12-Jul-2025

ବଲାଙ୍ଗୀର (ଦେବାଶିଷ ବହିଦାର): ସ୍ଥାନୀୟ ଭାଗବତୀ ନଗର ସ୍ଥିତ ବିକାଶ ଭେଲି ପବ୍ଲିକ୍ ସ୍କୁଲ୍ ପକ୍ଷରୁ ପ୍ରଥମରୁ ନବମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ମାନଙ୍କୁ ନେଇ ତିନୋଟି ବିଭାଗରେ ଏକ ଇଂରାଜୀ ବକ୍ତୃତା ପ୍ରତିଯୋଗିତା ଅନୁଷ୍ଠିତ ହୋଇ ଥିଲା l 

ସ୍କୁଲର ଅଧ୍ୟକ୍ଷ ଆମ୍ବରିସ ଦାସ ଙ୍କ ପରିଚାଳନାରେ ଅନୁଷ୍ଠିତ ଏହି ବକ୍ତୃତା ପ୍ରତିଯୋଗିତା ରେ ବିଚାରକ ଭାବେ ଶିକ୍ଷକ ଶିବାନନ୍ଦ ଦାଶ, ସାପ୍ତାହିକ 'ପ୍ରେରଣା'ର ସମ୍ପାଦକ ରଘୁ ନନ୍ଦନ ସିଂହ  ଓ  ବିଦ୍ୟା ଭାରତୀ ଆବସିକ ସ୍କୁଲର ଶିକ୍ଷୟିତ୍ରୀ ଆଶାଲତା ସେଠୀ ଯୋଗ ଦେଇ କୃତୀ ପ୍ରତିଯୋଗୀ ମାନଙ୍କ ନାମ ଘୋଷଣା କରିଥିଲେ l ପ୍ରତିଯୋଗିତାକୁ ସ୍କୁଲର ଶିକ୍ଷୟିତ୍ରୀ ତପସୁମ୍ ବେଗମ୍ ସଞ୍ଚାଳନ କରିଥିବା ବେଳେ ଶିକ୍ଷୟିତ୍ରୀ ପ୍ରତିମା କରନ୍, ମେଘା ରଥ, ବିବେକନନ୍ଦ ସାହୁ ସହଯୋଗ କରିଥିଲେ l ସୂଚନାଯୋଗ୍ୟ, ବିକାଶ  ଭେଲି ପବ୍ଲିକ ସ୍କୁଲରେ ପାଠପଢ଼ା ବ୍ୟତିତ  ଛାତ୍ରଛାତ୍ରୀ ମାନଙ୍କ ବ୍ୟକ୍ତିତ୍ୱର  ବିକାଶ,  ନାଚ ଗୀତ, ଯୋଗ ପ୍ରାଣାୟମ ଓ ନୈତିକ ଶିକ୍ଷା କୁ ଅଧିକ ଗୁରୁତ୍ୱ ଦିଆଯାଇଥାଏ l ପ୍ରତି ଶନିବାର ଦିନ ସ୍କୁଲର ଛାତ୍ରଛାତ୍ରୀ ମାନଙ୍କ ମଧ୍ୟରେ ବକ୍ତୃତା  ଓ  ଅନ୍ୟନ୍ୟ ବୌଦ୍ଧିକ ପ୍ରତିଯୋଗିତା ପ୍ରତିଯୋଗିତା ଅନୁଷ୍ଠିତ ହୋଇଥାଏ l