18-Aug-2026

ନୂଆପଡ଼ା (ରାମନାଥ ପଣ୍ଡା )
 ରାଞ୍ଚି ଠାରେ ଅନୁଷ୍ଠିତ ଭାରତୀୟ ମଜଦୂର ସଂଘର ୧୬୧ତମ କେନ୍ଦ୍ରୀୟ କାର୍ଯ୍ୟ ସମିତି ବୈଠକରେ ଦେଶର ସଂଗଠିତ ଓ ଅଣସଂଗଠିତ ଶ୍ରମିକ ମାନଙ୍କ ବିଭିନ୍ନ ସମସ୍ୟାକୁ ନେଇ ଆଲୋଚନା ହୋଇଥିଲା ଏବଂ ଏହାକୁ ଆଧାର କରି ଅଗଷ୍ଟ ୧୭ ତାରିଖ ଦିନ ଦେଶ ବ୍ୟାପି ଆନ୍ଦୋଳନାତ୍ମକ କାର୍ଯ୍ୟକ୍ରମ ସହିତ ଦାବୀ ସଂଶ୍ଳିଷ୍ଟ ସ୍ମାରକ ପତ୍ର ପ୍ରଦାନ ପାଇଁ ଆହ୍ଵାନ ଦିଆଯାଇଥିଲା ।ସେହି ଅନୁସାରେ ଆଜି ଭାରତୀୟ ମଜଦୂର ସଂଘ ନୂଆପଡ଼ା ଜିଲ୍ଲା ସଭାପତି ପ୍ରଦୀପ କୁମାର ଦଣ୍ଡସେନାଙ୍କ ନେତୃତ୍ୱରେ ତଥା ରାଜ୍ୟ ପ୍ରଭାରୀ ଡଃ ବିରଞ୍ଚି ନାରାୟଣ ପଣ୍ଡା,ଜିଲ୍ଲା ପ୍ରଭାରୀ ବିଶ୍ଵ ରଞ୍ଜନ ସା,ଏ ଡବ୍ଲୁ ଜିଲ୍ଲା ସମ୍ପାଦିକା ଚନ୍ଦ୍ର ପ୍ରଭା ପାଣିଗ୍ରାହୀ,ସଭାନେତ୍ରୀ ଲୋଭା ଲୁହାର,ଚନ୍ଦ୍ର କାନ୍ତି ଶବର,ରଶ୍ମିତା ପ୍ରଧାନ, ଶ୍ରମିକ ଓ କର୍ମଚାରୀଙ୍କ ଦୀର୍ଘ ଦିନର ଦାବୀର ସମାଧାନ ପାଇଁ ଅତିରିକ୍ତ ଜିଲ୍ଲାପାଳ ସୁବାସ ଚନ୍ଦ୍ର ରଇତାଙ୍କ ଜରିଆରେ ଦାବି ପୂରଣ ନେଇ ମୁଖ୍ୟ ମନ୍ତ୍ରୀ ମୋହନ ଚରଣ ମାଝୀଙ୍କୁ ବି ଏମ ଏସ ର ସ୍ମାରକ ପତ୍ର ପ୍ରଦାନ କରାଯାଇଛି ।ସ୍ମାରକ ପତ୍ରରେ ଲିଖିତ ଦାବୀ ସମୂହ ହେଉଛି - ଅଙ୍ଗନୱାଡ଼ି ଓ ଆଶା କର୍ମୀଙ୍କୁ କର୍ମଚାରୀ ମାନ୍ୟତା  ସହ ସମ୍ମାନଜନକ ଦରମା ପ୍ରଦାନ,ଆଶା କର୍ମୀଙ୍କୁ ପ୍ରସୂତି କାଳୀନ ଛୁଟି ସହ ପୂର୍ଣ୍ଣ ମାନଦେୟ ପ୍ରଦାନ ତଥା ନିର୍ବାଚନ ପ୍ରତିଶ୍ରୁତି ଅନୁଯାୟୀ ଏମାନଙ୍କ ମାନଦେୟ ବୃଦ୍ଧି,ଚୁକ୍ତିଭିତ୍ତିକ ଓ ଠିକା କର୍ମଚାରୀଙ୍କ ସମେତ ସମସ୍ତଙ୍କ ପାଇଁ ସମାନ କାମ ପାଇଁ ସମାନ ଦରମା ଲାଗୁ କରିବା,ସର୍ବ ନିମ୍ନ ମଜୁରୀକୁ ୩୦ ହଜାର ଟଙ୍କାକୁ ବୃଦ୍ଧି କରିବା, ଇ ପି ଏସ - ୯୫ ଅଧୀନରେ ନ୍ୟୁନତମ ପେନସନ ୧୧ ହଜାର ଟଙ୍କାରୁ ୧୭ ହଜାର ୫୦୦ ଟଙ୍କାକୁ ବୃଦ୍ଧି ସହିତ ମାହାଙ୍ଗାଭତ୍ତାକୁ ଯୋଡିବା ପୁଣି ଏହାକୁ ଆୟୁଷ୍ମାନ ଭାରତ ଯୋଜନା ସହ ସଂଯୋଗ କରିବାକୁ ଦାବୀ, ଇ ପି ଏଫ୍, ଇ ଏସ ଆଇ ସି ଓ ବୋନସ ଗଣନା ଅଧୀନରେ ଥିବା ସମସ୍ତ ସୀମାକୁ ଦ୍ଵିଗୁଣିତ କରିବା,ପୁରୁଣା ପେନସନ ଯୋଜନା ପୁନଃ ପ୍ରଚଳନ,ଗ୍ରାଚ୍ୟୁଟି ଗଣନାକୁ ୧୫ ଦିନର ମଜୁରୀ ବଦଳରେ ୩୦ ଦିନର ମଜୁରୀ ଆଧାରରେ ଗଣନା କରିବା,ଶ୍ରମ ସଂହତିରେ ଥିବା ଶ୍ରମିକବିରୋଧୀ ବ୍ୟବସ୍ଥା ଗୁଡିକରେ ଆବଶ୍ୟକ ସଂଶୋଧନ କରିବା, ଓଡ଼ିଶାର ବିଭିନ୍ନ ଉଦ୍ୟୋଗରେ ହୋଇଥିବା ବେଆଇନ ଛଟେଇକୁ ପ୍ରତ୍ୟାହାର କରି ସଂପୃକ୍ତ ଶ୍ରମିକଙ୍କୁ ପୁନଃ ନିଯୁକ୍ତି ଦେବା ଭଳି ଦାବୀ କରାଯାଇଛି ।

ଆଜିର ଏହି ଆନ୍ଦୋଳନାତ୍ମକ ସ୍ମାରକ ପତ୍ର ପ୍ରଦାନ କାର୍ଯ୍ୟକ୍ରମରେ ଶ୍ରମିକ ନେତା ଭକ୍ତ ବନ୍ଧୁ ଧରୁଆ,ରାଧାକାନ୍ତ ବେହେରା,ବି ଏମ ଏସ ଜିଲ୍ଲା ମିଡିଆ ସେଲ ରାମନାଥ ପଣ୍ଡା, ଜାନକୀ ମାଝୀ,ଗୀତାଞ୍ଜଳି ବିଶି ,ଜାନକୀ ମେହେର,ଷଷ୍ଠୀ ସାହୁ,ବଳଧର କେତକୀ,ଯଯାତି ମେହେର,ସଞ୍ଜୟ ନାୟକ,ପିଣ୍ଟୁ ହଂସ ,ଆକାଶ କଟା,ଅଙ୍ଗନୱାଡ଼ି କର୍ମୀ,ଆଶା କର୍ମୀ,ମିଶନ ଶକ୍ତି ମହିଳା,ଇ ସି ମେମ୍ବର,ମଣ୍ଡି ହେମାଳ ୟୁନିଅନ,ପାଚିକା ସଂଘ,ବି ଏମ ଏସ ଅନୁବନ୍ଧିତ ଅନ୍ୟାନ୍ୟ ଶ୍ରମିକ ସଂଘ ପ୍ରମୁଖ ସାମିଲ ଥିଲେ ।ସାମାଜିକ ସୁରକ୍ଷା, ଉଚିତ ପାରିଶ୍ରମିକ ଓ ନିରାପଦ କାର୍ଯ୍ୟ ସୁନିଶ୍ଚିତ କରିବା,ଶ୍ରମର ମର୍ଯ୍ୟାଦା ଓ ଶ୍ରମିକଙ୍କ ଜୀବନ ଧାରଣ ନିମିତ୍ତ ଶ୍ରମିକ, ମାଲିକ ଓ ସରକାରଙ୍କ ମଧ୍ୟରେ ଶିଳ୍ପ ସୌହାର୍ଦ୍ଦ ଓ ଉତ୍ପାଦନଶୀଳତା ବୃଦ୍ଧି ପାଇଁ ସରକାର ଦାବୀ ଗୁଡ଼ିକୁ ପ୍ରାଥମିକତା ଦେଇ ଶୀଘ୍ର ପଦକ୍ଷେପ ଗ୍ରହଣ କରିବାକୁ ଭାରତୀୟ ମଜଦୂର ସଂଘ ଅନୁରୋଧ କରୁଛି ।