21-Dec-2025

 ଛାତ୍ରଛାତ୍ରୀଙ୍କ ପ୍ରଦର୍ଶିତ ପରିବେଶ ସଚେତନତାଧର୍ମି ଓ ଦେଶାତ୍ମବୋଧକ ଗୀତନୃତ୍ୟରେ ଝୁମିଲେ ଅଭିଭାବକ

ବଲାଙ୍ଗୀର,ବଲାଙ୍ଗୀର ଲିଟିଲଫ୍ଲାୱାର ସ୍କୁଲର ବାର୍ଷିକୋତ୍ସବ ପାଳିତ ହୋଇଯାଇଛି । ଲାଲଟିକ୍ରାସ୍ଥିତ ସ୍କୁଲକ୍ୟାମ୍ପରେ ଆୟୋଜିତ ଏହି ଉତ୍ସବରେ ମୁଖ୍ୟଅତିଥି ଭାବରେ ସମ୍ବଲପୁର ଉତ୍ତରାଞ୍ଚଳ ରାଜସ୍ୱଆୟୁକ୍ତ(ଆରଡିସି) ସଚିନରାମଚନ୍ଦ୍ର ଯାଦବ,ସମ୍ମାନୀତ ଅତିଥିଭାବରେ ବଲାଙ୍ଗୀର ଜିଲ୍ଲାପାଳ ଗୌରବଶିବାଜୀ ଇସଲୱାର,ଏସପି ଅଭିଲାଷ ଜୀ,ରେଭରେଣ୍ଟ ଜର୍ଜ ସୋରେନ,ଏସଆର ସେଲିନ,ସିଏ ନକୁଲ ଅଗ୍ରୱାଲ ଓ ମୁଖ୍ୟବକ୍ତା ଭାବରେ ପ୍ରଫେସର ଡ.ପ୍ରେମଚନ୍ଦ ମହାନ୍ତି ଯୋଗ ଦେଇଥିଲେ । ମୁଖ୍ୟଅତିଥି ବାର୍ଷିକୋତ୍ସବକୁ ପ୍ରଦୀପ ପ୍ରଜ୍ୱଳନ କରି ଆନୁଷ୍ଠାନିକ ଭାବରେ ଉଦଘାଟନ କରି ୩୩ବର୍ଷ ତଳେ ବଲାଙ୍ଗୀର ବୁଦ୍ଧିଜୀବୀ ଲିଟିଲଫ୍ଲାୱାର ସ୍କୁଲ ଖୋଲିବାର ନେଇଥିବା ଏକ ନିଷ୍ପତ୍ତି ବଲାଙ୍ଗୀରକୁ ସଫଳତା ଦେଉଛି । ଆଜି ବଲାଙ୍ଗୀରର ଛାତ୍ରଛାତ୍ରୀ ରାଜ୍ୟ ତଥା ଜାତୀୟସ୍ତରର ସଫଳ ବ୍ୟକ୍ତି ହୋଇପାରିଛନ୍ତି ବୋଲି ଶ୍ରୀ ଯାଦବ କହିଥିଲେ । ଠିକ ସେହିପରି ଜିଲ୍ଲାପାଳ ଶ୍ରୀ ଇସଲୱାର ତାଙ୍କ ବକ୍ତବ୍ୟରେ ସ୍କୁଲର ପରିଚାଳନା କମିଟି ତଥା ଶିକ୍ଷକ/ଶିକ୍ଷୟିତ୍ରୀଙ୍କ ପ୍ରୟାସକୁ ପ୍ରଶଂସା କରିଥିଲେ । ସ୍କୁଲର ଅଧ୍ୟକ୍ଷା ଏସଆର ଲୁସି ଏମପିଭି ଅତିଥିଙ୍କୁ ସ୍ୱାଗତ କରିବା ସହ ସ୍କୁଲର ବାର୍ଷିକ ବିବରଣୀ ପ୍ରଦାନ କରିଥିଲେ । ବିଗତଦିନରେ ସ୍କୁଲରେ ହୋଇଥିବା କାର୍ଯ୍ୟକ୍ରମ ତଥା ସ୍କୁଲର ଛାତ୍ରଛାତ୍ରୀଙ୍କ ବିଷୟରେ ତଥ୍ୟ ରଖିଥିଲେ । ଏହି ଅବସରରେ ସ୍କୁଲର ଟପ୍ପର ତଥା ବିଭିନ୍ନ କ୍ଷେତ୍ରରେ କୃତି ଛାତ୍ରଛାତ୍ରୀଙ୍କୁ ମେମେଣ୍ଟୋ ଦେଇ ସମ୍ବର୍ଦ୍ଧିତ କରାଯାଇଥିଲା । ସଭା ପ୍ରାରମ୍ଭରୁ ସ୍କୁଲର ଏନସିସି କ୍ୟାଡେଟଙ୍କ ପକ୍ଷରୁ ଏକ ପ୍ୟାରେଡ କରି ଅତିଥିଗଣଙ୍କୁ ସ୍ୱାଗତ କରାଯାଇଥିଲା । ସଭାପରେ ସ୍କୁଲର ଛାତ୍ରଛାତ୍ରୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଏଥିରେ ଦେଶାତ୍ମବୋଧକ,ସଚେତନତାଧର୍ମି ଗୀତରେ ଡ୍ୟାନ୍ସ,ପୁରୁଣା ଓ ଅଧୁନିକଗୀତରେ ରେଡର୍କଡ୍ୟାନ୍ସ ତଥା ଓଡିଶୀନୃତ୍ୟ ପ୍ରଦର୍ଶନ କରାଯାଇଥିଲା । ଛାତ୍ରଛାତ୍ରୀଙ୍କ ପ୍ରଦର୍ଶନ ଖୁବଉଚ୍ଚକୋଟିର ହୋଇଥିଲା ଓ ଅଭିଭାବକଙ୍କ ଦ୍ୱାରା ପ୍ରଶଂସିତ ହୋଇଥିଲା । ଏହି କାର୍ଯ୍ୟକ୍ରମର ସଫଳତାରେ ସ୍କୁଲର ସମସ୍ତ ଶିକ୍ଷକ/ଶିକ୍ଷତୟିତ୍ରୀ ଓ କର୍ମଚାରୀଗଣ ସହଯୋଗ କରିଥିଲେ ।