13-Jul-2025

ବରପାଲି,( ସୁଦାମ ଦୀପ) ବରପାଲି ବ୍ଲକ ଅନ୍ତର୍ଗତ ସତଳମ ଆଞ୍ଚଳିକ ଉଚ୍ଚମାଧ୍ୟମିକ ବିଦ୍ୟାଳୟ ରେ ଜିଲ୍ଲା ପରିବେଶ ସଚେତନତା ସମିତି ବରଗଡ ପକ୍ଷରୁ ଓ କଲେଜର ଇକୋ କ୍ଲବ,ରେଡ୍କ୍ରସ ସହଯୋଗରେ  ବନମହୋତ୍ସଵ ଓ ବୃକ୍ଷରୋପଣ କାର୍ଯ୍ୟକ୍ରମ ଡିଇସିଏସ ସଭାପତି ତେଜରାଜ ଭୋଇଙ୍କ ସଭାପତିତ୍ୱ ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବରେ  ରକ୍ଷାକାରୀ ବିଶି,ସମ୍ମାନିତ ଅତିଥି ଭାବରେ କଲେଜ ଅଧ୍ୟକ୍ଷ ଲିଙ୍ଗରାଜ ବେହେରା,ହାଇସ୍କୁଲ ପ୍ରଧାନ ଶିକ୍ଷକ ଡୋଳାମଣି ପଟେଲ,ବାଳିକା ସ୍କୁଲ ଶିକ୍ଷୟିତ୍ରୀ ଅରୁନ୍ଧତୀ ଭୋଇ, ବାଳିକା ହାଇସ୍କୁଲ ର ପ୍ରଧାନ ଶିକ୍ଷକ ଭରତ ସାହୁ ଯୋଗଦାନ କରିଥିବା ବେଳେ ଆସନ୍ତା ଗଙ୍ଗାଧର ଜୟନ୍ତୀ ଉପଲକ୍ଷେ ଗଙ୍ଗାଧର ଜ୍ୟୋତିରଥକୁ ସାଫଲ୍ୟମଣ୍ଡିତ କରିବା ପାଇଁ ପ୍ରସ୍ତାବ ଦେଇ ଆସିଥିବା ଜ୍ୟୋତିରଥର ସଭାପତି ମନରଞ୍ଜନ ମେହେର,ଅଭିନେତ୍ରୀ ଡ଼ଃ ତପସ୍ୱୀନି ଗୁରୁ,ପ୍ରାକ୍ତନ ଅତିରିକ୍ତ ଶାସନ ସଚିବ ଡଃ ଦୁର୍ବାଦଲ ମେହେର ଓ କୋଶଳ ଟାଇମ ଖବର କାଗଜର ସମ୍ପାଦକ ସଂଜୀବ ମହାପାତ୍ର ଅନ୍ୟତମ ଅତିଥି ଭାବରେ ଯୋଗଦାନ କରି ଗଙ୍ଗାଧର ସାହିତ୍ୟର ପ୍ରକୃତି ଚିତ୍ରଣ ବିଷୟରେ ମତବ୍ୟକ୍ତ କରିଥିଲେ l   ଅନୁଷ୍ଠାନ ସମ୍ପାଦକ ମୋହନ ଚାନ୍ଦ ପଧାନ ବାର୍ଷିକ ବିବରଣୀ ପାଠ କରିଥିବା ବେଳେ ଅଧ୍ୟାପକ ଲୋକବନ୍ଧୁ ପଧାନ ଅତିଥି ପରିଚୟ ଓ ଧନ୍ୟବାଦ ଅର୍ପଣ କରିଥିଲେ l ସସତଲମlରେ ଥିବା ସ୍କୁଲ କଲେଜର ଶିକ୍ଷକ ଶିକ୍ଷୟିତ୍ରୀ ଓ ଛାତ୍ରଛାତ୍ରୀମାନେ ଚାରା ରୋପଣ କାର୍ଯ୍ୟକ୍ରମରେ ଯୋଗଦେଇଥିଲେ l