18-Oct-2025

ସୋନପୁର (ମନୋରଞ୍ଜନ ତ୍ରିପାଠୀ)
 ଓଡ଼ିଶା ଅଭିନନ୍ଦନ ଟ୍ରଷ୍ଟର ପ୍ରଥମ ସେମିନାର "ଓଡ଼ିଶା ପ୍ରଗତି ପଥେ" ସୁବର୍ଣ୍ଣପୁର ଜିଲ୍ଲା ସଦର ମହକୁମାର ନୂଆଁ ଟାଉନ ହଲ ଠାରେ ଅନୁଷ୍ଠିତ ହୋଇଥିଲା। ଟ୍ରଷ୍ଟର ପ୍ରତିଷ୍ଠାତା ଡକ୍ଟର ବିବେକାନନ୍ଦ କୁମାର ଙ୍କ ଆହ୍ୱାନରେ ଉକ୍ତ ସେମିନାର ଆୟୋଜିତ ହୋଇଥିଲା।ଏହି ସେମିନାର ରେ ମୂଖ୍ୟ ପୁରୋଧା ହେମନ୍ତ କୁମାର ମେହେର ଓଡ଼ିଶା ରାଜ୍ୟ ପ୍ରଭାରୀ, ସୁବର୍ଣ୍ଣପୁର ଜିଲ୍ଲା ର ଜିଲ୍ଲା ପ୍ରଭାରୀ ଶେଷଦେବ ପଟ୍ଟନାୟକ,ଓ ଦୁଃଖିରାମ ନାଏକ, ବଲାଙ୍ଗୀର ଜିଲ୍ଲାର ଜିଲ୍ଲା ପ୍ରଭାରୀ ରାଜକିଶୋର ଝାଙ୍କର ଓ କ୍ଷେତ୍ରବାସୀ ମଲ୍ଲିକ, ବୌଦ୍ଧ ଜିଲ୍ଲାର ଜିଲ୍ଲା ପ୍ରଭାରୀ ବିକାଶ କୁମାର ସାହୁ, ସମ୍ବଲପୁର ଜିଲ୍ଲା ପ୍ରଭାରୀ ପଦ୍ମିନୀ ଭୋଇ ଙ୍କ  ସହଯୋଗ ରେ ଏହି ସେମିନାର ଟି ସଫଳ ହୋଇଥିଲା। ଅଭିନନ୍ଦନ ଟ୍ରଷ୍ଟର ଜନ୍ମ ବିହାର ରାଜ୍ୟର ପାଟନା ମାଟିରେ ୯/୯/୨୦୨୩ ରେ କେନ୍ଦ୍ର ସରକାରଙ୍କର ଟ୍ରଷ୍ଟ ଅଧିନିୟମ ୧୮୮୨ରେ ଅନୁବନ୍ଧିତ ହୋଇଥିଲା।ଏହାର ମୂଖ୍ୟ ଚିନ୍ତାଧାରା ଗୋଟିଏ ଦୀପରୁ ଅନେକ ଦୀପ ପ୍ରଜ୍ବଳନ କରିବା ଓ ଅବହେଳିତ ଓ ଅସହାୟ ନିଷ୍ପେସିତ ମାନଙ୍କର ମୁଣ୍ଡରେ ଥିବା ବୋଝକୁ ହାଲୁକା କରିବା। ଏହି ଟ୍ରଷ୍ଟର ପ୍ରକୃତ ସଂଜ୍ଞା ବିଶ୍ବାସ ଓ ସେବା। ଅଭିନନ୍ଦନ ଟ୍ରଷ୍ଟ ୧୨ଗୋଟି ଯୋଜନା ହାତ କୁ ନେଇଛି, ଯଥା - ଶିକ୍ଷା ଯୋଜନା, ବିବାହ ଉପହାର ଯୋଜନା, ସୁକନ୍ୟା ଉପହାର ଯୋଜନା, ବୃଦ୍ଧ ସେବା ଯୋଜନା, ବାହନ ଯୋଜନା, ସ୍ଵାସ୍ଥ୍ୟ ଯାଞ୍ଚ ଯୋଜନା, ଜରୁରୀକାଳୀନ ସେବା ଯୋଜନା , ବିନିଯୋଗ ଯୋଜନା, ଋଣଛାଡ଼ ଯୋଜନା,ଆବାସ ଯୋଜନା, ଆୟୁର୍ବେଦ ଯୋଜନା, ସମର୍ପଣ ସହଯୋଗ ଯୋଜନା  ମାଧ୍ୟମରେ ଲୋକ ଙ୍କୁ ସେବା ଯୋଗାଇବା ପାଇଁ ଅନୁବନ୍ଧିତ ହୋଇଅଛି । ଓଡ଼ିଶା ପ୍ରଗତି ରଥକୁ  ସାଫଲ୍ୟମଣ୍ଡିତ କରିବାପାଇଁ ପଶ୍ଚିମ ଓଡିଶାର ସମସ୍ତ ଜିଲ୍ଲା, ବ୍ଲକ, ପଞ୍ଚାୟତ, ତଥା ୱ।ଡରେ କାର୍ଯ୍ୟରତ ୭୦୦ ସଂଯୋଜକ ଏହି ସେମିନାର ରେ ସାମିଲ ହୋଇଥିଲେ। ପରିଶେଷରେ ସାମ୍ବାଦିକ ସମ୍ମିଳନୀ ମାଧ୍ୟମରେ ଡକ୍ଟର ବିବେକାନନ୍ଦ କୁମାର ଘୋଷଣା କଲେ ଯେ ,  ଆପଣଙ୍କର ଏଭଳି ସହଯୋଗ ଓ ସମର୍ଥନ ମିଳିଲେ  ୨୦୨୬ସୁଦ୍ଧା ଓଡ଼ିଶାର ସୁବର୍ଣ୍ଣପୁର ଜିଲ୍ଲାରେ ଅଭିନନ୍ଦନ ଟ୍ରଷ୍ଟର ଏକ ଚିକିତ୍ସାଳୟ ସ୍ଥାପନ କରି ଏହି ଜିଲ୍ଲା ତଥା ଓଡ଼ିଶା ପ୍ରଗତିର ସୂର୍ଯ୍ୟୋଦୟ ଆରମ୍ଭ ହେବ ବୋଲି କହିଥିଲେ l