31-Aug-2025

ପୋଲର ଦୁଇ ପାର୍ଶ୍ୱରେ ଥିବା ସୁରକ୍ଷା ୱଲ ବନ୍ୟାଜଳରେ ଧୋଇ ହୋଇଯାଇଛି 

କାଲିମେଳା(ସନ୍ତୋଷ କୁମାର ପଣ୍ଡା)କାଲିମେଳା ଠାରୁ ମାଲକାନଗିରି ସଂଯୋଗ କରୁଥିବା ୩୨୬ ଜାତୀୟ ରାଜପଥର ପୋଟେରୁ ପୋଲ ଉପରେ ବିପଦପୂର୍ଣ୍ଣ ଯାତାୟାତ ନେଇ ଅଭିଯୋଗ ହୋଇଛି । ଚଳିତ ବର୍ଷାରେ ପୋଲ ଉପରେ ବନ୍ୟାଜଳ ପ୍ରବାହିତ ହୋଇ ଉପର ଅଂଶ ଧୋଇ ହୋଇ ଯାଇଛି । ଯାହାଫଳରେ ଉପର ଅଂଶ ଉଠିଯାଇ ଆବୁଡା ଖାବୁଡା ହୋଇ ଯାଇଛି । ଦୁଇଚକିଆ ଏବଂ ଚାରି ଚକିଆ ଯାନବାହନ ଠିକ୍ ଭାବେ ଯାଇପାରୁ ନାହିଁ । ନିକଟସ୍ଥ ଲୋକେ ଅନେକ ଖାଲୁଆ ସ୍ଥାନରେ ବାଲି ବସ୍ତା ରଖି ଯାତାୟାତ କରୁଛନ୍ତି । ପୋଲର ଦୁଇ ପାର୍ଶ୍ୱରେ ଥିବା ସୁରକ୍ଷା ୱ।ଲ ବନ୍ୟାଜଳରେ ଧୋଇ ହୋଇ ଯାଇଛି । ନିକଟରେ ବିଦ୍ୟାଳୟ ଥିବାରୁ ଛାତ୍ରଛାତ୍ରୀ ମାନେ ନିତ୍ୟ ଏହି ପୋଲ ଉପର ଦେଇ ଯିବାଆସିବା କରୁଛନ୍ତି । ଅସୁରକ୍ଷିତ ଏହି ପୋଲ  ଉପରେ ବିପଦପୂର୍ଣ୍ଣ ଯାତାୟାତକୁ ରୋକିବା ପାଇଁ ତୁରନ୍ତ ମରାମତି ର ଆବଶ୍ୟକତା ପଡୁ ଅଛି। ତେଣୁ ଏଥିପ୍ରତି ପ୍ରଶାସନ ଦୃଷ୍ଟି ଦେବାକୁ ନିବେଦନ କରାଯାଇଛି  ।