10-Oct-2025

ଆଗଳପୁର, (ବିନୋଦ ଦୀପ) ଆଜି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ କାର୍ଯ୍ୟାଳୟ ରେ ଆନ୍ତର୍ଜାତୀୟ ବରିଷ୍ଠ ନାଗରିକ ଦିବସ ପାଳିତ ହୋଇଯାଇଛି। ଆଜିର ଏହି ବରିଷ୍ଠ ନାଗରିକ ଦିବସ ପାଳନ ଅବସରରେ ପରିବର୍ତ୍ତନଶୀଳ ବିଶ୍ୱରେ ବୃଦ୍ଧ ବ୍ୟକ୍ତି ମାନଙ୍କର ନମଣୀୟତା ଶୀର୍ଷକ ଏକ ପ୍ରସଙ୍ଗ ଉପରେ ଆଲୋଚନା ହୋଇଥିଲା l

ଏହି ନାଗରିକ ଦିବସ ଅବସରରେ ଛାତ୍ର ଛାତ୍ରୀ ମାନଙ୍କୁ ନେଇ ବିଭିନ୍ନ ପ୍ରତିଯୋଗିତା ମାନ ଅନୁଷ୍ଠିତ ହୋଇଥିଲା। ବିଶେଷ କରି ଗଳ୍ପ ଲିଖନ ପ୍ରତିଯୋଗିତା ହେବାସହ ଏକ ଆଲୋଚନା ମଧ୍ୟ ଅନୁଷ୍ଠିତ ହୋଇଥିଲା l ଏଥିରେ ମୁଖ୍ୟ ଅତିଥି ଭାବରେ ଆଗଲପୁର ବ୍ଲକ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ୍ ଯୋଗ ଦେଇଥିଲେ। ସମ୍ବାନିତ ଅତିଥି ଭାବରେ ବ୍ଲକ୍ ଉପାଧ୍ୟକ୍ଷା ଶ୍ରୀମତୀ ନିରୁପମା ପଧାନ୍, ବ୍ଲକ୍ ଶିକ୍ଷା ଅଧିକାରୀ ଶ୍ରୀ ଶ୍ୟାମ ମେହେର,  ବ୍ଲକ୍ ଶିଶୁ ବିକାଶ ପ୍ରକଳ୍ପ ଅଧିକାରୀ ଶ୍ରୀମତୀ ଶୁଭଶ୍ରୀ ମିଶ୍ର,ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ରୁଦ୍ର ପ୍ରତାପ ସୁନା, ସ୍ୱାସ୍ଥ୍ୟମନ୍ତ୍ରୀ ଙ୍କ ପ୍ରତିନିଧି ଭାବରେ ଶ୍ରୀ ରୀଙ୍କୁ ସାହୁ ଉପସ୍ଥିତ ଥିଲେ। ତା ସହିତ ବହୁ ଛାତ୍ର ଛାତ୍ରୀ, ଶିକ୍ଷକ ଶିକ୍ଷୟିତ୍ରୀ, ଅଭିଭାବକ ଉପସ୍ଥିତ ଥିଲେ l ଏ ପି ଓ ମେଡ଼ମ୍ ମିସ ଜଗତ ଜିତା ସେଠୀ ସଭା ପରିଚାଳନା କରିଥିଲେ l କୃତି ଛାତ୍ରଛାତ୍ରୀ ଙ୍କୁ ମାନପତ୍ର ଦେଇ ପୁରସ୍କୃତ କରା ଯାଇଥିଲା l ଆଜିର ଏହି ବରିଷ୍ଠ ନାଗରିକ ଦିବସ ଅବସରରେ ଆସିଥିବା ସମସ୍ତ ଅତିଥି ମାନେ ପ୍ରସଙ୍ଗ ଉପରେ ବହୁ ସୁନ୍ଦର ଭାବରେ ବୁଝାଇଥିଲେ l