04-Feb-2021

ନୂଆଦିଲ୍ଲୀ,(ପ୍ରେରଣା ଖବର) : ଧୂମ୍ରପାନ ସ୍ୱାସ୍ଥ୍ୟ ପକ୍ଷେ କ୍ଷତି କାରକ । ଏହା କ୍ୟାନ୍ସରର କାରଣ । ଏହା ଆପଣଙ୍କୁ ମୃତ୍ୟୁ ମୁଖରେ ପକାଇଥାଏ । ଏହାଛଡ଼ା ଧୂମ୍ରପାନ ଆପଣଙ୍କ ଚର୍ମକୁ ହଳଦିଆ ପକାଇଦେଇଥାଏ । ହଁ ଆପଣ ଠିକ୍‌ ପଢ଼ିଛନ୍ତି । ଡାକ୍ତରୀ ବିଜ୍ଞାନରେ ଏହାର ପ୍ରମାଣିତ ହୋଇସାରିଛି ।

ହୁଆଇନ୍‌ ହସ୍ପିଟାଲ୍‌ର ଡାକ୍ତର ଏମିତି ଜଣେ ରୋଗୀକୁ ଦେଖି ଆଶ୍ଟର୍ଯ୍ୟ ହୋଇଯାଇଛନ୍ତି । କାରଣ ଏହି ରୋଗୀଙ୍କ ଚର୍ମ ଧଳା ଦେଖାଯାଉଛି ଏବଂ ଏହା ଯେମିତି ଏକ ହଳଦିଆ ଚାଦର ଘୋଡ଼ି ହୋଇଛି ସେହିଭଳି ଲାଗୁଛି । ତେବେ ବିଭିନ୍ନ ପ୍ରକାରର ପରୀକ୍ଷା ପରେ ବ୍ୟକ୍ତି ଜଣକ ଅନ୍ୟକିଛି ରୋଗରେ ପୀଡ଼ିତ ଥିବା ଜଣାପଡ଼ିଛି । ତାଙ୍କ ଅଗ୍ନାଶୟରେ ଏକ ବଡ଼ ଟ୍ୟୁମର ହୋଇଥିବା ଜଣାପଡ଼ିଛି । ଯାହାକି ପିତ୍ତ ନଳୀକୁ ବନ୍ଦ କରିଦେଉଛି।

ଡାକ୍ତର ଏହାକୁ ନେଇ କହିଛନ୍ତି ଯେ, ବ୍ୟକ୍ତି ଜଣକ ସଦାବେଳେ ଧୂମ୍ରପାନ କରୁଛନ୍ତି । ଯାହାଫଳରେ ଏଥିରୁ ତାଙ୍କ ଶରୀରରେ ଟ୍ୟୁମର୍‌ ସୃଷ୍ଟି ହୋଇଛି । ଏହି ଟ୍ୟୁମର କାରଣରୁ ପିତ୍ତ ନଳୀ ଠିକ୍‌ରେ ସଞ୍ଚାଳିତ ହେଉନାହିଁ । ତେଣୁ ଶରୀରର ରଙ୍ଗ ପରିବର୍ତ୍ତନ ହୋଇଯାଉଛି । ପୁନର୍ବାର ପରୀକ୍ଷା କରିବାରୁ ତାଙ୍କ ଶରୀରରେ ଅନ୍ୟ ଏକ ଟ୍ୟୁମର ହୋଇଥିବା ଜଣାପଡ଼ିଛି । ତେବେ ଡାକ୍ତର ଟ୍ୟୁମର୍‌କୁ ବାହାର କରିବା ପରେ ତାଙ୍କୁ ଯଦି ବଞ୍ଚିବାର ଅଛି ତେବେ ଧୂମ୍ରପାନ ଛାଡ଼ିବା ପାଇଁ ଚେତାବନୀ ଦେଇଛନ୍ତି । ଟ୍ୟୁମର୍‌ ବାହାରିଯିବା ପରେ ଏବେ ବ୍ୟକ୍ତିଙ୍କ ଶରୀର ସାଧାରଣ ଭାବେ ପୂର୍ବାବସ୍ଥାକୁ ଫେରି ଆସିଥିବା ଜଣାପଡ଼ିଛି ।