09-Jun-2025

ବଲାଙ୍ଗୀର(ପ୍ରେରଣା ଖବର):  ବଲାଙ୍ଗୀର ଜିଲ୍ଲା ତଥା ଜିଲ୍ଲା ବାହାରେ ଡକାୟତି ଓ ଗାଡି ଚୋରି ଘଟଣାରେ ସମ୍ପୃକ୍ତ ୪ଜଣଙ୍କୁ ଗିରଫ କଲା ବଲାଙ୍ଗୀର ପୋଲିସ l ସୂଚନାରୁ ପ୍ରକାଶ ଯେ, ଗତ ଜୁନ ୨ତାରିଖ ଦିନ ୧୦ ଟା ୫୬ ମିନିଟ୍ ସମୟରେ ପାଟଣାଗଡ଼ର ପର୍ଶୁରାମ ପନସାରୀଙ୍କ ଠାରୁ କିଛି ଦୁର୍ବୃତ୍ତ ୪ ଲକ୍ଷ ଟଙ୍କା ଲୁଟ୍ କରି ଫେରାର୍ ମାରିଥିଲେ l ପର୍ଶୁରାମ ପାଟଣାଗଡ଼ ଏସ୍ ବି ଆଇ ରୁ ଏକ ବେଗ୍  ରେ ୪ଲକ୍ଷ ଟଙ୍କା ୱିଥଡ୍ର କରି ଆଣୁଥିବା ବେଳେ ତାଙ୍କ ଦୋକାନ ସମ୍ମୁଖରେ ଏହି ଲୁଟ୍ ହୋଇ ଥିବା  ନେଇ ପାଟଣାଗଡ଼ ଥାନାରେ ଲିଖିତ ଅଭିଯୋଗ କରିଥିଲେ l ଘଟଣା ପରେ ପାଟଣାଗଡ଼ ପୋଲିସ ଡକାୟତ ଦଳକୁ ଧରିବା ପାଇଁ ତନାଘନା ଆରମ୍ଭ କରିଥିଲା l  ପାଟଣାଗଡ଼ ସହରର ବିଭିନ୍ନ ରାସ୍ତାରେ ଲାଗିଥିବା ସିସିଟିଭି କ୍ୟାମେରା, ଏ.ଏନ୍.ପି. ଆର  କେମେରା  ଓ ଏ. ଆଇ ର ସାହାଯ୍ୟ ନେଇ ପୋଲିସ ଏ ଘଟଣାରେ ସମ୍ପୃକ୍ତ ୪ଜଣ ଦୁର୍ବୃତ୍ତ ଙ୍କୁ ଗିରଫ୍ କରିବାରେ ସଫଳ ହୋଇଛି l ଏମାନେ ହେଲେ ଗଞ୍ଜାମ ଜିଲ୍ଲା ଆସିକା ଥାନା ପକଲା ପାଲି ଗାଁ  ର  ଡି. ରାହୁଲ (୨୦), ଏମ୍ ଶ୍ରୀକାନ୍ତ(୨୪), ଆସିକା ଥାନା ନୂଆପାଲି ର ପି. ଶିବା ଓ ଛତିଶଗଡ଼ ରାଜ୍ଯ ଖଳାରି ଥାନା ମହାସମୁନ୍ଦ  ର କରନ ନେତମ(୨୭)  ଏବଂ ଏମାନଙ୍କ ନାମରେ ରାଜ୍ଯ ତଥା ରାଜ୍ୟ ବାହାରର ବିଭିନ୍ନ ଥାନାରେ ପ୍ରାୟ ୧୯ ଟି କେଶ୍ ରହିଥିବା ପୋଲିସ କହିଛି l ଆଜି ଏମାନଙ୍କ ଠାରୁ ୩ ଲକ୍ଷ ୧୫ହଜlର ଟଂକା, ଦୁଇଟି ଚୋରି ବାଇକ୍, ୩ଟି ମୋବାଇଲ ଓ  ଡିକି ଭାଙ୍ଗିବା ଅସ୍ତ୍ର ଜବତ କରିଛି ପୋଲିସ l ଅନୁସନ୍ଧାନରୁ ଜଣାପଡ଼ିଛି ଯେ, ଏମାନଙ୍କର ଏକ ଗେଙ୍ଗ ଜିଲ୍ଲା,  ଜିଲ୍ଲା ବାହାରେ ତଥା ରାଜ୍ଯ ବାହାରର ବିଭିନ୍ନ ସ୍ଥାନରେ ନିଜର ଅପରାଧିକ କାର୍ଯ୍ୟକଳାପ ଚଳାଇ ଆସିଥିଲେ l  ଆହୁରି ମଧ୍ଯ ଏହି ୪ ଦୁର୍ବୃତ୍ତଙ୍କ ନାମରେ ପାଟଣାଗଡ଼ ଥାନାରେ ୨ଟି ଓ ଟିଟିଲାଗଡ଼ ଥାନାରେ ୩ ଟି କେଶ୍ ବିଚାରାଧୀନ ଅଛି l ଗତକାଲି ଏମାନଂକୁ ପାଟଣାଗଡ଼-ଖପ୍ରାଖୋଲ ରାସ୍ତା ରେ ଗିରଫ କରି ଆଜି କୋର୍ଟ ଚାଲାଣ କରାଯାଇଥିବା ନେଇ ପୋଲିସ ସୂଚନା ଦେଇଛି l ପାଟଣାଗଡ଼ ପି ଏସ୍ କେଶ୍ ନମ୍ବର ୧୬୪, ଦଫା ୩୦୯(୪) ବି ଏନ୍ ଏସ୍  ଏକ୍ଟ ରେ ଏହି ଚାରି ଜଣଙ୍କୁ ଗିରଫ୍ କରାଯିବା ନେଇ ଆଜି ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ସୂଚନା ଦେଇଛନ୍ତି ବଲାଙ୍ଗୀର ଏସ୍ ପି ଅଭିଳାଷ ଜୀ l