09-Oct-2025

ଲୋଇସିଂହା, (ବିନୋଦ ଦୀପ) ଆଜି ଲୋଇସିଂହା  ବ୍ଲକ ସଭା ଗୃହରେ ବିଏଲସି ମୋନାଲିସା ମହାନ୍ତି ଙ୍କ ତତ୍ୱାବଧାନ ରେ ପଂଚାୟତ ସ୍ତରୀୟ ଏକ ଦିବସୀୟ ବାଲ୍ୟ ବିବାହ ନିଷେଧ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l କାର୍ଯ୍ୟକ୍ରମ ରେ ଯୋଗ ଦେଇଥିଲେ ବିଡ଼ିଓ ଅକ୍ଷୟପାଣି ଉଡ୍ଡୁ, ଏବିଡ଼ିଓ କିଶୋରଚନ୍ଦ୍ର ମାନସିଂହ ଯୋଗ ଦେଇଥିଲେ l ଆଜିର କାର୍ଯ୍ୟକ୍ରମ ରେ ୧୮ ବର୍ଷ ରୁ କମ ବାଲ୍ୟବିବାହ ରୋକିବା ପାଇଁ ସରକାର ଙ୍କ ତରଫରୁ ଅନେକ ପଦକ୍ଷେପ ନିଆଗଲେ ସୁଦ୍ଧା କେତେକାଂଶ ରେ ବିଫଳ ମଧ୍ୟ ହେବାକୁ ପଡୁଛି l ଏହାର କାରଣ ଲୋକଙ୍କ ଜ୍ଞାନ ର ଅଭାବ l ବିଶେଷ କରି ଗାଁ ଗୁଡ଼ିକରେ ଏହାର ପ୍ରଭାବ ଦେଖିବାକୁ ମିଳିଥାଏ l ବାଲ୍ୟବିବାହ ହେବାଦ୍ବାରା ଶରୀର ରେ ଏହାର କୁ ପ୍ରଭାବ ଦେଖାଯାଏ l ଯଦି ଜଣେ ନାବାଳିକା ସନ୍ତାନ ଟିଏ ଜନ୍ମଦିଏ ଶିଶୁ ଓ ମା ଶରୀର  ଦୁର୍ବଳ ହେବାରେ ଲାଗିଥାଏ l ଏହା ଫଳରେ ବିଭିନ୍ନ ରୋଗ ର ଶିକାର ମା କୁ ଭୋଗିବାକୁ ପଡିଥାଏ l ଏଣୁ ବାଲ୍ୟବିବାହ ରୋକିବା ପାଇଁ ଲୋକଙ୍କୁ ସଚେତନ କରାଇବା ପ୍ରତ୍ୟେକ ବ୍ୟକ୍ତି ଙ୍କ କର୍ତ୍ତବ୍ୟ ବୋଲି ଆଜିର କାର୍ଯ୍ୟକ୍ରମ ରେ ଆଲୋଚନା ହୋଇଥିଲା l ଉକ୍ତ କାର୍ଯ୍ୟକ୍ରମ ରେ ବ୍ଲକ ର ସମସ୍ତ ସରପଞ୍ଚ, ପିଇଓ, ଏଏନଏମ, ଆଶା, ଅଙ୍ଗନବାଡି କର୍ମୀ ଉପସ୍ଥିତ ଥିଲେ l