21-Sep-2025

ସିନାପାଲି(ପରମେଶ୍ୱର ମେହେର) ରାଜ୍ୟ ତଥା ନୂଆପଡା ଜିଲ୍ଲାରେ ଗଂଜେଇ ଚୋରାଚାଲାଣ କମିବାର ନାଁ ନେଉନାହିଁ । ଜିଲ୍ଲା ପ୍ରଶାସନ ତରଫରୁ ସଂସ୍କାର ଓ ରାଜ୍ୟ ଅବକାରୀ ବିଭାଗ ପ୍ରଶାସନ ତରଫରୁ ଅପରେସନ ପ୍ରହାର ଆରମ୍ଭ କରାଯାଇଛି । ରାଜ୍ୟ ଓ ଜିଲ୍ଲାରେ ନିଶା କାରବାର ବହୁ ମାତ୍ରାରେ ଚାଲିଛି ଓ ଏହାକୁ ନିୟନ୍ତ୍ରଣ କରିବା ପାଇଁ ଏହି ୨ଟି କାର୍ଯ୍ୟକ୍ରମ ଜାରି ରହିଛି । ଏହି ପରିପ୍ରେକ୍ଷୀରେ ଆଜି ଏକ ମାମଲା ରୁଜୁ ହୋଇଛି। ବୋଡେ଼ନ ବ୍ଲକ ଖଇରା ଓ ପଲସଦା ରୋଡ଼ ନିକଟସ୍ଥ ପଲସଦା ବ୍ରିଜ ନିକଟରେ ବେଆଇନ ୧୫ କେଜି ଗଂଜେଇ ଚାଲାଣ କରୁଥିବା ଦୁଇ ଜଣ ବ୍ୟକ୍ତି ଗିରଫ ହୋଇଛନ୍ତି। ସେମାନେ ହେଲେ ଶୁଭମ ପଟେଲ(୨୭) ଏବଂ ଉଦୟ କୁଶୱା(୨୦)। ସେମାନଙ୍କ ଘର ଜବଲପୁର। ଓଆଇସି ସିନାପାଲି ଅବକାରୀ ସିଦ୍ଧାନ୍ତ ପାତ୍ର ଓ ତାଙ୍କ ସହଯୋଗୀ ଅବକାରୀ କର୍ମଚାରୀଙ୍କ ଦ୍ୱାରା ପିଆର ନମ୍ବର ୧୭୪/୨୫୨୬ ଅବକାରୀ ଥାନା ସିନାପାଲି ୟୁ ଏସ ୨୦(ବି )(୨)ବି ର ଏନଡିପିଏସ ଆକ୍ଟ ୧୯୮୫ ଅନୁସାରେ ସେମାନଙ୍କ ବିରୋଧରେ ମାମଲା ରୁଜୁ କରାଯାଇଛି। ଏହି ଦୁଇ ଜଣ ଦୋଷୀଙ୍କୁ ମାନ୍ୟବର କୋର୍ଟ ନୂଆପଡାକୁ ପଠାଇଛନ୍ତି ।