18-Oct-2025

କଟକ (ପ୍ରେରଣା ଖବର): ସାଂପ୍ରତିକ ପରିସ୍ଥିତିରେ ପାରିବାରିକ ହିଂସା ଓ ଉତ୍ତମ ବୁଝାମଣା ଅଭାବରୁ ପରିବାର ଗୁଡ଼ିକ ଧୀରେ ଧୀରେ ଭାଙ୍ଗିବା ଦ୍ବାରା ଅନେକ ଛୋଟଛୋଟ ଶିଶୁ ଏହି ହିଂସାର ଶିକାର  ହେଉଛନ୍ତି। ଫଳରେ ପରିବାର ଭିତରେ ସ୍ନେହ ପ୍ରେମ ଶ୍ରଦ୍ଧା ଭଲପାଇବା କମିବାରେ ଲାଗୁଛି। ଏହି ସମସ୍ୟା କୁ ଦୃଷ୍ଟିରେ ରଖି ଓଡ଼ିଶା ନାରୀ ସେବା ସଙ୍ଘ ପକ୍ଷରୁ କଟକ ସେଲଟର ଛକ ନିକଟସ୍ଥ ଗୋପବନ୍ଧୁ ସାହିରେ ଏକ ସୁସ୍ଥ ପରିବାର ଗଠନ ସଚେତନତା କାର୍ଯକ୍ରମ ସଂଘର ହଲ୍ ସମ୍ପାଦିକା ମଞ୍ଜୁ ସିଂହ ଓ ସଙ୍ଗଠନ ସମ୍ପାଦିକା ସାହିତ୍ୟିକl ମୀରା ବେଉରା ଙ୍କ ନେତୃତ୍ୱ ରେ  ଅନୁଷ୍ଠିତ ହୋଇଯାଇଛି। ଆଜିର ମହିଳାମାନେ  ଆତ୍ମବିଶ୍ବାସ ର ସହ  ପରିବାର ର ସଦସ୍ୟ ମାନଙ୍କୁ ସ୍ନେହ,ପ୍ରେମ,ଶ୍ରଦ୍ଧା ଓ ଭଲପାଇବା ବlଣ୍ଟି ସେମାନଙ୍କ ଭିତରେ ସୁସମ୍ପର୍କ ରଖି ସମସ୍ତଙ୍କର ସ୍ବାସ୍ଥ୍ୟ ର ଯତ୍ନ ନେବେ ଓ  ବିଶେଷ

କରି ପିଲା ମାନଙ୍କର  ମୌଳିକ ଆବଶ୍ୟକା କୁ ପୁରଣ କରିବେ ସେ ସମ୍ପର୍କରେ ସଙ୍ଘ ର  ସଙ୍ଗଠନ ସମ୍ପl ଦିକା ମୀରା ବେଉରା  ଆଲୋଚନା କରିଥଲେ। ନାରୀ ସଂଘର  ପରିବାର ପରାମର୍ଶ କେନ୍ଦ୍ର ର ମୂଖ୍ୟ କାଉନସିଲର ସରୋଜିନୀ ଓଝା ଯୋଗଦେଇ ମହିଳା ମାନେ ପାରିବାରିକ ସମସ୍ୟାକୁ କିଭଳି  ନାରୀ ସେବା ସଦନ କୁ ଆସି  କେଶ୍ କୁ ପଞ୍ଜୀକୃତ କରିବେ ବୁଝାଇ ଥିଲେ। ଅନ୍ୟତମ କାଉନସିଲର ସୂପର୍ଣ୍ଣl ବେହେରା ଅ ଅମ୍ବିକା ରାଣୀ ପଲାଇ  ଏହି ସଚେତନତା କାର୍ଯକ୍ରମକୁ ପରିଚାଳନା କରିଥିଲେ।