01-Feb-2026

ବଲାଙ୍ଗୀର(ପ୍ରେରଣା ଖବର): ଆଜି ମୁଖ୍ୟମନ୍ତ୍ରୀ ମୋହନଚରଣ ମାଝୀଙ୍କ ସୋନପୁର ଜିଲ୍ଲାର ଖଲିଆପାଲି ମହିମାପୀଠକୁ ପରିଦର୍ଶନ ସମୟରେ ଐତିହାସିକ ସ୍ୱର୍ଗତ ସଦାନନ୍ଦ ଅଗ୍ରୱାଲଙ୍କ ଗବେଷଣାଲବ୍ଧ ୪ ଖଣ୍ଡ ପୁସ୍ତକ ପ୍ରଦାନ କରା ଯାଇଛି । ଡ.ସଦାନନ୍ଦ ଅଗ୍ରୱାଲ ସ୍ମୃତିକମିଟି ପକ୍ଷରୁ ସ୍ୱର୍ଗତ ଅଗ୍ରୱାଲଙ୍କ ପୁତ୍ର ସିଦ୍ଧାର୍ଥ ଅଗ୍ରୱାଲ(ଆଶିଷ) ସ୍ୱର୍ଗତ ଅଗ୍ରୱାଲଙ୍କ ଲିଖିତ ଇଂରାଜୀପୁସ୍ତକ “ଶ୍ରୀଖାରବେଳ”, “ସୋନପୁର ଇତିହାସ ପ୍ରଥମଖଣ୍ଡ”, “ଟୁ କପରପ୍ଲେଟ ଗ୍ରାଣ୍ଟସଫ୍ରମ ୱେଷ୍ଟର୍ଣ୍ଣ ଓଡିଶା”ଓ “ମାନବବାଦୀ ସନ୍ଥ ଭୀମଭୋଇ” ପୁସ୍ତକ ପ୍ରଦାନ କରାଯାଇଥିଲା । ମୁଖ୍ୟମନ୍ତ୍ରୀ ପୁସ୍ତକଗୁଡିକୁ ଦେଖି ଏବିଷୟରେ ପଚାରିବୁଝିବା ସହିତ ସୋନପୁର ଇତିହାସର ଦ୍ୱିତୀୟଖଣ୍ଡ ବିଷୟରେ ପଚାରି ବୁଝିଥିଲେ । ପ୍ରକାଶ ଯେ,ସ୍ୱର୍ଗତ ଡ.ସଦାନନ୍ଦ ଅଗ୍ରୱାଲ ଐତିହାସିକ ଗବେଷଣା ସହିତ ସାହିତ୍ୟସାଧନା, ସଂଗୀତ ସାଧାନା ସହ ମହିମାଧର୍ମ ଉପରେ ଗବେଷଣାରତ ଥିଲେ । ଖଲିଆପାଲିରେ ସନ୍ଥକବିଙ୍କ ସମାଧିପୀଠରେ ଟ୍ରଷ୍ଟଗଠନ କରାଇ ସେ ଏହାର ପ୍ରଥମ ମେନେଜିଂଟ୍ରଷ୍ଟି ରହି ପୀଠର ଅନେକଗୁଡିଏ ଉନ୍ନୟନମୂଳକ କାମ କରାଇଥିଲେ। ଏହି ପୁସ୍ତକ ପ୍ରଦାନ ବେଳେ ମୁଖ୍ୟମନ୍ତ୍ରୀଙ୍କ ବ୍ୟବକ୍ତିଗତସାଚିବ ପ୍ରଶନ୍ନକୁମାର ଷଢଙ୍ଗୀ, ସୋନପୁର ଜିଲ୍ଲାପାଳ ଡ.ନୃପରାଜ ସାହୁ,ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା,ଧିରେନ୍ଦ୍ର ଝାଙ୍କର ପ୍ରମୁଖ ଉପସ୍ଥିତ ଥିଲେ ।