18-Jul-2025

କଣ୍ଟାବାଞ୍ଜି(ମୋହନ ସୁନା): ବାଲେଶ୍ୱର ଏଫଏମ କଲେଜର ପୀଡ଼ିତା ଛାତ୍ରୀଙ୍କ ପ୍ରତି ହୋଇଥିବା ଅନ୍ୟାୟ ତଥା ରାଜ୍ୟର ବିପର୍ଯ୍ୟସ୍ତ ଆଇନ ଶୃଙ୍ଖଳା ପରିସ୍ଥିତିର ପ୍ରତିବାଦରେ ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ନିର୍ବାଚନମଣ୍ଡଳୀ ବିଜୁ ଜନତା ଦଳ ପକ୍ଷରୁ ବଲାଙ୍ଗିର ଜିଲ୍ଲା ପୂର୍ବତନ ସ୍ବତନ୍ତ୍ର ଉନ୍ନୟନ ପରିଷଦ ଉପାଧ୍ୟକ୍ଷା ତଥା ବିଜେଡି ନେତ୍ରୀ ନିରୁପମା ମାଝି ଙ୍କ ନେତୃତ୍ବରେ ଶହଶହ ମହିଳା ଓ ପୁରୁଷ କଣ୍ଟାବାଞ୍ଜି ବିଜୁ ଜନତା କାର୍ଯ୍ୟାଳୟ ଠାରୁ ଏକ ବିରାଟ ଶୋଭାଯାତ୍ରା ବାହାରି କଣ୍ଟାବାଞ୍ଜି ସହରର ମୁଖ୍ଯ ସଡ଼କ ଦେଇ କଣ୍ଟାବାଞ୍ଜି ତହସିଲ କାର୍ଯ୍ଯାଳୟରେ ପହଞ୍ଚିଥିଲା। କଣ୍ଟାବାଞ୍ଜି ତହସିଲଦାରଙ୍କ ଜରିଆରେ ଓଡିଶାର ରାଜ୍ୟପାଳଙ୍କୁ ୮ ଦଫା ଦାବୀପତ୍ର ପ୍ରଦାନ କରାଯାଇଥିଲା। ତହସିଲ କାର୍ଯ୍ୟାଳୟ ସମ୍ମୁଖରେ ଅନୁଷ୍ଠିତ ପ୍ରତିବାଦ ସଭାରେ ମୁଖ୍ୟମନ୍ତ୍ରୀ ଓ ଉଚ୍ଚ ଶିକ୍ଷାମନ୍ତ୍ରୀଙ୍କ ଇସ୍ଥଫା ଦାବି କଲା ବିଜେଡି। ରାଜ୍ୟପାଳ ଙ୍କ ଉଦ୍ଦେଶ୍ୟ କଣ୍ଟାବାଞ୍ଜି ତହସିଲଦାରଙ୍କୁ ୮ ଦଫା ଦାବିପତ୍ର ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ବଲାଙ୍ଗିର ଜିଲ୍ଲା ପରିଷଦ ଉପାଧ୍ୟକ୍ଷା ମିଥିଲା ମାଝୀ,ବିଜୁ ମହିଳା ଜନତା ଦଳ ରାଜ୍ଯ ଉପ ସଭାନେତ୍ରୀ ଗୋପା ମହାନନ୍ଦ, ଜିଲ୍ଲା ସାଧାରଣ ସମ୍ପାଦିକା ପିଙ୍କି ଖର୍ସେଲ, ବିଜେଡି ନେତା ଗିରିରାଜ ସିଂମାଝୀ, ଆଶାଦୁଲା ଖାଁ, ତୁରେକେଲା ବ୍ଲକ ବିଜେଡି ସଭାପତି ଆଶାଦୁଲ ଖାନ, ଉପସଭାପତି ବିଶ୍ବନାଥ ସାହୁ, ବିଜେଡି ଜିଲ୍ଲା ସାଧାରଣ ସମ୍ପାଦକ ଦେବରାଜ ଯାଦବ, ପୁର୍ବତନ କଣ୍ଟାବାଞ୍ଜି ଏନଏସି ଉପାଧ୍ୟକ୍ଷ କିଶୋର ମଛଖଣ୍ଡ, ନଗର କାର୍ଯ୍ୟକାରୀ ସଭାପତି ଦେବାର ବାରିକ, ନଗର ଯୁବ ସଭାପତି ବିଷ୍ତୁ ଜୁଏଡ, ଜିଲ୍ଲା ଯୁବ ସମ୍ପାଦକ ଶାନ୍ତାନୁ ବିଭାର, କାଉନସିଲର ସୂର୍ଯ୍ୟ ପ୍ରତାପ ମିଶ୍ର, ବିଜେଡି ନେତା ଦୈତାରୀ ଭୋଇ,ସହ ଅନ୍ୟମାନେ ଉପସ୍ଥିତ ଥିଲେ।