13-Jul-2025

ଅତାବିରା(ଆକାଶ  ମିଶ୍ର): ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ କାଣ୍ଡପାଳି ଉନ୍ନୀତ ଉଚ୍ଚ ପ୍ରାଥମିକ ବିଦ୍ୟାଳୟ,  ''ମା ପାଇଁ ଗଛ ଟିଏ''କାର୍ଯ୍ୟକ୍ରମର ମହତ୍ ଉଦ୍ଦେଶ୍ୟ କୁ ସାକାର କରିବା ନିମନ୍ତେ  ପ୍ରଧାନଶିକ୍ଷକ  ସୁବଳୟା ସେଟ ଙ୍କ ଅଧ୍ୟକ୍ଷତାରେ  ବୃକ୍ଷରୋପଣ କରାଯାଇଥିଲା l ଏହି ଅବସରରେ ଛାତ୍ର ଛାତ୍ରୀ ଙ୍କୁ ନେଇ ଏକ ପରିବେଶ ସଚେତନ ଧର୍ମୀ ସଭା ର ଆୟୋଜନ କରାଯାଇଥିଲା । ଶିକ୍ଷକ  ଉମାଶଙ୍କର ପ୍ରଧାନ, ଶିକ୍ଷୟିତ୍ରୀ ବିଜୟା ଭୋଇ, ବିଦ୍ୟାଳୟ ପରିଚାଳନା କମିଟିର

ସଭାପତି ଲୋଚନ ସାହୁ ତଥା ସମସ୍ତ ସଭ୍ୟ ସଭ୍ୟା  ମାନେ  ଉପସ୍ଥିତ ରହିଥିଲେ । ଆଜି ଏହି ପ୍ରଦୂଷଣ ମୟ ପୃଥିବୀରେ  ବୃକ୍ଷ ହିଁ ଏକମାତ୍ର  ସମାଧାନ ର ରାସ୍ତା ହୋଇ ପଡ଼ିଛି ମଣିଷ ପାଇଁ । ଆଜି ଧରଣୀ ମାଆ କାନ୍ଦୁଛି ,ମଣିଷର ଅତ୍ୟାଚାର  ତା ପାଇଁ ଅସହନୀୟ ହୋଇପଡିଛି ।ଗ୍ରୀଷ୍ମ ତାପ ବଢୁଛି,ପୁଣି ସେଇ କାରଣରୁ ଲଘୁଚାପ ହୋଇ ପ୍ରବଳ ବର୍ଷା,ପବନ ହୋଇ କେତେ ଧନ ଜୀବନ ନଷ୍ଟ ହେଉଛି । ଜଳ ,ବାୟୁ ସବୁ କିଛି  ଆଜି ପ୍ରଦୂଷିତ ହୋଇ ପଡ଼ିଛି । ବର୍ତ୍ତମାନ ମଣିଷ  ନିଜେ ମଧ୍ୟ

କଲବଲ ହେଉଛି ।ତେଣୁ ବୃକ୍ଷ ରୋପଣ କରି ଏହି ପରିବେଶ କୁ ପୁଣି ସବୁଜିମା କରିବା ପାଇଁ ଆମ ମାନଙ୍କୁ ବୃକ୍ଷ ରୋପଣ କରିବାର ଆବଶ୍ୟକତା ରହିଛି ବୋଲି ଶିକ୍ଷକ ଶିକ୍ଷୟିତ୍ରୀ ମାନେ ଛାତ୍ର ଛାତ୍ରୀ ଙ୍କୁ ଉଦବୋଧନ ଦେଇଥିଲେ । ପରିବେଶରେ ବୃକ୍ଷର ହ୍ରାସ ର କାରଣ, ତାହାର ପ୍ରଭାବ ଓ ତାହାର ନିରାକରଣ ଉପରେ ପିଲାଙ୍କୁ ସଚେତନ କରାଇଥିଲେ l ଶେଷରେ ସମସ୍ତ  ଛାତ୍ର ଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀ ମିଶି ବିଦ୍ୟାଳୟ ପରିସର ତଥା ରାସ୍ତା ରେ   ବୃକ୍ଷରୋପଣ କରିଥିଲେ ।୧୫୦ ଟି ବିଭିନ୍ନ ଜାତିର ଚାରା  ରୋପଣ  କରାଯାଇଥିଲା । ଶେଷରେ ଶିକ୍ଷକ ଶ୍ରୀ ପ୍ରଧାନ ଧନ୍ୟବାଦ୍ ଅର୍ପଣ କରିଥିଲେ ।