10-Oct-2025

କଣ୍ଟାମାଳ(ଜୟ କୁମାର ମହାରଣା): ଓଡିଶା ରାଜ୍ୟ ବେସରକାରୀ ଅଧ୍ୟାପକ ଓ କର୍ମଚାରୀ ସଂଘର ବୌଦ୍ଧ ଜିଲ୍ଲା ଶାଖା ସଂଯୋଜକ ଅଧ୍ୟାପକ ସୁବାସ ବାରିକ ଙ୍କ ଆବାହକତ୍ୱରେ ଗୁରୁବାର ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି  l   ୨୦୦୮ରୁ ୨୦୧୮ପର୍ଯ୍ୟନ୍ତ ରାଜ୍ୟରେ ଥିବା ସମସ୍ତ ଅନୁଦାନ ଓ ଅଣ ଅନୁଦାନ ପ୍ରାପ୍ତ ମହାବିଦ୍ୟାଳୟ ଗୁଡିକୁ ଅନୁଦାନ ପରିସର ଭୁକ୍ତ କରିବା ପାଇଁ ସରକାରଙ୍କ ଟାଳଟୁଳ ନୀତି କୁ ନେଇ ସଂଘ କଠୋର ନିଷ୍ପତ୍ତି ନେଇଛି  l  ସରକାର ଯଥା ଶୀଘ୍ର ନିର୍ଦ୍ଧାରିତ ସମୟ ମଧ୍ୟରେ ନୂତନ ଅନୁଦାନ ନୀତି ସମ୍ପର୍କରେ ସଂଘ ସହିତ ଆଲୋଚନା ମାଧ୍ୟମରେ ସମାଧାନ ନିମନ୍ତେ ତୁରନ୍ତ ପକ୍ଷେପ ନ ନେଲେ ସଂଘ ପୁନର୍ବାର ଆନ୍ଦୋଳନକୁ ଓହ୍ଲାଇବ  ବୋଲି ନେଇଥିବା ନିଷ୍ପତ୍ତି ସମ୍ପର୍କରେ ଜିଲ୍ଲା ସଂଯୋଜକ ଶ୍ରୀ ବାରିକ ପ୍ରେସ ବିବୃତ୍ତି ଜରିଆରେ ଗଣମାଧ୍ୟମକୁ ସୂଚନା ଦେଇଛନ୍ତି  l ପ୍ରକାଶ ଥାଉକି ଶିକ୍ଷକ ମାନଙ୍କ ଆନ୍ଦୋଳନ ଗତ ଅଗଷ୍ଟ ୧୬ତାରିଖ ଦାବି ଦିବସରୁ କାର୍ଯ୍ୟ ବନ୍ଦ ଆନ୍ଦୋଳନ ଦୀର୍ଘ ୩୨ଦିନ କରାଯାଇଥିଲା ଓ ଲୋୟର ପିଏମଜୀ ଭୁବନେଶ୍ୱର ଠାରେ ସେପ୍ଟେମ୍ବର ୧୮ତାରିଖ ଦିନ ନୂତନ ଅନୁଦାନ ନୀତି ୨୦୦୮ରୁ

୨୦୧୮କୁ କାର୍ଯ୍ୟକାରୀ କରିବା ତଥା ସମସ୍ତ ଅନୁଦାନ ଓ ଅଣ ଅନୁଦାନ ପ୍ରାପ୍ତ ମହାବିଦ୍ୟାଳୟ ଗୁଡିକୁ ଅନୁଦାନ ପରିସର ଭୁକ୍ତ ଦାବିରେ ଆନ୍ଦୋଳନକୁ ଓହ୍ଲାଇଥିଲା  l  ଦାବିକୁ ଦୋହରାଇ ୧୯ତାରିଖ ଦିନ ସଂଘର ସଭାପତି ବିଶ୍ୱରଂଜନ ଦାଶ ଆମରଣ ଅନଶନ ରେ ବସିଥିଲେ  l  ଏଥିରେ ସରକାର ଙ୍କ ନିର୍ଦେଶ କ୍ରମେ ଏକାମ୍ର ବିଧାୟକ ବାବୁ ସିଂ, ପିପିଲି ବିଧାୟକ ଆଶ୍ରିତ ପଟ୍ଟନାୟକ ଓ ଉଚ୍ଚ ଶିକ୍ଷା ବିଭାଗର ନିର୍ଦେଶକ ପ୍ରମୁଖ  ସଂଘର ପ୍ରତିନିଧି ମାନଙ୍କ ସହିତ ଏକ ଆଲୋଚନା ହୋଇଥିଲା   l   ଅକ୍ଟୋବର ୧୦ରୁ ୨୦ତାରିଖ ମଧ୍ୟରେ ମାନ୍ୟବର ଉଚ୍ଚଶିକ୍ଷା ମନ୍ତ୍ରୀ ଏନେଇ ସଂଘ ସହିତ ଆଲୋଚନା ନେଇ ଲିଖିତ ଆକାରେ ମଧ୍ୟ ଦିଆଯାଇଥିଲା l ଏହି ବିବୃତିରେ ଅନ୍ୟମାନଙ୍କ ମଧ୍ୟରେ ଅଧ୍ୟାପକ ସୁନୀଲ ଗୁରୁ, ସଂଯୋଜକ ମହାବିଦ୍ୟାଳସ୍ତରୀୟ ଅଧ୍ୟାପକ ଟଙ୍କଧର କମ୍ପ, ଅଧ୍ୟାପିକା ମଧୁସ୍ମିତା ଭୋଇ, ଗୀତା ରଣା, ସଙ୍ଗୀତା ଭୋଇ ପ୍ରମୁଖ ଉପସ୍ଥିତ ଥିଲେ l