14-Jan-2025

ବଲାଙ୍ଗୀର(ପ୍ରେରଣା ଖବର): ପୁଇଁତଳା ବ୍ଲକ ଅନ୍ତର୍ଗତ ବିଲେଇସର୍ଡା ସ୍ଥିତ ଜବାହାରଲାଲ ସରକାରୀ ଉଚ୍ଚ ବିଦ୍ୟାଳୟ ପରିସରରେ ପ୍ରଧାନ ଶିକ୍ଷକ ସ୍ବାଧିନ ସାହୁଙ୍କ ସଭାପତିତ୍ବରେ ଅନୁଷ୍ଠିତ ଅଭିଭାବକ-ଶିକ୍ଷକ ବୈଠକରେ ବରିଷ୍ଠ   ବିଜ୍ଞାନ ଶିକ୍ଷକ ସୁଧାଂଶୁ ଶେଖର ପ୍ରଧାନ ସମ୍ମିଳନୀର ଉଦ୍ଦେଶ୍ଯ ଜ୍ଞାପନ ପୂର୍ବକ ସମସ୍ତଙ୍କୁ ସ୍ବାଗତ କରିଥିଲେ। ବୈଠକରେ ବିଭିନ୍ନ ପ୍ରସଙ୍ଗରେ ଶିକ୍ଷକ ଶିକ୍ଷୟତ୍ରୀ ରାଜ୍ୟ ପ୍ରକଳ୍ପ ନିର୍ଦ୍ଦେଶକଙ୍କ ଚିଠି ମୁତାବକ ପ୍ରସଙ୍ଗ ଆଲୋକପାତ କରିଥିଲେ। ପ୍ରଧାନ ଶିକ୍ଷକ ଶ୍ରୀସାହୁ ପରୀକ୍ଷାରେ ଅଭିଭାବକଙ୍କ ଭୂମିକା ଓ ବିଦ୍ୟାଳୟ ବିକାଶ ଯୋଜନାରେ ଅଭିଭାବକଙ୍କ ଭୂମୀକା ବିଷୟରେ କହିଥିବାବେଳେ,ବିଜ୍ଞାନ ଶିକ୍ଷକ ପଂକଜ ମେହେର ଆପାର ଆଇଡି ସଂପର୍କ ରେ,ବିଜ୍ଞାନ ଶିକ୍ଷୟତ୍ରୀ ପ୍ରତୀଶା ମିଶ୍ର ମାନସିକ ଚାପ ଦୂରୀକରଣ ପ୍ରସଙ୍ଗ ଉପରେ କହିବା ସହ ଛାତ୍ର ଛାତ୍ରୀଙ୍କୁ କିପରି ଉତ୍ସାହିତ କରାଯିବ ସେ ବିଷୟରେ କହିଥିଲେ। ବରିଷ୍ଠ ଶିକ୍ଷକ ପ୍ରମୋଦ ବିଶ୍ବାଳ ମୌଳିକ ଭାଷାଜ୍ଞାନ ଓ ସଂଖ୍ୟାଜ୍ଞାନ ଶିକ୍ଷାଦାନ ସଂପର୍କ ରେ କହିବା ସହ ପରିଚୟ ପତ୍ର ପାଇଁ ପଂଜିକରଣ, ସମାପ୍ତ ସୂଚକ ଆକଳନ,ବାର୍ଷିକ ପରୀକ୍ଷା ପ୍ରସ୍ତୁତି ବିଷୟରେ କହିଥିଲେ। ଶିକ୍ଷକ କାହ୍ନୁଚରଣ ଧରୁଆ ଡ୍ରପ ଆଉଟ ହାର ହ୍ରାସ, ପରୀକ୍ଷା ପେ ଚର୍ଚ୍ଚା ବିଷୟରେ କହିଥିବା ବେଳେ ଶିକ୍ଷକ ପ୍ରଦୀପ ଦଣ୍ଡସେନା ଗୁଣାତ୍ମକ ମାନର ଶିକ୍ଷାର ଦୃଢତା ପ୍ରତି ଧ୍ୟାନ ଦେବା ପାଇଁ ଅଭିଭାବକ ପିତାମାତାଙ୍କ ଭୂମୀକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ମତ ପ୍ରକାଶ କରିଥିଲେ । ବୈଠକରେ ବିଦ୍ୟାଳୟର ଶିକ୍ଷକ ସୁଦାମ କୁମ୍ଭାର,ସଂଜୀବ ମିଶ୍ର, ଅଶ୍ବିନୀ ମହାଲିଙ୍ଗ,ସୁଜିତ ଦେହୁରୀ,ମୁରାରିମୋହନ ପର୍ଡିଆ,ଶିକ୍ଷୟତ୍ରୀ ସୁମିତ୍ରା ସୂତାର, ସୁବାଷୀନି ସେଠୀ,ନୀରୁ ବିଶ୍ବାଳ,ରଶ୍ମି ବିଶ୍ବାଳ,ରଶ୍ମିତା ନନ୍ଦ, ନୀହାରିକା ପ୍ରଧାନଙ୍କ ସହ ସମସ୍ତ ଅଭିଭାବକ ଉପସ୍ଥିତ ଥିଲେ। ଶେଷରେ ଶିକ୍ଷକ ରଞ୍ଜିତ ମିଶ୍ର ଧନ୍ୟବାଦ ଦେଇଥିଲେ ।