ଔଷଧ ଦେଇ ରୋଗୀ ମାନଙ୍କ ଠାରୁ ଚଢ଼ା ଦରରେ ଟଙ୍କା ଅସୁଲି କରି ବ୍ୟବସାୟ ଚଳାଇଛନ୍ତି।ଗ୍ରାମାଞ୍ଚଳ ନିରୀହ ଲୋକଙ୍କ ଜୀବନ ସହ ଖେଳ ଖେଳୁଛନ୍ତି।ଚର୍ଚ୍ଚା ହୁଏ କୁଆଡେ ଏହି କ୍ଵାକ୍ ମାନେ ରୋଗୀ ମାନଙ୍କୁ ଅଧିକାଂଶ ରୋଗରେ ପେନ୍ କିଲର୍ ଔଷଧ ଦେଉଛନ୍ତି।ବିନା ଡାକ୍ତରୀ ପାଠରେ ସାଜିଛନ୍ତି ଡାକ୍ତର।ହେଲେ ନିଘା ନାହିଁ ଜିଲ୍ଲା ସ୍ୱାସ୍ଥ୍ୟ ବିଭାଗର।ଚଳିତ ବିଜେପି ସରକାର ରେ ବଲାଙ୍ଗିର ଜିଲ୍ଲାର ଯୁବ ରାଜନୀତିଜ୍ଞ ଶ୍ରୀଯୁକ୍ତ ମୁକେଶ ମହାଲିଙ୍ଗ,ସ୍ୱାସ୍ଥ୍ୟମନ୍ତ୍ରୀ ଥିବା ବେଳେ ବର୍ତ୍ତମାନ ମଧ୍ୟ ଗ୍ରାମାଞ୍ଚଳ ମାନଙ୍କରେ ଲୋକେ ସ୍ୱାସ୍ଥ୍ୟ ସେବାରୁ ବଞ୍ଚିତ ଅଛନ୍ତି।ଭାଷଣରେ ଅନେକ ଜନହିତକର ଯୋଜନା ବାଖାଣୁ ଥିବା ବେଳେ ଗ୍ରାଉଣ୍ଡଜିରୋରେ ତାର ବିନିଯୋଗ ହେଉ ନ ଥିବା ପରିଲକ୍ଷିତ ହେଉଛି।ସ୍ୱାସ୍ଥ୍ୟ ବିଭାଗ ଏ ସମସ୍ତ ସମସ୍ୟା ଉପରେ ଗୁରୁତ୍ୱ ଦେଇ ସ୍ୱାସ୍ଥ୍ୟସେବାକୁ ତ୍ୱରାନ୍ୱିତ କରିବା ପାଇଁ ସ୍ଥାନୀୟ ଅଞ୍ଚଳ ମାନଙ୍କରେ ଦାବୀ ହୁଏ।