02-Sep-2025

ଡୁଙ୍ଗୁରିପାଲି(ଅରବିନ୍ଦ ମିଶ୍ର): ସୋନପୁର  ଜିଲ୍ଲା  ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ବନ୍ଧପାଲି ଗ୍ରାମର ଶ୍ରୀପତି ମହଲl(୫୦) ଗତ କାଲିରୁ ନିଖୋଜ ଥିଲେ । ତାଙ୍କର ସାଇକେଲ ଧର୍ମଦାଣ୍ଡି ନାଳ ପୋଲ ଉପରେ ରହିଥ‌ିବାରୁ ନାଳରେ ଭାସିଯାଇଥୁବା ସନ୍ଦେହ କରିଥିଲେ । ପରିବାର ଲୋକେ ଖୋଜାଖୋଜି କରିବା ସହ ଡୁଙ୍ଗୁରିପାଲି ଅଗ୍ନିଶମ ବିଭାଗକୁ ଖବର ଦିଆଯାଇଥିଲା । ଡୁଙ୍ଗୁରିପାଲି ପୁଲିସ ଘଟଣା ସ୍ଥଳରେ ପହଂଚି ଥିବାବେଳେ ଅଗ୍ନିଶମ ବିଭାଗ ମଧ୍ୟ ସଂଧ୍ୟା ପର୍ଯ୍ୟନ୍ତ ଖୋଜାଖୋଜି କରିଥିଲେ ମଧ୍ୟ କୌଣସି ପତା ମିଳିନଥିଲା । ଆଜି ସକାଳେ ତାଙ୍କ ଜମି ନିକଟସୁ ଏକ ଆମ୍ବ ଗଛରେ ବେକରେ ଗୀମୁଛା ବନ୍ଧା ଅବସ୍ଥାରେ ଝୁଲୁଥିବା ଲୋକେ ଦେଖିବାକୁ ପାଇଥିଲେ । ଅଗ୍ନିଶମ ବିଭାଗ ପହଂଚି ଗଛରୁ ମୃତ ଦେହକୁ ଉଦ୍ଧାର କରି ଥିଲେ । ଘଟଣାକୁ ନେଇ ମୃତକର ଭାଇ ଦୋଳଗୋବିନ୍ଦ ମହଲା ଥାନାରେ ଜଣାଇଥିଲେ । ଡୁଙ୍ଗୁରିପାଲି ପୁଲିସ ଶବ ଜବଦ କରି ୮/ ୨୦୨୫ରେ ଏକ ଅପମୃତ୍ୟୁ ମାମଲା ଋଜୁ କରି ଶବ ବ୍ୟବଚ୍ଛେଦ ପାଇଁ ବିନିକା ପଠାଇଛନ୍ତି । ମୃତ୍ୟୁର କାରଣ ନେଇ ପୁଲିସ ତଦନ୍ତ ଜାରି ରଖୁଛି ।