18-Oct-2025

ବରପାଲି -(ସୁଦାମ ଦୀପ)  ବରଗଡ ଜ଼ିଲ୍ଲା ବରପାଲି ବ୍ଳକ ଅନ୍ତର୍ଗତ ଉମା ମାହେଶ୍ୱରୀ ଉଚ୍ଚ ବିଦ୍ୟାଳୟ, ମହଦା ଠାରେ ୱେଟ ଲିଫ୍ଟିଙ୍ଗ ଆସୋସିଏସନ୍, ବରପାଲି ଦ୍ଵାରା ଏକ ଭାରୋତ୍ତଳନ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଅଛି । ଏହି ଶିବିରରେ ୱେଟ ଲିଫ୍ଟିଙ୍ଗ ଆସୋସିଏସନ୍, ବରପାଲି ର ସଭାପତି ତଥା ପ୍ରଶିକ୍ଷକ ଶ୍ରୀଯୁକ୍ତ ବିଜୁ ମେହେର, ସମ୍ପାଦକ ଶ୍ରୀଯୁକ୍ତ ବିରୋସନ ସାହୁ, ଉମା ମାହେଶ୍ୱରୀ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ଶ୍ରୀଯୁକ୍ତ କମଳାକାନ୍ତ ସିଂ ତଥା ବିଦ୍ୟାଳୟ ର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରଛାତ୍ରୀ ଉପସ୍ଥିତ ଥିଲେ । ୱେଟ ଲିଫ୍ଟିଙ୍ଗ ଆସୋସିଏସନ୍ ର ଅନେକ ପ୍ରଶିକ୍ଷାର୍ଥୀ ମାନେ ମଧ୍ୟ ସାଙ୍ଗରେ ଆସିଥିଲେ ଓ ତାଙ୍କ ବିଭିନ୍ନ ବର୍ଗର ଭାରୋତ୍ତଳନ କରିଥିଲେ । ବିଗତ ଦିନରେ ବରଗଡ଼ ଠାରେ ହୋଇଥିବା ପଶ୍ଚିମ ଓଡ଼ିଶା ୱେଟ ଲିଫ୍ଟିଙ୍ଗ ଆସୋସିଏସନ୍ ପକ୍ଷରୁ ଆୟୋଜିତ ହୋଇଥିବା ପ୍ରତିଯୋଗିତାରେ ଦ୍ବିତୀୟ ସ୍ଥାନ ଅଧିକାର କରିଥିବା ୱେଟ ଲିଫ୍ଟିଙ୍ଗ ଆସୋସିଏସନ୍, ବରପାଲି ର ଶ୍ରୀ ଗୌତମ ମିର୍ଦ୍ଧା ଙ୍କୁ ସମ୍ବର୍ଦ୍ଧିତ କରାଯାଇଥିଲା । ୱେଟ ଲିଫ୍ଟିଙ୍ଗ ଆସୋସିଏସନ୍, ବରପାଲି ର ସମ୍ପାଦକ ଶ୍ରୀଯୁକ୍ତ ବିରୋସନ ସାହୁ ଭାରୋତ୍ତଳନ ର ତାଳିମ ଛାତ୍ରଛାତ୍ରୀ ମାନଙ୍କୁ ଆସୋସିଏସନ୍ ଦ୍ଵାରା ବିନା ଖର୍ଚ୍ଚରେ ମିଳିପାରିବ ବୋଲି ପ୍ରକାଶ କରିଥିଲେ ।