01-Feb-2026

କଣ୍ଟାମାଳ (ଜୟ କୁମାର ମହାରଣା) ବୌଦ୍ଧ ଜିଲ୍ଲା କଣ୍ଟାମାଳ ଥାନା ପୋଲିସ ପକ୍ଷରୁ ଲମ୍ବସରୀ ପଞ୍ଚାୟତ ଅନ୍ତର୍ଗତ ବଲମତୁମ୍ବା ଗ୍ରାମ ନିକଟ ଜଙ୍ଗଲରେ ଚଢ଼ାଉ କରି ବ୍ୟାପକ ଗଞ୍ଜେଇ ଜବତ କରିଥିବା ବେଳେ ଘଟଣାସ୍ଥଳରୁ ସଂପୃକ୍ତ ମାଫିଆ ଚମ୍ପଟ ମାରିଥିବା ଜଣା ପଡ଼ିଛି | ସୂଚନା ଅନୁସାରେ ବିଶ୍ଵସ୍ତ ସୂତ୍ରରୁ ଖବର ପାଇ ବୌଦ୍ଧ ଆରକ୍ଷୀ ଅଧିକ୍ଷକଙ୍କ ନିର୍ଦ୍ଦେଶ କ୍ରମେ  କଣ୍ଟାମାଳ ଥାନାଧିକାରୀ ବାସୁଦେବ ଭୋଇ ଙ୍କ ନେତୃତ୍ୱରେ ଏକ ପୋଲିସ ଟିମ କଣ୍ଟାମାଳ ଥାନା ଅନ୍ତର୍ଗତ  ଲମ୍ବସରୀ ପଞ୍ଚାୟତ ର ଅଭ୍ୟନ୍ତରୀଣ ବଲମତୁମ୍ବା ଗ୍ରାମ ନିକଟସ୍ଥ ଜଙ୍ଗଲରେ ଗଞ୍ଜେଇ ଚୋରା ଚାଲାଣ ପାଇଁ ପ୍ରସ୍ତୁତି ଚାଲିଥିବାବେଳେ  ଏହି ଟିମ ଚଢ଼ାଉ କରିଥିଲା | ପୋଲିସର ଚଢ଼ାଉ ସମ୍ପର୍କରେ ସୁରାକ ପାଇ ମାଫିଆମାନେ ଘଟଣାସ୍ଥଳରୁ ଚମ୍ପଟ ହୋଇଥିଲେ। ପୋଲିସ ଉକ୍ତ ସ୍ଥାନକୁ ଯାଇ ବ୍ୟାପକ ଗଞ୍ଜେଇ ଜବତ କରିଛି | କଣ୍ଟାମାଳ ଅତିରିକ୍ତ ତହସିଲଦାର ଧନଞ୍ଜୟ ସାହୁ ଙ୍କ ଉପସ୍ଥିତି ରେ ଜବତ ଗଞ୍ଜେଇ କୁ ଓଜନ କରିଥିଲେ ।  ଜବତ୍ ଗଞ୍ଜେଇର ପରିମାଣ ୩ କ୍ଵିଣ୍ଟାଲ ୨୦ କେଜି ହୋଇଥିବା ନେଇ କଣ୍ଟାମାଳ ପୁଲିସ ସୂଚନା ଦେଇଛି | ଏ ସଂକ୍ରାନ୍ତରେ କଣ୍ଟାମାଳ ଥାନରେ ଏନଡିପିଏସ ଆକ୍ଟ ରେ ଏକ ମାମଲା ରୁଜ୍ଜୁ କରି ଅଧିକ ତଦନ୍ତ ଜାରି ରଖିଥିବା ନେଇ କଣ୍ଟାମାଳ ଥାନାଧିକାରୀ ଶ୍ରୀ ଭୋଇ ସୂଚନା ଦେଇଛନ୍ତି l