22-Feb-2026

କାଲିମେଳା(ସନ୍ତୋଷ କୁମାର ପଣ୍ଡା): ମାଟି ଇଟା ପ୍ରସ୍ତୁତ ଉପରେ କଟକଣ ରହିଛି। ଏହା ସତ୍ତ୍ୱେ ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ଟିଗଲ, ଫୁଲଚାନକୋଣ୍ଡା, ମହାରାଜପାଲ୍ଲୀ, ଭୁବନପାଲ୍ଲୀ, ପୁସୁଗୁଡା ବିଭିନ୍ନ ପଞ୍ଚାୟତର ବିଭିନ୍ନ ଗ୍ରାମରେ  ବେଆଇନ ଭାବେ ଛତୁ ଫୁଟିବା ଭଳି ଇଟା ଭାଟି ବଢିଚାଲିଛି।
ପ୍ରଦୂଷଣ ରୋକିବା ପାଇଁ ସରକାର ବନବିଭାଗ ମାଧ୍ଯମରେ କୋଟି  କୋଟି ଟଙ୍କା  ଖର୍ଚ୍ଚ କରୁଥିବା ବେଳେ ଇଟା ବେପାରୀ  ମାନେ ଏହି ଆଦେଶକୁ  ଅବମାନନା କରୁଥିବା ଦେଖିବାକୁ ମିଳୁଛି। ମାଲକାନଗିରି ଜିଲ୍ଲାରେ ଗରମ ଆଗକୁ ରହିଥିବା ବେଳେ ବର୍ତ୍ତମାନ  ଇଟା ଭାଟି ତାପମାତ୍ରା ଓ ପ୍ରଦୂଷଣ ବୃଦ୍ଧିରେ ପ୍ରମୁଖ ଭୂମିକା ଗ୍ରହଣ କରୁଛି। ଧୂଆଁ  ଯୋଗୁଁ ପ୍ରଦୂଷଣ ବଢୁଥିବା ବେଳେ ଏହି ପ୍ରଦୂଷଣ ନିୟନ୍ତ୍ରଣ କରିବା ପାଇଁ ସରକାର କୋଠର ହେଉଥିବା ବେଳେ ଏହି ଇଟା ବେପାରୀ ମାନଙ୍କ ଉପରେ ସରକାର କିମ୍ବା ପ୍ରଶାସନ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନାହାନ୍ତି । ପରିବେଶ ସୁରକ୍ଷା ପାଇଁ ନିର୍ମାଣ କାର୍ଯ୍ୟରେ ମାଟି ତିଆରି ଇଟା  ବ୍ୟବହାର ଉପରେ ୨୦୧୯ ରୁ ସରକାରୀ ସ୍ତରରେ ପ୍ରତିବନ୍ଧକ ଲାଗୁ ହୋଇଥିଲେ ହେଁ ବ୍ୟବସାୟୀ ଏହାକୁ ଅଣଦେଖା କରିଚାଲିଛନ୍ତି । ଅପରପକ୍ଷରେ ଦିନକୁ ଦିନ ଖରାର ପ୍ରକୋପ ଆଗକୁ ବୃଦ୍ଧି ପାଇବାର ରହିଥିବା ବେଳେ ଇଟା ଭାଟି ଧୂଆ ଲୋକଙ୍କୁ ଅଣନିଶ୍ବାସୀ କରୁଛି। ଏଥିସହ ଲୋକେ ଶ୍ବାସଜନିତ ରୋଗର ଶିକାର ହେବାର ମଧ୍ୟ ସମ୍ଭାବନା ରହିଛି l ଏହି ଧୂଆଁ ପରିବେଶ ପ୍ରଦୂଷଣ ମୁଖ୍ୟ କାରଣ l ବେଆଇନ ଇଟା ବ୍ୟବସାୟୀ ମାନେ କୌଣସି ସରକାରୀ କାଗଜପତ୍ର କିମ୍ବା ଅନୁମତି ପତ୍ର ନ କରି  ମନଇଚ୍ଛା ଇଟା ଭାଟି କରି ଲକ୍ଷ ଲକ୍ଷ ଟଙ୍କା ପାଉଥିବା ବେଳେ ରାଜସ୍ବ ହରାଉଛି ସରକାର l ଭାଟି ଯୋଗୁ ମୃଭିକା କ୍ଷୟ ମଧ୍ୟ ହେଉଛି।  ସରକାରୀ ଅନୁମତି ନ ନେଇ ମନଇଛା ମାଟି ଖୋଳା ଯାଉଥିବାରୁ ମୃଭିକା ଉପରେ ବେଶ୍ ପ୍ରଭାବ ପଡୁଛି। ବିଶେଷକରି ନଦୀ, ନାଳ ଓ ଜଳ ଉତ୍ସ ନିକଟରେ ମାଟି ଖୋଳି ଇଟା ଗଢା ଯାଉଥିବାରୁ ବର୍ଷା ଦିନରେ ଲୋକେ ହନ୍ତସନ୍ତ ହେଉଛନ୍ତି । ନଦୀ, ନାଳ ପାଣି ସିଧାସଳଖ ଲୋକଙ୍କ କ୍ଷେତ ଓ ଜମି ମଧ୍ଯକୁ ମାଡ଼ି ଯାଉଛି। ଇଟା ଭାଟି ପାଇଁ ଜଙ୍ଗଲ, ରାଜସ୍ବ, ପରିବେଶ ଆଇନର ଖୋଲା ଉଲଂଘନ ହେଉଥିବା ବେଳେ ସବୁ ଜାଣି ସରକାରୀ ଅଧିକାରୀମାନେ ନିରବ ରହୁଛନ୍ତି । କେତେକ ସ୍ଥାନରେ ନାମକୁ ମାତ୍ର ଚଢ଼ଉ କରାଯାଉଛି। ପରେ ସମ୍ପୃକ୍ତ ଭାଟି ମାଲିକ କାହାକୁ ଖାତିର ନ କରି ଭାଟି ଚଳାଉଛନ୍ତି । ଏପରିକି ଲାଲ ଇଟା ପରିବହନ ବେଆଇନ ଭାବେ କରାଯାଉଛି। ଦେବେ ଦେଖିବା ପାଇଁ ବାକି ରହିଲା କେବେ ଏହି ଇଟା ବେପାରୀଙ୍କ ଉପରେ କେବେ ହେଉଛି କାର୍ଯ୍ୟାନୁଷ୍ଠାନ l