14-Jan-2025

ବରଗଡ:(ନିରଞ୍ଜନ ତ୍ରିପାଠୀ)-ବରଗଡ଼ ସ୍ଥିତ ବାପୁଜୀ ସ୍ୱତନ୍ତ୍ର ବିଦ୍ୟାଳୟଠାରେ ବଧିର ଛାତ୍ରଛାତ୍ରୀଙ୍କୁ ସଠିକ ଶିକ୍ଷାଦାନ ତଥା ସେମାନଙ୍କ ସହିତ ଉତ୍ତମ ଯୋଗାଯୋଗ ସ୍ଥାପନ କରିବା ଲକ୍ଷ୍ୟ ନେଇ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ,ଓଡିଶା ସରକାର ଓ ଜାତୀୟ ଅନୁଷ୍ଠାନ ବାଣୀ ଓ ଭାଷା ଅକ୍ଷମତା ଶିକ୍ଷକ ଆଞ୍ଚଳିକ ତାଲିମ ପ୍ରତିଷ୍ଠାନ(AYJNISHD) ,ଯାଆଁଳା,ଖୋର୍ଦ୍ଧା ର ମିଳିତ ଆନୁକୂଲ୍ୟରେ ଅନୁଷ୍ଠିତ ସାଙ୍କେତିକ ଭାଷା ମୋ ଭାଷା ତାଲିମ କାର୍ଯ୍ୟକ୍ରମରେ  ବାପୁଜୀ ସ୍ୱତନ୍ତ୍ର ବିଦ୍ୟାଳୟ,ବରଗଡ଼ ଓ ବଧିର ବିଦ୍ୟାଳୟ,ଜାନକେଡ଼ାର ଶିକ୍ଷକ ଓ ଅଣଶିକ୍ଷକ କର୍ମଚାରୀ ଓ ବଧିର ଛାତ୍ରଛାତ୍ରୀଙ୍କ ପିତାମାତାମାନଙ୍କୁ ସାଙ୍କେତିକ ଭାଷା ଶିକ୍ଷା ପ୍ରଦାନ ଆରମ୍ଭ ହୋଇଛି I ଏହି ଶିବିର ପାଞ୍ଚ ଦିନ (୧୩ -୧୭ ,ଜାନୁଆରୀ -୨୦୨୫) ପର୍ଯ୍ୟନ୍ତ ଚାଲିବ I ସକାଳ ୧୦ଟା .୩୦ ମିନିଟ ସମୟରେ ଯାଆଁଳା (ଖୋର୍ଦ୍ଧା)  ଆଞ୍ଚଳିକ ପ୍ରତିଷ୍ଠାନ ଆଳି ୟାଭାର ଜଙ୍ଗ ଜାତୀୟ ଅନୁଷ୍ଠାନ ବାଣୀ ଓ ଭାଷା ଅକ୍ଷମତା ଶିକ୍ଷକ ତାଲିମ ପ୍ରତିଷ୍ଠାନ (AYJNISHD)ର ସହ ନିର୍ଦ୍ଦେଶକ,ଡ଼.ଲାନୁ ୱାନବଏ ଆଇମଳ ଉଦଘାଟନ କରିଥିଲେ I ଅନ୍ୟମାନଙ୍କ ମଧ୍ୟରେ ଓଡିଶା ରାଇଜିଙ୍ଗ ଫାଉଣ୍ଡେସନର ଅଧ୍ୟକ୍ଷ, ଅକ୍ଷୟ ସାଗର, ଚନ୍ଦ୍ରଚୂଡ଼ ପ୍ରସାଦ ପାଣିଗ୍ରାହୀ,Audiologist (AYJNISHD), ଟ୍ରଷ୍ଟ ଫଣ୍ଡ ମହାବିଦ୍ୟାଳୟ ବରଗଡ଼ ର ଅଧ୍ୟକ୍ଷ ସରୋଜ ଦେବତା, ଗୌର ଚନ୍ଦ୍ର ଭୋଇ,ବଧିର ବିଦ୍ୟାଳୟର ପ୍ରଧାନ ଶିକ୍ଷକ  କିଶୋର ଚନ୍ଦ୍ର ସାହୁ, ଦୃଷ୍ଟିହୀନ ବିଦ୍ୟାଳୟର ପ୍ରଧାନ ଶିକ୍ଷକ ଅଭୟ କୁମାର ପଧାନ ଓ ବିଦ୍ୟାଳୟର ସମ୍ପାଦକ ପ୍ରାଧ୍ୟାପକ ରବିନାରାୟଣ ସାହୁ କାର୍ଯ୍ୟକ୍ରମ ସଂଯୋଜନା କରିଥିଲେ I ଶିକ୍ଷକ ତାଲିମ ଦେବାପାଇଁ ପ୍ରିୟଙ୍କା ତାରାଇ,ସସ୍ମିତା ଦେହୁରୀ,ନିରଞ୍ଜନ ଜେନା,ଦିଲ୍ଲୀପ କୁମାର ପଟେଲ ଓ ଶ୍ରୀ ପ୍ରଶାନ୍ତ କୁମାର ପ୍ରଧାନ ଯୋଗଦେଇଥିବାବେଳେ ବଧିର ଛାତ୍ରଛାତ୍ରୀଙ୍କ ଦୁଇ ଦିନ ୧୩ ଓ ୧୪ ତାରିଖ ଶ୍ରବଣ ପରୀକ୍ଷା ଓ ଶ୍ରବଣ ଯନ୍ତ୍ର ଲଗାଇବା ନିମନ୍ତେ  ଶ୍ରୀ ଚନ୍ଦ୍ର ଚୁଡ଼ ପ୍ରସାଦ ପାଣିଗ୍ରାହୀ ଙ୍କ ତତ୍ୱାବଧାନରେ ଏସ.ଲ. ଜେକ୍ସନ ଆଇମାଳ,ହରପ୍ରିୟା ସାହୁ, ଚିତ୍ତରଞ୍ଜନ ନାୟକ ଓ ସୋନାଲି ମହାପାତ୍ର ଯୋଗଦାନ କରିଛନ୍ତି I ଏହି କାର୍ଯ୍ୟକ୍ରମରେ ପ୍ରାୟ ୫୦ଜଣ ଶିକ୍ଷକ ଓ ଅଣଶିକ୍ଷକ କର୍ମଚାରୀଙ୍କ ସମେତ ବଧିର ଛାତ୍ରଛାତ୍ରୀଙ୍କ ପିତାମାତା ସାଙ୍କେତିକ ଭାଷା ଶିକ୍ଷା ଆହରଣ ପାଇଁ ଯୋଗଦାନ କରିଛନ୍ତି I ମୁଖ୍ୟ ଅତିଥି (AYJNISHD)ର ନିର୍ଦ୍ଦେଶକ,ଡ଼.ଲାନୁ ୱାନବଏ ଆଇମଳଙ୍କୁ ବିଦ୍ୟାଳୟ ପକ୍ଷରୁ ବିପୁଳ ସମ୍ବର୍ଧନା ପ୍ରଦାନ କରାଯାଇଥିଲା I ଦୃଷ୍ଟିହୀନ ବିଦ୍ୟାଳୟର ପ୍ରଧାନ ଶିକ୍ଷକ, ଅଭୟ କୁମାର ପଧାନ ଧନ୍ୟବାଦ ଅର୍ପଣ କରିଥିଲେ I