09-Oct-2025

ବଲାଙ୍ଗୀର- ଆଜିଠାରୁ ବିଜୁଜନତାଦଳର ଜନସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି । ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ନିର୍ଦ୍ଦେଶରେ ଉତ୍କଳମଣି ଗୋପବନ୍ଧୁ ଦାସଙ୍କ ଜୟନ୍ତୀରୁ ବିଜେଡି ଦଳର ପଦଯାତ୍ରା ଆରମ୍ଭ କରାଯାଇଛି । ସେହିକ୍ରମରେ ବଲାଙ୍ଗୀର ନିର୍ବାଚନମଣ୍ଡଳୀର ଦେଓଗାଁ ବ୍ଲକର ସିକୁଆଁରୁ ଏହି ପଦଯାତ୍ରାର ଶୁଭାରମ୍ଭ କରାଯାଇଛି। ସିକୁଆଁର ଐତିହ୍ୟପୀଠ ପୁରାତନ ଶିବମନ୍ଦିରଠାରୁ ଏହି ପଦଯାତ୍ରାକୁ ଆରମ୍ଭ କରାଯାଇଥିଲା ଓ ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂଦେଓଙ୍କ ନିର୍ଦ୍ଦେଶରେ ବଲାଙ୍ଗୀର ପୌରାଧ୍ୟକ୍ଷା ଲିକା ସାହୁ ଏହାକୁ ଉଦଘାଟନ କରିଥିଲେ । ଦେଓଗାଁ ବିଜେଡି ବ୍ଲକ ସଭାପତି ସୁଶୀଳ କୁମାର ଚାନ୍ଦଙ୍କ ନେତୃତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଜେଡିର ବରିଷ୍ଠନେତା ତଥା ପୂର୍ବତନ ବିଡିସିସି ସଭାପତି ଲକ୍ଷ୍ମଣ କୁମାର ମେହେର, ବରିଷ୍ଠ ନେତା ଉମାଶଙ୍କର ସିଂ, ଗୋପାଳଚନ୍ଦ୍ର ମିଶ୍ର, ଦେଓଗାଁ ବ୍ଲକ 

ଅଧ୍ୟକ୍ଷ ଦୟାନିଧି ଖମାରୀ, ଜିଲ୍ଲାପରିଷଦ ସଭ୍ୟା ମମତା କୁମୁରା, ସୁମତୀ ସେଠ, ଅନ୍ତର୍ଯ୍ୟାମୀ ଭୋଇ,ଜିଲ୍ଲା ସାମାଜିକ ଗଣମାଧ୍ୟମ ସଂଯୋଜକ ବିଭୁତିଭୂଷଣ ମିଶ୍ର, ସମିତି ସଭ୍ୟ ଅଭିମନ୍ୟୁ ମାଝୀ, ଦୀପକ ବେହେରା,କବି ସାହୁ, ବଲାଙ୍ଗୀର ପୌରପାଳିକାର କାଉନସିଲର ଗଙ୍ଗାଧର ଚାନ୍ଦ, ଲାଲୁ ପଟ୍ଟନାୟକ, ଶତୃଘ୍ନ ନାଗ ପ୍ରମୁଖଙ୍କ ସହ ଶତାଧିକ ପୁରୁଷ/ମହିଳା କର୍ମୀ ସାମିଲ ଥିଲେ । ଏହି ପଦଯାତ୍ରା ସିକିଆଁ, ସିଲେଟ କାନୀ ଓ ବଡବନ୍ଧକୁ ଯାଇଥିଲା । ନବୀନ ପଟ୍ଟନାୟକ ସରକାର ଅମଳରେ କରାଯାଇଥିବା ବିକାଶମୂଳକ କାମ ଉପରେ ନେତାଗଣ ଜନସାଧାରଣଙ୍କୁ ଅବଗତ କରାଇଥିଲେ । ଶେଷରେ ବଡବନ୍ଧ ଜଗନ୍ନାଥ ମନ୍ଦିର ପ୍ରାଙ୍ଗଣରେ ଏକ ସାଧାରଣ ସଭା କରାଯାଇଥିଲା ।