13-Sep-2025

ବଲାଙ୍ଗୀର(ପ୍ରେରଣା ଖବର): ସେପ୍ଟେମ୍ବର ୧୦ ରୁ ୧୫ ତାରିଖ ପର୍ଯ୍ୟନ୍ତ ୫ ଦିନ ଧରି ସୁଦୂର ଦୁବେଇ ଠାରେ ଆନ୍ତର୍ଜାତୀୟ ସ୍ତରରେ ଅନୁଷ୍ଠିତ ଭାରତ ସଂସ୍କୃତି ଯାତ୍ରାରେ ଓଡ଼ିଶୀ ନୃତ୍ୟ ପରିବେଷଣ କରି ନିଜର କମାଲ୍ ଦେଖାଇଛନ୍ତି  ବଲାଙ୍ଗୀରର ଝିଅ ପ୍ରିୟଂଶା  ।  ସୋଲୋ  ଓଡ଼ିଶୀ ଡେନ୍ସ ଓ ସୋଲୋ ଫୋକ୍ ଡେନ୍ସ ରେ ନିଜର କଳାଚାତୁର୍ଯ୍ୟ ପ୍ରଦର୍ଶନ କରି ପ୍ରିୟଂଶା ଆନ୍ତର୍ଜାତୀୟ ସ୍ତରରେ ପ୍ରଥମ ସ୍ଥାନ ଅଧିକାର କରି ବଲାଙ୍ଗୀର ର  ନାଁ କୁ ଉଜ୍ୱଳ କରିପାରିଛନ୍ତି  l ଦୁବାଇ ପାଇଁ ଭାରତର ହାଇକମିଶନର ଏହି ଉତ୍ସବରେ ମୁଖ୍ୟ ଅତିଥି ଭାବରେ ଯୋଗ ଦେଇ  ପ୍ରିୟଂଶା ଙ୍କୁ ଏହି ପୁରସ୍କାର ପ୍ରଦାନ କରିଛନ୍ତି l ବଲାଙ୍ଗୀର ସହର ଉଦୟ ନଗର ନିବସୀ ଉତ୍କଳ କୁମାର ସାହୁ ଓ ମାତା ଦିପୀକା ସାହୁଙ୍କ ଝିଅ ପ୍ରିୟଂଶା ବଲାଙ୍ଗୀର ସି ଏନ୍ ସି କଲେଜର ବାଣିଜ୍ଯ ବିଭାଗର ଜଣେ ମେଧାବୀ ଛାତ୍ରୀ ହୋଇଥିବା ବେଳେ କଲେଜର ବିଭିନ୍ନ ଇଭେଣ୍ଟ ମ୍ୟାନେଜମେଣ୍ଟ ରେ ସେ  ନିଜର ଦକ୍ଷତା ପ୍ରତିପାଦନ କରିଛନ୍ତି  l  ଏଥିସହ ପ୍ରିୟଂଶା ଭୁବନେଶ୍ୱରର ରବିନ୍ଦ୍ର ମଣ୍ଡପ, ଭଂଜ କଳା ମଣ୍ଡପ, ପୁରୀ ସମେତ ଲକ୍ଷ୍ନୋ ଓ ଆସାମର ଦିବୃଗଡ଼ରେ ମଧ୍ୟ ଓଡ଼ିଶୀ ନୃତ୍ୟ ପରିବେଷଣ କରି ପ୍ରଶଂସାଭାଜନ ହୋଇପାରିଛନ୍ତି l ଆନ୍ତର୍ଜାତୀୟ ସ୍ତରରେ ପ୍ରିୟଂଶା ଙ୍କ ଏହି କୃତିତ୍ଵ ପାଇଁ ତାଙ୍କୁ ବଲାଙ୍ଗୀର ସି ଏନ୍ ସି କଲେଜ ର ନିର୍ଦ୍ଦେଶକ ଆଶୁତୋଷ ପୁରୋହିତ ଅଭିନନ୍ଦନ ଜଣାଇବା ସହ ତାଙ୍କର ଉତ୍ତରୋତ୍ତର ଉନ୍ନତି କାମନା କରିଛନ୍ତି l