01-Feb-2026

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା କୋଶଲେଶ୍ୱର ମାଳି ସମାଜ ନୂତନ କମିଟି ରବିବାର ଗଠିତ ହୋଇଯାଇଛି।ଜିଲ୍ଲା କମିଟିର ପୂର୍ବତନ ସମ୍ପାଦକ ନିରଞ୍ଜନ ପୁଟେଲଙ୍କ ଆବାହକତ୍ୱରେ ଅନୁଷ୍ଟିତ ଚୟନ ପ୍ରକ୍ରିୟାରେ ମୁଖ୍ୟ କାର୍ଯ୍ୟାଳୟ ଘଣ୍ଟାପାଲି ସମାଜ ଭବନ ଠାରେ ଆୟୋଜିତ ସଭାରେ ଜିଲ୍ଲାର ବିଭିନ୍ନ ମଣ୍ଡଳ କର୍ମକର୍ତ୍ତାଙ୍କ ସହ ପ୍ରାୟ ୩ଶହରୁ ଅଧିକ ମାଳି ସମାଜ ବ୍ୟକ୍ତି ବିଶେଷ ଯୋଗଦେଇଥିଲେ ।ପ୍ରାରମ୍ଭରେ ସମସ୍ତ ସଦସ୍ୟ ବାବା କୋଶଳେଶ୍ୱରଙ୍କ ପୂଜାର୍ଚ୍ଚନା କରି ଆଶୀର୍ବାଦ ନେଇଥିଲେ ।ଏଥିରେ ରାଜ୍ୟ କୋଶଳେଶ୍ୱର ମାଳି ସମାଜ ବିକାଶ ପରିଷଦର ଉପ ସଭାପତି ଦାରାସିଂ ପୁଟେଲ,ସମ୍ପାଦକ ଡ଼ ଅନିରୁଦ୍ଧ କୁରକୁରିଆ,ସଂଯୋଜକ ତପିମନି ପୁଟେଲ,ଆଇନ ପରାମର୍ଶଦାତା ତଥା ଅଧ୍ୟାପକ ଅଭୟ କୁମାର ଚୌଧୁରୀ,ରାଜ୍ୟ କାର୍ଯ୍ୟକାରିଣୀ ସଦସ୍ୟ ଭାବରେ କ୍ଷମାନିଧି ପଟେଲ,ଯୋଶବନ୍ତ ପଟେଲ,କିଶୋର ପଟେଲ,ବରଗଡ଼ ଜିଲ୍ଲା ସଭାପତି ମହେନ୍ଦ୍ର ପଟେଲ,ସମ୍ପାଦକ କୈଳାସ ପଟେଲ,ଭେଡେନ ମଣ୍ଡଳ ସମ୍ପାଦକ ଚନ୍ଦ୍ର ପୁଟେଲ,ରାଜ୍ୟ ଉପଦେଷ୍ଟା କମିଟି ଅଧ୍ୟକ୍ଷ ଲାଲମୋହନ ପୁଟେଲ ପ୍ରମୁଖ ଅତିଥି ଭାବେ ମଞ୍ଚାସିନ ରହି ସମାଜ ଉନ୍ନତିରେ ଆମ୍ଭ ମାନଙ୍କର କର୍ତ୍ତବ୍ୟ କିଭଳି ରହିବା ଦରକାର ସେ ଉପରେ ଆଲୋକପାତ କରିଥିଲେ। ଜିଲ୍ଲାରେ ହୋଇଥିବା ପୁରୁଣା କମିଟିର କାର୍ଯ୍ୟକାଳ ଅବଧି ଶେଷ ହୋଇ ଯାଇଥିବାରୁ ଜିଲ୍ଲା ସ୍ତରରେ  ନୂତନ କମିଟି ଗଠନ ପ୍ରକ୍ରିୟା ନେଇ ନିର୍ବାଚନ ଦାୟିତ୍ୱରେ ଥିବା ରାଜ୍ୟ ଉପ ସଭାପତି ତଥା ଅଧ୍ୟାପକ ଅଭୟ କୁମାର ଚୌଧୁରୀ ନିର୍ବାଚନ ସମନ୍ଧରେ ଅବଗତ କରିଥିଲେ।କମିଟି ଗଠନ ନେଇ ଉପସ୍ଥିତ ସମସ୍ତ ସଦସ୍ୟ ନିଜ ନିଜ ମତାମତ ପ୍ରଦାନ କରି ବିଭିନ୍ନ ପଦ ନିମନ୍ତେ ପ୍ରସ୍ତାବ/ସମର୍ଥନ ଦେଇଥିଲେ ।ହେଲେ ସଭାପତି ପଦ ପାଇଁ ୨ଜଣ ପ୍ରତିଦ୍ବନ୍ଦିତା କରିବାରୁ ତାହା ନିର୍ବାଚନ ହୋଇଥିବା ବେଳେ ବାକି ଅନ୍ୟ ସବୁ ପଦବୀ ଗୁଡ଼ିକର ପ୍ରାର୍ଥୀ ମାନେ ନିର୍ଦ୍ଵନ୍ଦରେ ନିର୍ବାଚିତ ହୋଇଥିଲେ।ତେବେ ସଭାପତି ପାଇଁ ମକରଧ୍ବଜ ଚୌଧୁରୀ ବନାମ ସୁବଳ ପୁଟେଲ ମଧ୍ୟରେ ପ୍ରତିଦ୍ବନ୍ଦିତା ହୋଇଥିଲା। ଏଥିରେ ଜିଲ୍ଲାର ୬ଟି ମଣ୍ଡଳ ରୁ ସଭାପତି/ସମ୍ପାଦକଙ୍କ ସହ ୫ଜଣ ଲେଖାଏଁ ଭୋଟ ଦେବାର କ୍ଷମତା ପ୍ରଦାନ କରାଯାଇଥିଲା କିନ୍ତୁ ଡୁଙ୍ଗୁରିପାଲି ମଣ୍ଡଳ ଭୋଟ ଦାନରୁ ଓହରିଯାଇଥିଲା ଫଳରେ ୫ମଣ୍ଡଳର ୨୫ଜଣ ସଦସ୍ୟ ସଭାପତି ପଦ ପାଇଁ ଭୋଟ ଦେଇଥିଲେ ।ତେବେ ମକରଧ୍ବଜଙ୍କ ସପକ୍ଷରେ ୨୫ଭୋଟ ପଡିଥିବା ବେଳେ ସୁବଳଙ୍କ ସପକ୍ଷରେ ଗୋଟିଏ ବି ଭୋଟ ପଡ଼ିନଥିଲା । ଫଳରେ ମକରଧ୍ବଜଙ୍କୁ ସୁବର୍ଣ୍ଣପୁର ଜିଲ୍ଲା ସଭାପତି ଭାବେ ନିର୍ବାଚନ ଅଧିକାରୀ ଆନୁଷ୍ଠାନିକ ଭାବେ ଘୋଷଣା କରିଥିଲେ।ସେହିପରି ଉପ ସଭାପତି ଭାବେ ବାମଦେବ ବରିହା,ସମ୍ପାଦକ ଭାବେ ନିରଞ୍ଜନ ପୁଟେଲ,ସହ ସମ୍ପାଦକ ଭାବେ ସୁଶାନ୍ତ ପୁଟେଲ, କୋଷାଧ୍ୟକ୍ଷ ଭାବେ ଶ୍ରୀଧର ପୁଟେଲ ସର୍ବସମ୍ବତି କ୍ରମେ ମନୋନୀତ ହୋଇଥିଲେ ।ନିର୍ବାଚନ ପରେ ରାଜ୍ୟ ଉପଦେଷ୍ଟା ଲାଲମୋହନ ନୂତନ କର୍ମକର୍ତ୍ତା ମାନଙ୍କୁ ଶପଥପାଠ କରାଇଥିଲେ ।ଶେଷରେ ଧ୍ରୁବଚରଣ ନାଏକ ଧନ୍ୟବାଦ ଅର୍ପଣ କରିଥିଲେ।