21-Apr-2025

ମୁଦ୍ରାଯୋର:(ପ୍ରେରଣା)- ଲଇକେରା ବ୍ଲକ୍ କୁଲେମୁରା ଗ୍ରାମପଞ୍ଚାୟତ ଅନ୍ତର୍ଗତ ମୁଦ୍ରାଯୋର ମୌଜା ସ୍ଥିତ ଆମପଡା ଗ୍ରାମ ଠାରେ ବିଗତ ୮/୧୦ ମାସ ତଳେ ଚାଲିଥିଲା ନୂତନ ଡ୍ରେନ ନିର୍ମାଣ କାମ । ଡ୍ରେନ କାମ ଟି ପ୍ରାୟ ସବୁଆଡେ ଠିକ୍ ରେ ହୋଇଥିବା ବେଳେ ଗାଁ ର ମୁଖ୍ୟ ଜନବହୁଳ ଅଞ୍ଚଳରେ ଅଧାପନ୍ତରିଆ କାମ କରି ଠିକାଦାର ସଂସ୍ଥା ଏଠିକାର ଜନ ସାଧାରଣ, ଶିଶୁ ଏବଂ ଛାତ୍ରଛାତ୍ରୀଙ୍କ ଜୀବନ ପ୍ରତି ବିପଦ ସୃଷ୍ଟି କରିଛି ଯେଉଁଠାରେ ରହିଛି ଏକ କିରାନା ଦୋକାନ, ଅଙ୍ଗନବାଡି କେନ୍ଦ୍ର, ସହଜ ଜନସେବା କେନ୍ଦ୍ର, କିର୍ତ୍ତନ ମଣ୍ଡପ ଏବଂ ହନୁମାନ୍ ମନ୍ଦିର । ଏଠାରେ ସିଏସ୍'ସି ସେଣ୍ଟର ଏବଂ କିରାନା ଦୋକାନ ଥିବାରୁ ଦିନରେ ଶହଶହ ଲୋକ ଦୋକାନକୁ ଆସୁଛନ୍ତି, ଏବଂ ଅଙ୍ଗନବାଡି କେନ୍ଦ୍ରକୁ ଅନେକ ଶିଶୁ ଓ ପ୍ରସୁତୀ ( ଗର୍ଭବତୀ ) ମାଁ ମାନେ ବିଭିନ୍ନ ପ୍ରକାର କାର୍ଯ୍ୟରେ ଆସୁଥିବା ବେଳେ ଏ ଅର୍ଦ୍ଧନିର୍ମିତ ଡ୍ରେନ ରେ ବାହାରି ଥିବା ସରିଆ ଏବଂ କଂକ୍ରିଟ କୁ ଡରି ନିଜ ଜୀବନକୁ ବାଜି ଲଗାଇ ଏଠାକୁ ଆସିବାକୁ ବାଧ୍ୟ ହେଉଛନ୍ତି । ଏହା କୁଲେମୁରା ଗ୍ରାମପଞ୍ଚାୟତ ଠାରୁ ଲଇକେରା ବ୍ଲକ୍ ମୁଖ୍ଯାଳୟ କୁ ଯିବାର ମୁଖ୍ଯ ରାସ୍ତା ଅଟେ ଓ ରାସ୍ତାଟି ଅଣ-ଓସାରିଆ ହେଇଥିବା ଯୋଗୁଁ ଏଠାରେ ପ୍ରାୟ ସବୁଦିନ ଛୋଟବଡ ଦୁର୍ଘଟଣା ଘଟୁଥିବା ବେଳେ ଏଭଲି ଅଧା କାମକୁ ସ୍ଥାନୀୟ ଲୋକେ ଦୃଢ ନିନ୍ଦା କରିବା ସହ ଠିକାଦାର ସଂସ୍ଥା ଉପରେ ପ୍ରତିଶୋଧ ପରାୟଣ ହେଉଛନ୍ତି   ।