12-Jul-2025

ତରଭା(କପିଳାସ ସେଠ): ବୌଦ୍ଧ ଜିଲ୍ଲା କଣ୍ଟାମାଳ ସହ ତରଭା ବ୍ଲକ ସହିତ ସଂଯୋଗ କରୁଥିବା କଦଳୀପାଲି ଛକରୁ ତେଳନଦୀ ପୋଲ ପର୍ଯ୍ୟନ୍ତ ରାସ୍ତା ବିପର୍ଯ୍ୟସ୍ତ ହୋଇ ପଡିଛି I ବିଶେଷ କରି ମାରାଡୁଗୋଛl ଗ୍ରାମ ଛକ ଠାରୁ ବନ୍ଧ କେଡ଼ା ଦେଇ ଗୁଞ୍ଜିମୁଣ୍ଡା ଛକ ପର୍ଯ୍ୟନ୍ତ ବିପର୍ଯ୍ୟସ୍ତ ହୋଇ ପଡିଛି I ଏହି ରାସ୍ତାରେ ମଣିଷ ତ ଦୂର କଥା ଜୀବଜନ୍ତୁ ଚାଲି ଯିବା ପାଇଁ ମଙ୍ଗିବେ ନାହିଁ I ରାସ୍ତା ମରାମତି ଓ ଅର.ଡ଼ି ବିଭାଗରୁ ପି ଡବ୍ଲୁ ଡି ବିଭାଗକୁ ହସ୍ତାନ୍ତର ଆନ୍ଦୋଳନ ପାଇଁ ସଜବାଜ ଲିଖିତ ଅଭିଯୋଗ ଅଞ୍ଚଳବାସୀଙ୍କ ପକ୍ଷରୁ ହେବା ପରେ ବ୍ଲକ ପ୍ରଶାସନ ଜିଲ୍ଲା ପ୍ରଶାସନ ସହ ପୋଲିସ ଓ ଅଞ୍ଚଳବାସୀଙ୍କ ଉପସ୍ଥିତିରେ ଆଲୋଚନା ଓ ପ୍ରତିଶୃତି ପ୍ରଶାସନ ପକ୍ଷରୁ ଦିଆଯାଇଥିଲା I ହେଲେ ଦୁଃଖର କଥା ଆଜିକୁ ତିନି ମାସ ବିତି ଗଲା ହେଲେ ଆଜି ପର୍ଯ୍ୟନ୍ତ କୌଣସି ବ୍ୟବସ୍ଥା କରି ପାରିଲେ ନାହିଁ ବିଭାଗୀୟ ଅଧିକାରୀ I ଧନ୍ୟ ସେ ଅଞ୍ଚଳବାସୀ ଧନ୍ୟ ତାଙ୍କର ସହିଷ୍ଣୁତା I ମରାଡୁଗୋଛା ଛକରୁ ଗୁଞ୍ଜିମୁଣ୍ଡା ଛକ ପର୍ଯ୍ୟନ୍ତ ପ୍ରାୟ ୩କିଲୋମିଟର ରାସ୍ତା ବିପର୍ଯ୍ୟସ୍ତ ହୋଇ ପଡିଛି l ଯିବା ଆସିବା ସମ୍ଭବ ହୋଇ ପାରୁ ନାହିଁ I ଅନେକ ସମୟରେ ଦୁର୍ଘଟଣା ଘଟୁଥିବାର ଅଭିଯୋଗ ରହିଛି I ମୂଳତ ଏହି ରାସ୍ତା ଟି ତରଭା ବ୍ଲକର କଦଳୀପାଲି ଛକ ଠାରୁ ଗୁଞ୍ଜିମୁଣ୍ଡା ଗ୍ରାମ ଛକ ଦେଇ ତେଳନଦୀ ପୋଲ ସହିତ ସଂଯୋଗ କରି ପ୍ରାୟ୧୦ ଦଶ କିଲୋମିଟର ଲମ୍ଭା ଖାଳ ଢିପ ରେ ପୂର୍ଣ୍ଣ ରାସ୍ତା ରହିଛି I ରାସ୍ତା ର ଅନେକ ସ୍ଥାନ ରେ ପିଚୁ ଉଠି ବିପର୍ଯ୍ୟସ୍ତ ହୋଇ ପଡିଛି I ଏହି ରାସ୍ତାଉପରେ ବୌଦ୍ଧ ଜିଲ୍ଲା ର କଣ୍ଟାମାଳ ବ୍ଲକ ଅଞ୍ଚଳ ବାସୀ ସହ ତରଭା ବ୍ଲକର ମାରାଡୁଗୋଚ୍ଛା ପଞ୍ଚାୟତର ବନ୍ଧକେଡ଼ା, ଗୁଞ୍ଜି ମୁଣ୍ଡା, ମାରାଡୁଗୋଚ୍ଛା, ରୁଗୁଡ଼ିପାଳି, ସହିତ ନିକଟସ୍ଥ ପଞ୍ଚାୟତ ଅଞ୍ଚଳବାସୀ ଯାତାୟାତନେଇ ନିର୍ଭର କରିଥାନ୍ତି I ଏହା ସହିତ ମାତ୍ରାଧିକ ଭାରିଜାନ ଯାତାୟାତକରି ଥାଏ I ଫଳରେ ରାସ୍ତା ଅନେକ ସ୍ଥାନରେ ବଡ ବଡ ଗର୍ତ୍ତ, (ଖାଳ)ସୃଷ୍ଟି ହେବା ଯୋଗୁଁ ସାଧାରଣ ଲୋକ ଯାତାୟତରେ ନାହିଁ ନ ଥିବାର ଅସୁବିଧାର ସମୁଖୀନ ହେଉଛନ୍ତି I