18-Aug-2026

ବଲାଙ୍ଗୀର,(ପ୍ରେରଣା ଖବର )
ରାଜ୍ୟସରକାର ପକ୍ଷରୁ ଛାତ୍ରଛାତ୍ରୀଙ୍କୁ ମାଗଣାରେ  ବାଣ୍ଟିବାକୁ ଛପାଯାଇଥିବା ପାଠ୍ୟପୁସ୍ତକରେ ବ୍ୟାପକମାତ୍ରାରେ ତୃଟି ରହିଛି । ଛାତ୍ରଛାତ୍ରୀଙ୍କୁ ତୃଟିଯୁକ୍ତ ପୁସ୍ତକବାଣ୍ଟି ତାଙ୍କର ଭବିଷ୍ୟତକୁ ନଷ୍ଟ କରିଦେବାକୁ ଷଡଯନ୍ତ୍ର ଚାଲିଛି । ଏହି ତୃଟିଯୁକ୍ତ ପୁସ୍ତକ ଛାପିବାରେ ୩୮୦ କୋଟି ଟଙ୍କାର ଦୁର୍ନିତୀ ହୋଇଥିବା ବିଜେଡି ଅଭିଯୋଗ କରିଛି । ଏହି ଅଭିଯୋଗ ନେଇ ବିଜୁଜନତାଦଳ ପକ୍ଷରୁ ବଲାଙ୍ଗୀରରେ ଏକ ବିଶାଳ ଶୋଭାଯାତ୍ରାକରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭପ୍ରଦର୍ଶନ କରି ଗଣଶିକ୍ଷାମନ୍ତ୍ରୀ ନିତ୍ୟାନନ୍ଦ ଗଣ୍ଡଙ୍କ କୁଶପୁତ୍ତିଳିକା ଦାହ କରାଯାଇଛି । ଜିଲ୍ଲା ଯୁବବିଜେଡି ଓ ଛାତ୍ରବିଜେଡି ପକ୍ଷରୁ ଆୟୋଜିତ ଏହି ଶୋଭାଯାତ୍ରାରେ ବଲାଙ୍ଗୀର ବିଧାୟକ କଳିକେଶନାରାୟଣ ସିଂଦେଓ,ପୂର୍ବତନ ବିଧାୟକ ତଥା ଜିଲ୍ଲା ବିଜେଡିସଭାପତି ସରୋଜକୁମାର ମେହେର,ରାଜ୍ୟ ଯୁବବିଜେଡି ସଭାପତି ଚିନ୍ମୟ ସାହୁ,ରାଜ୍ୟ ଛାତ୍ରବିଜେଡି ସଭାପତି ଇପ୍ସିତା ସାହୁ,ବିଜେଡି ରାଜ୍ୟସଂପାଦକ ତଥା ବିଡିସିସି ବ୍ୟାଙ୍କର ପୂର୍ବତନ ସଭାପତି ଲକ୍ଷ୍ମଣକୁମାର ମେହେର,ପ୍ରଭାସ ପାଣିଗ୍ରାହୀ,ଜିଲ୍ଲାପରିଷଦ ସଭାପତି ଦେବକୀ ସାହୁ,ବଲାଙ୍ଗୀର ପୌରାଧ୍ୟକ୍ଷା ଲିକା ସାହୁ,ସଦର ବ୍ଲକଅଧ୍ୟକ୍ଷା ସରିତା ବାଗ,ରାଜ୍ୟ ଯୁବବିଜେଡି କାର୍ଯ୍ୟକାରୀ ସଭାପତି ରାଜେନ୍ଦ୍ରପ୍ରସାଦ ହୋତା,ଜିଲ୍ଲା ବିଜେଡିସଭାପତି ତଥା ଲୋଇସିଂହା ବ୍ଲକଅଧ୍ୟକ୍ଷ ଜତିନ ପଟେଲ,ପୁଇଁତଳା ବ୍ଲକଅଧ୍ୟକ୍ଷ ସରୋଜ ପଧାନ,ଦେଓଗାଁ ବ୍ଲକଅଧ୍ୟକ୍ଷ ଦୟାନିଧି ଖମାରୀ,ନିହାରରଂଜନ ବେହେରା,ଛାତ୍ରବିଜେଡି ସଭାପତି ସୁମନ ନନ୍ଦ,କଣ୍ଟାବାଞ୍ଜି ଉଦ୍ଧବ ବେହେରା,ଗିରୀରାଜ ସିଂମାଝୀ,ଅମଜଦ ଖାନ,ଅଜିତ ଯୋଷୀ,ତୁଷୁରା ଏନଏସି ଅଧ୍ୟକ୍ଷ ଅଜୟ ଜୟଶ୍ୱାଲ,ପୂର୍ବତନ ବଲାଙ୍ଗୀର ପୌରାଧ୍ୟକ୍ଷା ଦମୟନ୍ତି ବାଗ,ଗୋପା ମହାନନ୍ଦ, ବିଧୁଭୁଷଣ ତ୍ରିପାଠୀ, ମହେନ୍ଦ୍ର ବାଗ, ଧୃବ ଜୁଏଡ ବବିତା ପୁଟେଲ,ହଂସରାଜ ଜୈନ,ସୁଶିଳକୁମାର ଚାନ୍ଦ ପ୍ରମୁଖଙ୍କ ସହ ହଜାର ସଂଖ୍ୟାରେ ବିଜେଡିନେତା ଓ କର୍ମି ଶୋଭାଯାତ୍ରାରେ ସାମିଲ ହୋଇଥିଲେ । ବଲାଙ୍ଗୀର ଗାନ୍ଧୀନଗରଛକରେ ଥିôବା ମହାତ୍ମାଗାନ୍ଧୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣପରେ ସହରରେ ଶୋଭାଯାତ୍ରା ବାହାରିଥିଲା । ଗାନ୍ଧୀନଗରଛକରୁ ମହାଦେବମନ୍ଦିରଛକ,ଦୁର୍ଗାମନ୍ଦିର,ପାଟଣାହୋଟେଲଛକ,ମୁଖ୍ୟବଜାର ରାସ୍ତାଦେଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚିଥିଲା । ବିଜେଡିନେତାନେତ୍ରୀମାନେ ବେକରେ ଲେମ୍ବୁମାଳ ପକାଇ ସରକାରଙ୍କ ପାଠ୍ୟପୁସ୍ତକରେ ନିମୁଡା ନିମୁଡା ଗୀତକୁ ସମାଲୋନା କରିଥିଲେ । ଗଣଶିକ୍ଷାମନ୍ତ୍ରୀ ନିତ୍ୟାନନ୍ଦ ଗଣ୍ଡଙ୍କ ଦୁର୍ନିତୀ ବିରୁଦ୍ଧରେ ବିଭିନ୍ନ ଶ୍ଲୋଗାନ ଦେଇ ପ୍ଲାକାର୍ଡ ପ୍ରଦର୍ଶନ କରିଥିଲେ । ମୁଖ୍ୟତଃ ଛାତ୍ର ଓ ଯୁବବିଜେଡିର କର୍ମିମାନେ ଆଜିର ଶୋଭାଯାତ୍ରାରେ ବେଶି ଉତ୍ସାହିତ ଥିବା ଲକ୍ଷ୍ୟ କରାଯାଇଥିଲା । ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିଧାୟକ କଳିକେଶନାରାୟଣ ସିଂଦେଓ ରାଜ୍ୟସରକାର ଶିକ୍ଷାନୀତିକୁ ତୀବ୍ର ସମାଲୋଚନା କରିଥିଲେ । ଠିକ ସେହିପରି ଯୁବବିଜେଡି ସଭାପତି ଚିନ୍ମୟ ସାହୁ ମୋହନ ସରକାରଙ୍କ ଦୁଇବର୍ଷର ସରକାରରେ ହୋଇଥିବା ବିଭିନ୍ନ ଦୁର୍ନିତୀ ବିଷୟରେ କହି ସମାଲୋଚନା କରିଥିଲେ । ଛାତ୍ରବିଜେଡି ନେତ୍ରୀ ଇପ୍ସିତା ସାହୁ ମୋହନ ସରକାରଙ୍କୁ ଏକ ଅପାରଗ ସରକାର ତେଣୁ ଆଗାମୀ ଦିନରେ ଏହା ବଦଳିବା ଦରକାର ବୋଲି କହିଥିଲେ । ଛାତ୍ରମାନଙ୍କ ଭବିଷ୍ୟତ ସହ ଖେଳୁଥିବା ସରକାର ବିଭିନ୍ନ କ୍ଷେତ୍ରରେ ବିଫଳ ହୋଇଥିବା ବେଳେ ନବୀନ ପଟ୍ଟାନାୟକଙ୍କ ଲୋକପ୍ରିୟତା ବଢିଛି ବୋଲି ବିଜେଡିନେତାଗଣ କହିଥିଲେ ।