12-Jul-2025

ସଇଁତଳା (ପ୍ରେରଣା ଖବର):  ସଇଁତଲା ବ୍ଲକସ୍ତରୀୟ ବାର୍ଷିକ କ୍ରୀଡାର କ୍ୟାଲେଣ୍ଡେର ନିର୍ଦ୍ଧାରିତ କରିବା ପାଇଁ ବ୍ଲକର ପ୍ରଧାନଶିକ୍ଷକ/ଶିକ୍ଷୟତ୍ରୀ ଓ ଶାରୀରିକ ଶିକ୍ଷା ଶିକ୍ଷକ ଓ ଶିକ୍ଷୟତ୍ରୀଙ୍କୁ ନେଇ ଏକ ସମ୍ବିଳନୀ ସଇଁତଳା ବାଳିକା ବିଦ୍ୟାଳୟରେ ଅନୁଷ୍ଠିତ ହୋଇଛି l ଗୋଷ୍ଠୀ ଶିକ୍ଷା ଅଧିକାରୀ  ଦିଲୀପ କୁମାର ଯୋଶୀଙ୍କ ନିର୍ଦ୍ଦେଶ କ୍ରମେ ଓ ସଭାପତିତ୍ୱରେ ଅନୁଷ୍ଠିତ ଏହି ସମ୍ବିଳନୀରେ ଜିଲ୍ଲା ଅତିରିକ୍ତ ଶିକ୍ଷା ଅଧିକାରୀ  ପ୍ରବୀଣ କୁମାର ପଣ୍ଡା ମୁଖ୍ୟ ଅତିଥି, ଜିଲ୍ଲା ଶାରୀରିକ ଶିକ୍ଷା ଅଧିକାରୀ ପ୍ରଦୀପ ପାତ୍ର, ପ୍ରଧାନଶିକ୍ଷକ ନୀଳମଣି ପଟେଲ, ବାଳିକା ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ବିନାୟକ କୁମ୍ଭାର, ସଇଁତଲା ଅତିରିକ୍ତ ଶିକ୍ଷା ଅଧିକାରୀ ନାରାୟଣ ଭୋଇ ପ୍ରମୁଖ ସମ୍ମାନନୀୟ ଅତିଥି ଭାବରେ ମଂଚାସୀନ ଥିଲେ l ବ୍ଲକର ଖେଳକୁଦ ରେଜଲ୍ଟ ପାଇଁ ପ୍ରଶଂସା କରିବା ସହିତ କଣ କଲେ  ଏହାର ଅଧିକ ଉନ୍ନତି ହେବ ତାର ଉପରେ ମନ୍ତବ୍ୟ ରଖି ଥିଲେ l ଏହି ସମ୍ବିଳନୀରେ ବାର୍ଷିକ କ୍ରୀଡାର ସ୍ଥାନ ଚୟନ କରାଯାଇଥିଲା l ଖେଳକୁଦ ଘୁନସର ବିଦ୍ୟାଳୟ, କ୍ରିକେଟ ଟିକ୍ରାପଡ଼ା ହାଇସ୍କୁଲ, ଫୁଟବଲ ଧରାବଗଡ଼ ହାଇସ୍କୁଲ, କବାଡି ପଂଚାୟତ ହାଇସ୍କୁଲ ସଇଁତଲା, ଥାଙ୍ଗତା ଓ ହାଣ୍ଡ ବଲ୍ ବାଳିକା ବିଦ୍ୟାଳୟ ସଇଁତଲା ଏବଂ ଯୋଗାସନ, ଅଲମ୍ପିକ ଯୋଗାସନ ସରସ୍ବତୀ ଶିଶୁ ମନ୍ଦିର ସଇଁତଲାରେ ଅନୁଷ୍ଠିତ ହେବା ପାଇଁ ଚୟନ କରା ଯାଇଛି l କ୍ରୀଡା କାର୍ଯ୍ୟକାରୀ କମିଟିର ସଭ୍ୟ ତଥା ୟୁ ଜି ଏଚ ଏସ୍ ଡେଙ୍ଗ ର ପ୍ରଧାନଶିକ୍ଷକ ଚଣ୍ଡାଳ ମିଶ୍ରଙ୍କୁ ଖେଳ ଶିକ୍ଷକ ମାନଙ୍କ ତରଫରୁ ସମ୍ମାନିତ କରାଯାଇଥିଲା l  ବ୍ଲକର ଧରାବଗଡ ହାଇସ୍କୁଲର ପ୍ରଧାନ ଶିକ୍ଷକ ନୀଳମଣି ମେହେର, ଥାଙ୍ଗ ଟା ରେ ୮ଜଣ ଜାତୀୟସ୍ତରୀୟ ଖେଳାଳି ଓ ଏସ ଏସ ଡି  ପ୍ରଧାନଶିକ୍ଷୟତ୍ରୀ ନିବେଦିତା ହୋତା ସ୍କୁଲରୁ କବାଡିରେ ୨ଜଣ ଜାତୀୟସ୍ତରୀୟ ଖେଳାଳି ବାହାରି ଥିବାରୁ  ସମ୍ବର୍ଦ୍ଧିତ କରାଯାଇଥିଲା l ଏହି କାର୍ଯ୍ୟକ୍ରମ ବ୍ଲକ ସମ୍ପାଦିକା ଶ୍ରୀମତୀ ରଂଜିତା ମିଶ୍ରଙ୍କ ପ୍ରତ୍ୟକ୍ଷ ତତ୍ଵାବଧାନ ଅନୁଷ୍ଠିତ ହୋଇ ଥିଲା l ଏଥିରେ ୟୁଜିଏଚଏସ କଅସର ର ପ୍ରଧାନଶିକ୍ଷକ ଘନ ଶ୍ୟାମ ଦଣ୍ଡସେନା ସ୍ବାଗତ ଅଭିଭାଷଣ ଦେଇଥିଲେ l ବାଳିକା ବିଦ୍ୟାଳୟର ପ୍ରଧାନ ଶିକ୍ଷକୟତ୍ରୀ ବିନାୟକ କୁମ୍ଭାର ଧନ୍ୟବାଦ ଅର୍ପଣ କରିଥିଲେ  l ଏହି କାର୍ଯ୍ୟକ୍ରମ ସଫଳ କରିବା ପାଇଁ ବ୍ଲକ ର ସମସ୍ତ ଖେଳ ଶିକ୍ଷକ ଓ ଶିକ୍ଷୟତ୍ରୀ ଓ ସହକର୍ମୀ ସହଯୋଗ କରିଥିଲେ