14-Jan-2025

ବରଗଡ:(ନିରଞ୍ଜନ ତ୍ରିପାଠୀ)-ପଶ୍ଚିମ ଓଡିଶାର ବରଗଡ ଜିଲ୍ଲା ସ୍ଥିତ ଶ୍ରୀକ୍ଷେତ୍ର ଭଟଲି ଦଧିବାମନ ମନ୍ଦିରରେ ପୈାଷ ପୂର୍ଣ୍ଣିମା ତିଥି ଅନୁଯାୟୀ ପରମ୍ପରା କ୍ରମେ ମହାପ୍ରଭୁଙ୍କୁ ପୁଷ୍ୟାଭିଷେକ ମହା ସମାରୋହରେ ପାଳିତ ହୋଇ ଯାଇଥିବା ବେଳେ ନବକିଶୋର ସାହୁଙ୍କ ରଚିତ ତୋର ନାମ କିଏଦେଲା ଦଧିବାମନ ହେ.... ଚକାନୟନ ଭଜନ ସଂଗୀତ ରିଲିଜ ହୋଇଯାଇଛି। ଏହି ଭଜନ ସଂଗୀତରେ କଣ୍ଠଦାନ କରିଛନ୍ତି ବିଶ୍ୱଜିତ ମହାପାତ୍ର ଏବଂ ଶ୍ରାବଣୀ ଦାଶ। ସଙ୍ଗୀତକାର ବିପିନ ବାରିକଙ୍କ ସଙ୍ଗୀତ ନିର୍ଦ୍ଦେଶନା ସୃଷ୍ଟି ହୋଇଥିବା ଏହି ଭଜନ ସଂଗୀତ ଏମ.ବି ଷ୍ଟୁଡିଓର ଅବଦାନ ହୋଇଥିବା ବେଳେ,ସରୋଜ ସାହୁ ଏହାର ପ୍ରଯୋଜକ ଅଛନ୍ତି।ହୃଦୟକୁ ଛୁଇଲା ଭଳି ଗୀତଟି ହୋଇଛି ବୋଲି ଉଦଘାଟନୀ ଉତ୍ସବରେ ଅତିଥି ଗଣ ମତପ୍ରକାଶ କରିଛନ୍ତି। ଏହି ଅବସରରେ  ଡ଼ା ପ୍ରଶାନ୍ତ କୁମାର ପଣ୍ଡାଙ୍କ ପରିଚାଳନା ଆୟୋଜିତ କାର୍ଯ୍ୟକ୍ରମରେ ଏକ ସଭା ଅନୁଷ୍ଠିତ ହୋଇଥିଲା। ଶ୍ରୀଯୁକ୍ତ ଗୋପାଳ ଅଗ୍ରୱାଲଙ୍କ ସଭାପତିତ୍ବରେ ଅନୁଷ୍ଠିତ ସଭାରେ  ଅତିଥି ଭାବେ ନରେନ୍ଦ୍ର ପଣ୍ଡା, ନାରାୟଣ ସାହୁ ଯୋଗଦାନ କରିଥିଲେ। ମୁଖ୍ୟବକ୍ତା ଭାବେ ଦେବେନ୍ଦ୍ର ପ୍ରଧାନ ଯୋଗଦାନ କରି ରିଲିଜ ହୋଇଥିବା ଦଧିବାମନ ଙ୍କ ଭଜନ ସଙ୍ଗୀତ, ଏବଂ କଣ୍ଠଶିଳ୍ପୀ ଦୁହିଁଙ୍କ ସୁମଧୁର କଣ୍ଠର ଏହି ସଙ୍ଗୀତ ନିଶ୍ଚିତ ସାରା ଓଡ଼ିଶାରେ ଆଦୃତ ହେବ ବୋଲି ମତବ୍ୟକ୍ତ କରିଥିଲେ।ଅନ୍ୟ ମାନଙ୍କ ମଧ୍ୟରେ ବାଙ୍କ ବିହାରୀ ସାହୁ,ଶ୍ରୀବତ୍ସ ପାଣିଗ୍ରାହୀ, ଜଗଦୀଶ ସାହୁ, ଶ୍ରୀମତୀ ସୁଦୃମା ପଣ୍ଡା,ଟିକେଲାଲ୍ ମେହେର ଦଧିବାମନ ଠାକୁରଙ୍କୁ ନେଇ ଆଧାରିତ ଆଧ୍ୟାତ୍ମିକତାର ବାସ୍ନାରେ ଆତ୍ମ ପ୍ରକାଶ କରିଥିବା ସଙ୍ଗୀତ ଉପରେ ସମୀକ୍ଷା ସହ ଘରେ ଘରେ ଏହା ଆଦୃତ ହେବ ବୋଲି ପୂର୍ବାନୁମାନ କରିଥିଲେ। ବିଶେଷ କରି ଦଧିବାମନ ଙ୍କ ଭକ୍ତ ପରମାନନ୍ଦ ଏବଂ ସତୀହାରୀଙ୍କ ଜୀବନ ଉପରେ ବର୍ଣ୍ଣନା କରି ଭଜନ ଲେଖିଥିବା ରଚୟିତା ନବକିଶୋର ସାହୁଙ୍କୁ ଅତିଥି ଗଣ ଭୂୟସୀ ପ୍ରଶଂସା କରିବା ଦେଖିବାକୁ ମିଳିଥିଲା।ଶେଷରେ ପ୍ରଯୋଜକ ସରୋଜ ସାହୁ ଧନ୍ୟବାଦ ଅର୍ପଣ କରିଥିଲେ