21-Dec-2025

ବଲାଙ୍ଗିର(ପ୍ରେରଣା ଖବର): ଆଜି ସ୍ଥାନୀୟ କଦଳୀମୁଣ୍ଡା ନର୍ସରୀ ଠାରେ ୧୯୮୯ ପିପି ଏକାଡେମୀ ମେଟ୍ରିକ ବ୍ୟାଚ୍  ଏକ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ଜିଲ୍ଲା ତଥା ଜିଲ୍ଲା ବାହାରର ପ୍ରାୟ ୮ଠଜଣ ପୂରାତନ ଛାତ୍ର ଯୋଗ ଦେଇ ପୂରୁଣା ସ୍ମୃତିକୁ ମନେପକାଇବା ସହ ଆଗାମୀ ଦିନରେ ସମସ୍ତ ଏକ ହୋଇ ପରସ୍ପରକୁ ସାହାଯ୍ୟ ସହଯୋଗର ହାତ ବଢ଼ାଇ ବାକୁ ନିଷ୍ପତ୍ତି ନେଇଥିଲେ । ଏହି ଅବସରରେ ୧୯୮୯ ପି.ପି ଏକାଡେମୀ ମେଟ୍ରିକ ବ୍ୟାଚ୍ ର ୨ଜଣ ପୂରାତନ ଛାତ୍ର ବନବାସ ମିଶ୍ର ଓ ଧନଞ୍ଜୟ ନାଗଙ୍କ ଅକାଳ ବିୟୋଗରେ ଏହି ଅମର ଆତ୍ମା ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଥିଲା । ଚଳିତ ବର୍ଷ ମଧ୍ୟ କଦଳୀମୁଣ୍ଡା ନର୍ସରୀ ପରିସରରେ ଅନୁଷ୍ଠିତ ଚକ୍ଷୁ ପରୀକ୍ଷା ଶିବିରରେ ୧୯୮୯ ପି.ପି ଏକାଡେମୀ ମେଟ୍ରିକ ବ୍ୟାଚ୍ ର ବହୁ ପୂରାତନ ଛାତ୍ର ନିଜର ଆଖି ପରୀକ୍ଷା କରିବା ସହ ଚଷମା ନେଇଥିଲେ । ପରେ ଏକ ରଙ୍ଗାରଙ୍ଗ ପରିବେଶ ମଧ୍ୟରେ ସଙ୍ଗୀତ ଓ ନାଚଗୀତର କାର୍ଯ୍ୟକ୍ରମରେ ସମସ୍ତ ପୂରାତନ ଛାତ୍ର ମାନେ ଭାଗ ନେଇଥିଲେ । ୧୯୮୯ ପି.ପି ଏକାଡେମୀ ମେଟ୍ରିକ ବ୍ୟାଚ୍ ର ସତ୍ୟରଞ୍ଜନ ମିଶ୍ର, ସୁରେଶ ସାହୁ, ଶଙ୍କର ଅଗ୍ରୱାଲ ଏବଂ ଗୋପାଳ ମିଶ୍ର ଙ୍କ ସ୍ଵରରେ ବିଭିନ୍ନ ସ୍ଵାଦର ଗୀତ ବେଶ ମନଛୁଆଁ ହୋଇଥିଲା l ଡ୍ୟୁଲୁକ୍ ଆର୍କେଷ୍ଟା୍ ର ଗାୟକ ଗାୟିକା ମାନଙ୍କ ଗୀତର ତାଳେ ତାଳେ ରମେଶ ସାହୁ, ସନ୍ତକ ବହିଦାର,  ଭକ୍ତ ନାଏକ,  ଦାରାସିଂହ ମେହେର, ନୀଳମଣି ହାତୀ, ଅଜିତ ପଣ୍ଡା, କମ୍ବୁ ପାଣି ପୁଝାରୀ, ସଂଯତ ମିଶ୍ର, ରିଆଜ ଖାନ, ଅତୁଲ ଅଗ୍ରୱାଲ, ଉପେନ୍ଦ୍ର ସାହୁ,  ଶ୍ରୀମନ୍ତ ପଣ୍ଡା, ବାବୁ ପୁଝାରୀ, ସଂଜୀବ ଦର୍ଜି ଗୌରାଙ୍ଗ ସାହୁ, ସନତ୍ ,ସମୀର ବିଶୋଇ, ରଘୁ ନନ୍ଦନ ସିଂହ ଓ ଅନ୍ୟ ମାନଙ୍କ ଡ୍ୟାନ୍ସ ପରିବେଶକୁ ରଙ୍ଗୀନ କରିଥିଲା l ସନ୍ଧ୍ୟାରେ ଅନୁଷ୍ଠିତ  କେମ୍ପ ଫେୟାର ରେ ମଧ୍ୟ ଅନେକ ପୂରାତନ ଛାତ୍ର ଭାଗ ନେଇ ନାଚଗୀତର ମଜା ନେଇଥିଲେ l