12-Jun-2025

ନୂଆପଡା ଜିଲ୍ଲା ଖଡ଼ିଆଳ ପୋଲିସ କୁ ଏକ ବଡ଼ଧରଣ ର ସଫଳତା ମିଳିଛି। ଜିଲ୍ଲା ର ପ୍ରମୁଖ ସହର ଖଡ଼ିଆଳ ରେ ଦିନକୁ ଦିନ ବାଇକ ଚୋର ବୃଦ୍ଧି ପାଉଥିବା ବେଳେ ନୂଆପଡା ଏସପି ଜି ଆର ରାଘବେନ୍ଦ୍ର ଙ୍କ ନିର୍ଦେଶ କ୍ରମେ ଖଡ଼ିଆଳ ପୋଲିସ ର ଏକ ସ୍ୱତନ୍ତ୍ର ଟିମ ଗଠନ କରଯାଇ ତନାଘନା ତଦନ୍ତ ପରେ ୧୫ ଗୋଟି ଚୋରା ବାଇକ ଜବତ କରିଥିବା ବେଳେ ଏଥି ରେ ସମ୍ପୃକ୍ତ ଚାରି ଜଣ ବାଇକ ଚୋର କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଚୋର ମାନେ ହେଲେ ଖଡ଼ିଆଳ ଏନଏସି ୱାର୍ଡ ନଂ ୭ ର ପ୍ରଶାନ୍ତ କୁମାର, ଲୋହରାପାଲି ଗାଁ ର ବିକାଶ ନାଗ, ଶାଗୁନଡ଼ଙ୍ଗରି ଗାଁ ର

ଅଭିନାଶ ନାଗ ଏବଂ ଖଡ଼ିଆଳ ଏନଏସି ପୁଟୁପଡ଼ା ର ପିଣ୍ଟୁ ଝା ବୋଲି ଖଡ଼ିଆଳ ଥାନା ପରିସର ରେ ଅନୁଷ୍ଠିତ ସାମ୍ବାଦିକ ସମ୍ମିଳନୀ ରେ ନୂଆପଡା ଅତିରିକ୍ତ ଏସପି  ରଂଜିତ ନାୟକ ସୂଚନା ଦେଇଛନ୍ତି । ପୋଲିସ ସୁତ୍ର ରୁ ମିଳିଥିବା ସୂଚନା ଅନୁସାରେ ଚଳିତ ମାସ ୮ ତାରିଖ ଦିନ ଖଡ଼ିଆଳ ଥାନା ଖଇରପଦର ଗାଁ ର  ଜୟଦେବ ପଣ୍ଡା ଙ୍କ ଘର ସାମନା ରୁ ଏକ ବାଇକ ଚୋରୀ ହୋଇଥିଲା। ଉକ୍ତ ମାମଲା ଆଧାର କରି ପୋଲିସର ତନାଘନା ତଦନ୍ତ ପରେ ପ୍ରଥମେ ପ୍ରଶାନ୍ତ କୁମାର ଗିରଫ କରି ପଚରା ଉଚୁରା ପରେ ବାଇକ ରାକେଟ ଘଟଣା ର ଫର୍ଦ୍ଧଫାସ କରିବା ସହ ଖଡ଼ିଆଳ ଅଞ୍ଚଳ ର ବିଭିନ୍ନ ସ୍ଥାନରୁ ୧୫ ଗୋଟି ଚୋରା ବାଇକ ଜବତ କରିବା ସହ ଚାରିଜଣ ବାଇକ ଚୋର କୁ ଗିରଫ କରି ଘଟଣା ର ତଦନ୍ତ ଜାରି ରଖିଥିବା ଜଣାପଡିଛି ।